جس نے رمضان میں قیمتیں بڑھائیں اس کیخلاف سخت کریک ڈاؤن ہو گا: مریم نواز
اشاعت کی تاریخ: 17th, February 2026 GMT
وزیرِ اعلیٰ پنجاب مریم نواز—فائل فوٹو
وزیرِ اعلیٰ پنجاب مریم نواز نے کہا ہے کہ جس نے رمضان میں قیمتیں بڑھائیں اس کے خلاف سخت کریک ڈاؤن ہو گا۔
لاہور سے جاری ہونے والے بیان میں انہوں نے کہا ہے کہ مزدور کارڈ والوں کو 7 ہزار روپے اضافی دیے جائیں گے، جو کارڈ دیے جا رہے ہیں وہ ایکٹی ویٹڈ ہیں، تمام افراد اے ٹی ایم کے ذریعے رقم نکلوا سکتے ہیں، کسی پن کی ضرورت نہیں اور پنجاب کے تمام سہولت بازاروں اور ہوم ڈیلیوری کے لیے یہ کارڈ استعمال ہو سکتے ہیں۔
مریم نواز نے کہا ہے کہ اشیائے خور و نوش کی ذخیرہ اندوزی کی شکایت پر سخت ایکشن ہو گا، ہمارا پرائس کنٹرول آپریشن پورا رمضان جاری رہے گا، پیرا کے اہلکار ارزاں نرخوں پر اشیاء کی فراہمی یقینی بنائیں گے۔
وزیرِ اعلیٰ پنجاب مریم نواز نے پولیس اصلاحات کےلیے 3 ماہ کی ٹائم لائن مقرر کردی ہے۔
وزیرِ اعلیٰ پنجاب نے کہا کہ آپ کی سہولت کے لیے رمضان اور سہولت بازاروں میں ہر ممکن سہولتیں دی گئی ہیں اور ہمارے مسیحی بھائیوں کے روزے بھی تقریباً انہیں تاریخوں میں ہیں۔
انہوں نے کہا کہ جو بھی ایجنٹ آپ سے پیسے مانگے فوری رپورٹ کریں، اس کے خلاف سخت کارروائی ہو گی، پنجاب کے تمام شہروں میں سہولت بازار آپریشنل کر دیے گئے ہیں۔
وزیرِ اعلیٰ پنجاب نے مزید کہا کہ مخیر حضرات رمضان المبارک میں دستر خوان لگائیں گے، جنہیں سرٹیفکیٹ ملیں گے، تمام کمشنرز اور ڈسٹرکٹس کی ذمے داری ہے کہ ڈسپلن کے ساتھ دسترخوان لگوائیں، جو کھانا غرباء اور مساکین میں تقسیم کیا جائے اس کی کوالٹی اچھی ہونی چاہیے۔
مریم نواز نے یہ بھی کہا ہے کہ صوبے کے 40 لاکھ خاندانوں کو 10، 10 ہزار روپے کی امداد فراہم کی جائے گی۔
.
ذریعہ
ذریعہ: Jang News
کلیدی لفظ: مریم نواز نے کہا ہے کہ نے کہا
پڑھیں:
امریکا ایران غیر یقینی صورتحال: عالمی منڈی میں تیل کی قیمتیں بلند سطح پر برقرار
امریکا اور ایران کے درمیان جنگ بندی اور مذاکرات سے متعلق غیر یقینی صورتحال کے باعث عالمی منڈی میں تیل کی قیمتیں بلند سطح پر برقرار رہیں۔
منگل کے روز برینٹ خام تیل 95.04 ڈالر فی بیرل جبکہ امریکی ویسٹ ٹیکساس انٹرمیڈیٹ (WTI) 91.99 ڈالر فی بیرل پر ٹریڈ ہوا۔ دونوں بینچ مارکس گزشتہ سیشن میں 5 فیصد سے زائد اضافے کے بعد مستحکم رہے۔
سرمایہ کاروں کی توجہ خاص طور پر آبنائے ہرمز کی ممکنہ بحالی اور مشرق وسطیٰ کی کشیدگی پر مرکوز ہے۔ امریکی صدر نے کہا ہے کہ ایران کے ساتھ مذاکرات جاری ہیں اور جلد کسی معاہدے کی امید ہے تاہم ایرانی میڈیا کے مطابق بات چیت میں تعطل بھی سامنے آیا ہے۔
ماہرین کا کہنا ہے کہ تیل کی قیمتوں میں موجود اتار چڑھاؤ کا دارومدار امریکا-ایران مذاکرات اور خطے کی صورتحال پر ہے۔ دوسری جانب لبنان میں حزب اللہ اور اسرائیل کے درمیان جزوی جنگ بندی کو کشیدگی کم کرنے کی محدود کوشش قرار دیا جا رہا ہے۔
یاد رہے کہ خلیجی علاقے میں کشیدگی کے باعث تیل اور ایل این جی کی عالمی ترسیل متاثر ہوئی جس سے قیمتوں میں نمایاں اضافہ دیکھنے میں آیا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے