تعلیم قومی ترقی کی بنیاد اور مضبوط معاشرے کی ضمانت ہے، وجیہہ قمر
اشاعت کی تاریخ: 17th, February 2026 GMT
ملتان:(نیوزڈیسک)وفاقی تعلیم و پیشہ ورانہ تربیت کی وزیر مملکت وجیہہ قمر نے کہا ہے کہ تعلیم قومی ترقی کی بنیاد اور مضبوط معاشرے کی ضمانت ہے۔
بہاؤالدین زکریا یونیورسٹی ملتان کے 20ویں کانووکیشن کی تقریب سے خطاب کرتے ہوئے انہوں نے کہا کہ نوجوان کسی بھی ملک کا قیمتی اثاثہ اور روشن مستقبل ہوتے ہیں انہیں جدید نصاب اور اعلی تعلیمی سہولیات دینا ہماری ذمہ داری ہے۔
انہوں نے کہا کہ بہاؤالدین زکریا یونیورسٹی کی عالمی یونیورسٹی رینکنگ 2026 میں پاکستان بھر میں دوسری جبکہ صوبہ پنجاب میں پہلی پوزیشن حاصل کرنا یونیورسٹی کی کارکردگی کا منہ بولتا ثبوت ہے۔ انہوں نے کہا کہ حکومت اعلیٰ تعلیم کے فروغ، جامعات میں تحقیق، جدت اور انڈسٹری روابط کو مضبوط بنانے کے لیے ٹھوس اقدامات کر رہی ہے۔
وزیر مملکت اور وائس چانسلر ڈاکٹر زبیر اقبال نے کانووکیشن میں بی ایس اور ایم فل پروگرام کے 360 طلباء و طالبات کو گولڈ میڈلز جبکہ مجموعی طور پر 20ویں کانووکیشن میں 14 ہزار 261 گریجویٹس کو ڈگریاں تفویض کیں۔
.
ذریعہ
ذریعہ: Daily Mumtaz
پڑھیں:
وزیر اعلیٰ سہیل آفریدی نے بجٹ پاس کرنےکی بات کی تو علیمہ خان نے ٹوک دیا
علیمہ خان : فائل فوٹوبانی پاکستان تحریک انصاف (پی ٹی آئی) کی بہن علیمہ خان نے خیبر پختونخوا کا بجٹ پاس کرنے کی بات پر سہیل آفریدی کو تنبیہ کردی۔
راولپنڈی میں میڈیا سے گفتگو کے دوران وزیر اعلیٰ سہیل آفریدی نے بجٹ پاس کرنے کی بات کی تو علیمہ خان نے ٹوک دیا، بانی پی ٹی آئی کی بہن نے کہا کہ آپ بجٹ پاس کیوں کر رہے ہیں؟ ان سے کہیں پہلے میری ملاقات کروائیں۔
وزیر اعلیٰ خیبر پختونخوا سہیل آفریدی گورکھ پور ناکے پر پہنچ گئے، سہیل آفریدی سرکاری پروٹوکول میں گورکھ پور ناکے پر پہنچے۔
علیمہ خان نے کہا کہ بانی پی ٹی آئی نے پچھلے سال بھی کہا تھا میرے ساتھ بجٹ ڈسکس کرو، آپ آج بھی ان سے کہیں بجٹ سے پہلے بانی پی ٹی آئی سے ملاقات کروائیں۔
انہوں نے کہا کہ بانی پی ٹی آئی کو تنہا کیا گیا جو غیر قانونی اور غیر آئینی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے