پنجاب ٹیکنکل ایجوکیشن بورڈ، دوسرے سالانہ امتحانی نتائج کا اعلان
اشاعت کی تاریخ: 17th, February 2026 GMT
لاہور:(نیوزڈیسک) پنجاب بورڈ آف ٹیکنکل ایجوکیشن نے دوسرے سالانہ امتحان 2025 کے نتائج جاری کر دیے۔
ڈی اے ای، ڈپلومہ اِن کامرس، میٹرک ٹیک اور میٹرک ووکیشنل کے رزلٹ کا اعلان کیا گیا جب کہ امتحانات دسمبر اور جنوری میں منعقد ہوئے تھے جس میں 47 ہزار 556 طلبا و طالبات نے شرکت کی۔
امتحانی نتائج کے مطابق 14 ہزار 390 امیدوار کامیاب قرار پائے، مجموعی رزلٹ کا تناسب 30 اعشاریہ 26 فیصد رہا، رزلٹ بورڈ کی ویب سائٹ پر اپ لوڈ کر دیا گیا۔
دوسری جانب چیئرپرسن سارہ رشید اور کنٹرولر امتحانات عرفان قاسم ملک نے کامیاب امیدواروں کو مبارکباد پیش کی جب کہ سیکرٹری بورڈ محمد حفیظ چودھری نے شفاف اور بروقت رزلٹ پر عملے کو شاباش دی۔
.
ذریعہ
ذریعہ: Daily Mumtaz
پڑھیں:
سونے کی قیمت میں اضافہ، فی تولہ سونا 4 لاکھ 33 ہزار 836 روپے ہوگیا
کراچی: پاکستان میں سونے کی قیمت میں اضافہ مسلسل دوسرے روز بھی جاری رہا، جس کے بعد مقامی صرافہ بازاروں میں فی تولہ سونا 4 ہزار 600 روپے مہنگا ہو گیا۔
آل پاکستان صرافہ جیمز اینڈ جیولرز ایسوسی ایشن کے مطابق اضافے کے بعد 24 قیراط فی تولہ سونے کی نئی قیمت 4 لاکھ 33 ہزار 836 روپے مقرر کی گئی ہے۔
ایسوسی ایشن کے مطابق 10 گرام سونے کی قیمت میں بھی 3 ہزار 944 روپے کا اضافہ ریکارڈ کیا گیا، جس کے بعد نئی قیمت 3 لاکھ 71 ہزار 944 روپے ہو گئی۔
دوسری جانب چاندی کی قیمت میں بھی معمولی اضافہ دیکھا گیا۔ فی تولہ چاندی 7 روپے اضافے کے بعد 6 ہزار 403 روپے جبکہ 10 گرام چاندی 6 روپے مہنگی ہو کر 5 ہزار 489 روپے کی سطح پر پہنچ گئی۔
یاد رہے کہ گزشتہ روز بھی سونے کی قیمت میں نمایاں اضافہ ہوا تھا، جب فی تولہ سونا 4 ہزار 700 روپے مہنگا ہو کر 4 لاکھ 29 ہزار 236 روپے تک پہنچ گیا تھا، جبکہ 10 گرام سونے کی قیمت 4 ہزار 29 روپے اضافے کے بعد 3 لاکھ 68 ہزار روپے ہوگئی تھی۔
عالمی مارکیٹ میں بھی قیمتی دھاتوں کے نرخ بڑھنے کا رجحان برقرار ہے۔ بین الاقوامی مارکیٹ میں فی اونس سونے کی قیمت 46 ڈالر اضافے کے بعد 4 ہزار 114 ڈالر ریکارڈ کی گئی، جبکہ چاندی کی عالمی قیمت 0.07 ڈالر اضافے سے 59.24 ڈالر فی اونس تک پہنچ گئی۔
ماہرین کا کہنا ہے کہ عالمی منڈی میں سونے کی قیمتوں میں اضافے، امریکی ڈالر کی نقل و حرکت، شرح سود اور جغرافیائی کشیدگی جیسے عوامل مقامی مارکیٹ پر بھی براہِ راست اثر انداز ہوتے ہیں، جس کے باعث پاکستان میں سونے کی قیمتوں میں مسلسل اتار چڑھاؤ دیکھا جا رہا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا