گلگت میں ابتدائی انتباہی نظام سے متعلق منصوبے کی افتتاحی ورکشاپ
اشاعت کی تاریخ: 17th, February 2026 GMT
منصوبے کا مقصد سیلاب، گلیشیائی جھیلوں کے پھٹنے اور لینڈ سلائیڈنگ جیسے قدرتی خطرات کے مقابلے کے لیے بروقت اور مؤثر ابتدائی انتباہی نظام قائم کرنا ہے۔ اسلام ٹائمز۔ چین کی بین الاقوامی ترقیاتی تعاون ایجنسی، اقوامِ متحدہ کے ادارہ برائے ترقیاتی پروگرام (یو این ڈی پی) اور حکومتِ گلگت بلتستان نے جی بی میں ابتدائی انتباہی نظام کو جدید بنانے کے ایک نئے منصوبے کی افتتاحی ورکشاپ گلگت میں منعقد ہوئی۔ افتتاحی تقریب میں نگراں وزیرِ خزانہ، منصوبہ بندی و ترقی گلگت بلتستان کرنل (ر) ابرار اسماعیل، کمشنر بلتستان ڈویژن کمال خان، ضلعی انتظامیہ، متعلقہ سرکاری اداروں اور این جی اوز کے نمائندگان نے شرکت کی۔ یہ منصوبہ حکومتِ گلگت بلتستان کے محکمہ منصوبہ بندی و ترقیات اور اقوامِ متحدہ کے ترقیاتی ادارہ برائے ترقیاتی پروگرام (یو این ڈی پی) کے اشتراک سے، گلگت بلتستان رورل سپورٹ پروگرام کے ذریعے نافذ کیا جا رہا ہے اور خطے کے تمام اضلاع میں عمل میں لایا جائے گا۔ منصوبے کے لیے چین کی بین الاقوامی ترقیاتی تعاون ایجنسی کی جانب سے مالی معاونت فراہم کی گئی ہے۔
منصوبے کا مقصد سیلاب، گلیشیائی جھیلوں کے پھٹنے اور لینڈ سلائیڈنگ جیسے قدرتی خطرات کے مقابلے کے لیے بروقت اور مؤثر ابتدائی انتباہی نظام قائم کرنا ہے۔ اس منصوبے سے براہِ راست تین ہزار افراد مستفید ہوں گے جبکہ پورے گلگت بلتستان میں تقریباً بیس لاکھ افراد کی جان و مال کے تحفظ میں مدد ملے گی۔ اپنے افتتاحی خطاب میں کرنل (ر) ابرار اسماعیل نے خطے میں بڑھتے ہوئے موسمیاتی خطرات کی نشاندہی کرتے ہوئے جدید، قابلِ اعتماد اور مؤثر ابتدائی انتباہی نظام کی ضرورت پر زور دیا۔ انہوں نے ادارہ جاتی صلاحیت میں اضافے اور ٹیکنالوجی کی مدد سے آفات کے خطرات میں کمی کے لیے چین کی بین الاقوامی ترقیاتی تعاون ایجنسی اور اقوامِ متحدہ کے ترقیاتی ادارے کی مالی و فنی معاونت کو سراہا۔
ورکشاپ کے دوران منصوبے کے متوقع نتائج، عملی نفاذ کا طریقہ کار، ممکنہ چیلنجز اور ان سے نمٹنے کی حکمتِ عملی پر تفصیلی بریفنگ دی گئی۔ مختلف اداروں کے کردار، باہمی رابطہ کاری کے نظام اور قابلِ عمل معلومات کو آفات سے نمٹنے کے انتظامات میں شامل کرنے کے طریقوں پر وضاحت کی گئی۔ ابتدائی انتباہی نظام کے آلات کی فزیبلٹی جانچ اور تنصیب کے مقامات کی توثیق سے متعلق جامع پریزنٹیشن میں تکنیکی عمل اور ترجیحی علاقوں کی نشاندہی کی گئی۔ کمشنر بلتستان ڈویژن کمال خان نے موسمیاتی خطرات سے متعلق بروقت اور درست معلومات کے تبادلے کے لیے ایک مضبوط ڈیٹا سینٹر کے قیام کی ضرورت پر زور دیا، ابتدائی جائزوں کے دوران ادارہ جاتی ہم آہنگی کو سراہا اور نصب شدہ نظاموں کی پائیداری اور مقامی ملکیت کو یقینی بنانے کے لیے کمیونٹی کی فعال شمولیت پر زور دیا۔
ذریعہ
ذریعہ: Islam Times
کلیدی لفظ: ابتدائی انتباہی نظام گلگت بلتستان کے لیے
پڑھیں:
گلگت بلتستان کو بھی آئینی وبنیادی حقوق ملنے چاہئیں ، سعد رفیق
سکردو(اُردو پوائنٹ اخبارتازہ ترین - آن لائن۔ 02 جون2026ء) پاکستان مسلم لیگ (ن) کے سینئر رہنما اور سابق وفاقی وزیر خواجہ سعد رفیق نے کہا ہے کہ گلگت بلتستان کے عوام کی ترقی مسلم لیگ (ن) کی اولین ترجیح ہے اور انہیں ملک کے دیگر صوبوں کی طرح مکمل آئینی اور بنیادی حقوق ملنے چاہئیں۔(جاری ہے)
جی بی ای-8 سکردو-2 میں انتخابی مہم کے سلسلے میں مسلم لیگ (ن) کے نامزد امیدوار حاجی اکبر تابان کی رہائش گاہ پر پارٹی کارکنوں سے خطاب کرتے ہوئے خواجہ سعد رفیق کا کہنا تھا کہ مسلم لیگ (ن) اقتدار میں آ کر عوام کی محرومیاں ختم کرے گی اور گلگت بلتستان کے حقوق کیلئے پارلیمنٹ میں مؤثر آواز اٹھائے گی۔
انہوں نے کہا کہ پسماندہ علاقوں کی ترقی پر خصوصی توجہ دی جائے گی اور خطے میں بجلی کے نئے منصوبے متعارف کرائے جائیں گے۔ان کا کہنا تھا کہ گلگت بلتستان کی ترقی اور خوشحالی کیلئے سب کو مل کر کام کرنا ہوگا، پاکستان کے قیام کا جو مقصد تھا، اسے پورا کرنا ہماری مشترکہ ذمہ داری ہے، پاکستان مسلم دنیا کی واحد ایٹمی قوت ہے اور بھارت کے فالس فلیگ آپریشنز کو ہمیشہ ناکامی کا سامنا کرنا پڑا ہے۔خواجہ سعد رفیق نے مزید کہا کہ مسلم لیگ (ن) کی سیاست الزام تراشی نہیں بلکہ دلیل، خدمت اور عوامی ترقی کی سیاست ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے