جماعت اسلامی کی جے یو آئی سے ملاقات، میئر کراچی کیخلاف تحریک عدم اعتماد کی حکمت عملی تیار
اشاعت کی تاریخ: 17th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
اپوزیشن لیڈر سیف الدین ایڈوکیٹ کی قیادت میں جماعت اسلامی کراچی کے سٹی کونسل اراکین کے وفد نے جمعیت علمائے اسلام کے پارلیمانی لیڈر مفتی خالد سے ملاقات کی، جس میں میئر کراچی مرتضیٰ وہاب کے خلاف تحریک عدم اعتماد کے سلسلے میں تفصیلی حکمت عملی پر بات چیت کی گئی۔
سیف الدین ایڈوکیٹ نے میڈیا سے گفتگو کرتے ہوئے کہا کہ میئر کراچی ناکام ہوچکے ہیں اور شہر کے ہر شعبے میں بدترین صورتحال ہے، پیپلز پارٹی 18 سال سے کراچی کے لیے کچھ قابلِ ذکر فراہم نہیں کر سکی اور آئندہ بہتری کی کوئی توقع نہیں کی جاسکتی۔
انہوں نے مزید کہا کہ جماعت اسلامی کے وفد نے جے یو آئی کے رہنماؤں کے ساتھ مشاورت کے دوران ہر شعبے میں بدانتظامی، لوٹ مار اور کرپشن کے معاملات پر مکمل اتفاق رائے قائم کیا۔ مسلم لیگ ن، ٹی ایل پی اور پی ٹی آئی کے اتحادی ارکان سے بھی رابطے جاری ہیں جبکہ پیپلز پارٹی کے بعض ارکان سے انفرادی ملاقاتیں کی جا رہی ہیں۔
سیف الدین ایڈوکیٹ نے واضح کیا کہ اگر خفیہ رائے دہی کا موقع دیا جائے تو پیپلز پارٹی کے تین چوتھائی ارکان بھی عدم اعتماد کے حق میں ووٹ دیں گے۔
مفتی خالد نے ملاقات کے دوران وفد کا شکریہ ادا کیا اور کہا کہ اپوزیشن کا وفد شہر کے مسائل اور سٹی کونسل میں آئندہ کے لائحہ عمل پر تبادلہ خیال کے لیے آیا ہے، جماعت اسلامی کی تجاویز پر اپنی قیادت سے بات کی جائے گی اور مشاورتی عمل جاری رہے گا تاکہ شہر کے بہتر مستقبل کے لیے فیصلے کیے جا سکیں۔
وفد میں سٹی کونسل کے اراکین نعمان الیاس، عمیر اکرم اور تیمور احمد شامل تھے جبکہ جے یو آئی کی جانب سے مفتی خالد، مصطفی برکی اور دیگر موجود تھے۔
سیف الدین ایڈوکیٹ نے مزید کہا کہ پانی، سیوریج، سالڈ ویسٹ مینجمنٹ، سڑکوں اور امن و امان سمیت کوئی شعبہ ایسا نہیں جہاں بہتری آئی ہو۔ انہوں نے گل پلازہ سانحے کا حوالہ دیتے ہوئے کہا کہ اس نے نظام کی ناکامی اور کرپشن کو بے نقاب کر دیا ہے اور موجودہ میئر کی قیادت میں نہ منصوبے درست انداز میں منظور ہو رہے ہیں اور نہ ہی عملی اقدامات زمین پر نظر آتے ہیں۔
انہوں نے عوام کو یقین دلایا کہ جماعت اسلامی اہل کراچی کو تنہا نہیں چھوڑے گی اور قابض میئر و پیپلز پارٹی کی حکومت سے شہر کو نجات دلانے کے لیے بھرپور جدوجہد جاری رکھی جائے گی۔
ذریعہ
ذریعہ: Jasarat News
کلیدی لفظ: سیف الدین ایڈوکیٹ جماعت اسلامی پیپلز پارٹی کے لیے کہا کہ
پڑھیں:
وزیراعظم سے چینی کمپنی کے وفد کی ملاقات، غذائی تحفظ کے منصوبوں پر تبادلہ خیال
وزیراعظم سے چینی کمپنی کے وفد کی ملاقات، غذائی تحفظ کے منصوبوں پر تبادلہ خیال WhatsAppFacebookX 0 23 July, 2026 سب نیوز
اسلام آباد(آئی پی ایس ) وزیراعظم محمد شہباز شریف سے چین کی معروف کمپنی فیمسن کے چیف ایگزیکٹو افسر جیک چین کی قیادت میں وفد نے ملاقات کی، جس میں پاکستان میں غذائی تحفظ، جدید زرعی ٹیکنالوجی اور فوڈ اسٹوریج کے منصوبوں پر تبادلہ خیال کیا گیا۔
وزیراعظم نے چینی وفد کو پاکستان آمد پر خوش آمدید کہتے ہوئے کہا کہ پاکستان اور چین مثالی دوست ہیں، جن کے درمیان معاشی شراکت داری اور دوستانہ تعلقات وقت کے ساتھ مزید مضبوط ہو رہے ہیں۔ انہوں نے کہا کہ دونوں ممالک کے درمیان بزنس ٹو بزنس تعاون سے یہ دوستی مزید مستحکم ہوگی۔شہباز شریف نے فیمسن کی جانب سے پاکستان میں اجناس کے اسٹوریج مراکز کو جدید اسٹیٹ آف دی آرٹ مراکز میں تبدیل کرنے کے منصوبے کا خیرمقدم کرتے ہوئے کہا کہ اس سے زرعی شعبے میں جدید ٹیکنالوجی متعارف ہوگی، غذائی تحفظ میں بہتری آئے گی اور تجارتی سرگرمیوں کو فروغ ملے گا۔
وزیراعظم نے ہدایت کی کہ ان منصوبوں میں پاکستان کی افرادی قوت کی ہنرمندی اور پیشہ ورانہ تربیت کو بھی شامل کیا جائے تاکہ مقامی افرادی قوت جدید زرعی ٹیکنالوجی سے مستفید ہو سکے۔فیمسن کے چیف ایگزیکٹو جیک چین نے پرتپاک میزبانی پر وزیراعظم اور حکومت پاکستان کا شکریہ ادا کرتے ہوئے بتایا کہ وزیراعظم کے حالیہ دور چین کے دوران ہونے والی ملاقات کے نتیجے میں وہ پاکستان آئے ہیں تاکہ غذائی تحفظ سے متعلق قابلِ عمل منصوبوں کو آگے بڑھایا جا سکے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرپراسیکیوٹر جنرل کی تعیناتی اسلام آباد بار سے ہو گی:اعظم نذیر تارڑ اگلی خبرلاہور ہائی کورٹ کا اہم فیصلہ: ہا ئوسنگ سوسائٹیوں کے پارک، اسکول اور مسجد کی زمین فروخت نہیں کی جا سکتی پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکیCopyright © 2026, All Rights Reserved
رابطہ کریں ہماری ٹیم
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا