کراچی: ثانوی تعلیمی بورڈ نے جماعت نہم و دہم کی جوابی کاپی تبدیل کر دی
اشاعت کی تاریخ: 17th, February 2026 GMT
ثانوی تعلیمی بورڈ کراچی نے سالانہ امتحانات برائے سال2026 ء جماعت نہم و دہم کی جوابی کاپی تبدیل کر دی۔
بورڈ کے مطابق جماعت نہم و دہم کے سالانہ امتحانات برائے سال2026 ء OMR (E Answerbook) کاپی پر لیا جائے گا، اس سلسلے میں بورڈ نے اپنی تیاری مکمل کرلی ہے۔
امتحانی کاپی بورڈ کی آفیشل ویب سائٹ پر اپ لوڈ کر دی ہے، تمام اسکولوں کے سربراہان سے کہا گیا ہے کہ وہ طلبہ کے بہترین مفاد میں اس کاپی کو ڈاؤن لوڈ کر کے نہم و دہم جماعت کے طلبہ کو اس پر پریکٹس کرائیں۔
بورڈ کا کہنا ہے کہ پریکٹس کے سبب جب طلبہ سالانہ امتحان میں پرچہ کریں تو انہیں کاپی کا ٹائٹل صفحہ پُر کرنے اور اندر سوال و جواب حل کرنے میں کسی قسم کی پریشانی نہ ہو۔
.
ذریعہ
ذریعہ: Jang News
پڑھیں:
ٹرمپ کے وار پاورز محدود؛ امریکی پارلیمان نے ایران جنگ روکنے کی قرارداد منظور کرلی
امریکی ایوانِ نمائندگان نے صدر ڈونلڈ ٹرمپ کو ایران کے ساتھ جاری فوجی تنازع سے امریکی افواج واپس بلانے کی ہدایت دینے والی وار پاورز قرارداد دوبارہ منظور کرلی۔
عالمی خبر رساں ادارے کے مطابق یہ قرارداد اپوزیشن جماعت ڈیموکریٹ کی رکنِ کانگریس پرامیلا جے پال کی جانب سے پیش کی گئی جس کے حق میں 214 جب کہ مخالفت میں 208 ووٹ پڑے۔
رائے شماری میں اپوزیشن جماعت ڈیموکریٹ کے تمام اراکین نے قرارداد کی حمایت کی جب کہ حکمراں جماعت ریپبلکن کے 5 ارکان نے بھی پارٹی پالیسی کے برعکس ووٹ دیتے ہوئے قرارداد کے حق میں رائے دی۔
خیال رہے کہ یہ دوسری بار ہے کہ ایوانِ نمائندگان نے اسی نوعیت کی قرارداد منظور کی ہے۔ گزشتہ ماہ بھی ایوان نے ایسی ہی ایک قرارداد منظور کی تھی جسے بعد میں سینیٹ نے بھی منظور کر لیا تھا۔
اگرچہ قرارداد کی منظوری سیاسی لحاظ سے اہم سمجھی جا رہی ہے تاہم اس کی قانونی حیثیت محدود ہے۔ ٹرمپ انتظامیہ کا مؤقف ہے کہ اس قسم کی وار پاورز قراردادیں آئین سے مطابقت نہیں رکھتیں اور صدر بطور کمانڈر اِن چیف قومی سلامتی کے معاملات میں فوجی فیصلے کرنے کا اختیار رکھتے ہیں۔
ووٹنگ سے قبل ہونے والی بحث میں ایوانِ خارجہ امور کمیٹی کے سرکردہ ڈیموکریٹ رکن گریگ میکس نے کہا کہ صدر ٹرمپ نے کانگریس کی پیشگی منظوری کے بغیر ایران کے خلاف فوجی کارروائی کر کے امریکی قانون اور آئینی تقاضوں کی خلاف ورزی کی ہے۔
یہ قرارداد ایسے وقت منظور ہوئی جب یمن کے حوثیوں کے بحیرہ احمر میں سعودی آئل ٹینکرز پر حملوں کے بعد عالمی منڈی میں خام تیل کی قیمتیں 100 ڈالر فی بیرل سے تجاوز کرچکی ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار