سکھرمیں بے امنی کیخلاف ریلوے پریم یونین کا احتجاج
اشاعت کی تاریخ: 18th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
سکھر (نمائندہ جسارت) سکھر میں بے امنی کے خلاف ریلوے پریم یونین کا احتجاج، مرکزی سیکرٹری جنرل خیر محمد تنیو کی گاڑی چوری ہونے پر پولیس کے خلاف نعرے بازی، آئی جی سندھ اور اعلیٰ حکام سے فوری نوٹس اور گاڑی کی بازیابی کا مطالبہ، بصورتِ دیگر ملک گیر احتجاج کی دھمکی ،سکھر میں بڑھتی ہوئی بے امنی، لوٹ مار اور موٹر سائیکلوں و گاڑیوں کی مسلسل چوری کے خلاف پریم یونین سی بی اے ضلع سکھر کی جانب سے سکھر پریس کلب کے سامنے بھرپور احتجاجی مظاہرہ کیا گیا۔ مظاہرے میں پریم یونین پاکستان کے سیکرٹری جنرل خیر محمد تنیو کی گھر کے باہر کھڑی گاڑی چوری ہونے کے واقعے پر سخت ردعمل کا اظہار کرتے ہوئے پولیس کے خلاف شدید نعرے بازی کی گئی۔احتجاجی مظاہرے میں جماعت اسلامی پاکستان ضلع سکھر کے امیر زبیر حفیظ، پریم یونین کے مرکزی رہنما خیر محمد تنیو، اختر علی عباسی سمیت ریلوے مزدوروں اور کارکنان کی بڑی تعداد شریک ہوئی۔مظاہرین سے خطاب اور میڈیا سے گفتگو کرتے ہوئے رہنماؤں نے کہا کہ سکھر میں اسٹریٹ کرائم تشویشناک حد تک بڑھ چکا ہے۔ روزانہ کی بنیاد پر موٹر سائیکلوں اور گاڑیوں کی چوری معمول بن گئی ہے جبکہ شہری خود کو غیر محفوظ محسوس کر رہے ہیں۔رہنماؤں کا کہنا تھا کہ یہ افسوسناک امر ہے کہ ایک ذمہ دار شہری اور مزدور تنظیم کے مرکزی رہنما کی گاڑی بھی محفوظ نہ رہ سکی۔ انہوں نے سوال اٹھایا کہ پولیس کی کارکردگی کا جائزہ کون لے رہا ہے اور کیا متعلقہ افسران کی کارکردگی کا آڈٹ کیا جا رہا ہے؟ ان کا کہنا تھا کہ سکھر، جو سندھ کا اہم تجارتی شہر ہے، اب جرائم پیشہ عناصر کے رحم و کرم پر چھوڑ دیا گیا ہے۔مظاہرین نے سندھ پولیس کے آئی جی سمیت اعلیٰ حکام سے مطالبہ کیا کہ شہر میں امن و امان کی بحالی اور اسٹریٹ کرائم کے خاتمے کے لیے فوری اور مؤثر اقدامات کیے جائیں۔ انہوں نے کہا کہ ایس ایس پی سکھر اور متعلقہ تھانوں کے افسران و اہلکاروں کی کارکردگی پر نظرثانی کی جائے اور نظام میں موجود ‘‘کالی بھیڑوں’’ کی نشاندہی کر کے سخت کارروائی کی جائے۔پریم یونین سی بی اے پاکستان کے جنرل سیکرٹری خیر محمد تنیو نے بتایا کہ وہ ایوب کے کے قریب ریلوے کالونی میں رہائش پذیر ہیں جہاں ان کی گاڑی رات کے وقت گھر کے باہر سے چوری کر لی گئی۔ انہوں نے کہا کہ صبح ایس ایچ او سے رابطہ کیا گیا جو موقع پر بھی آئے جبکہ ایس ایس پی سے بھی بات ہوئی، تاہم اب تک کوئی خاطر خواہ پیش رفت سامنے نہیں آئی۔ان کا کہنا تھا کہ سکھر شہر میں سینکڑوں کی تعداد میں سی سی ٹی وی کیمرے نصب ہیں، جن کی مدد سے باآسانی معلوم کیا جا سکتا ہے کہ گاڑی کس نے اور کس سمت لے جا کر چھپائی، مگر پولیس کی سست روی باعثِ تشویش ہے۔ انہوں نے مطالبہ کیا کہ فوری طور پر چوری شدہ گاڑی برآمد کی جائے، بصورتِ دیگر ریلوے مزدور احتجاج کا دائرہ وسیع کرنے پر مجبور ہوں گے۔احتجاج میں شریک اختر علی عباسی نے کہا کہ اگر ایک سرکاری ملازم اور مزدور رہنما اپنے گھر میں محفوظ نہیں تو عام شہری کی حالت کا اندازہ لگایا جا سکتا ہے۔ انہوں نے ایس ایس پی سکھر، ڈی آئی جی سکھر اور آئی جی سندھ سے مطالبہ کیا کہ فوری طور پر گاڑی بازیاب کر کے ملزمان کو گرفتار کیا جائے۔مظاہرین نے خبردار کیا کہ اگر مطالبات تسلیم نہ کیے گئے تو موجودہ پرامن احتجاج کو وسعت دیتے ہوئے پریم یونین سی بی اے کے پلیٹ فارم سے ملک گیر سطح پر احتجاج کیا جائے گا۔احتجاج کے اختتام پر مظاہرین نے شہر میں امن و امان کی بحالی، اسٹریٹ کرائم کے خاتمے اور پولیس کی مؤثر کارکردگی کو یقینی بنانے کا مطالبہ دہراتے ہوئے پرامن طور پر منتشر ہوگئے۔
ذریعہ
ذریعہ: Jasarat News
کلیدی لفظ: خیر محمد تنیو پریم یونین نے کہا کہ انہوں نے کے خلاف کیا جا کیا کہ
پڑھیں:
گل فیروزہ، سدرہ امین اور نشرہ سندھو کی شاندار کارکردگی، پاکستان نے سری لنکا کیخلاف پہلا پہلے ون ڈے جیت لیا
گل فیروزہ، سدرہ امین اور نشرہ سندھو کی عمدہ کارکردگی کی بدولت پاکستان ویمنز کرکٹ ٹیم نے سری لنکا کو پہلے ایک روزہ میچ میں 5 وکٹوں سے شکست دے کر 3 میچوں کی سیریز میں 1-0 کی برتری حاصل کر لی۔
یہ بھی پڑھیں: پاکستان ویمنز ٹیم کا سری لنکا ٹور: ٹی20 سیریز نئے مقام پر منتقل، کس کا پلڑا بھاری؟
آئی سی سی ویمنز چیمپیئن شپ 2025-29 کے تحت کھیلے گئے میچ میں سری لنکا نے ٹاس جیت کر پہلے بیٹنگ کا فیصلہ کیا تاہم پاکستانی بولرز کی نپی تلی بولنگ کے باعث مقررہ 50 اوورز میں 9 وکٹوں کے نقصان پر 210 رنز ہی بنا سکی۔
سری لنکا کی جانب سے اوپنرز وشمی گوناتنے اور کپتان چماری اتھاپتھو نے ٹیم کو اچھا آغاز فراہم کیا اور ابتدائی 5 اوورز میں بغیر کسی نقصان کے 31 رنز بنائے۔ دونوں نے پہلی وکٹ کے لیے نصف سینچری شراکت بھی قائم کی جو سری لنکا کی جانب سے ون ڈے کرکٹ میں کسی بھی اوپننگ جوڑی کی 5ویں ففٹی پارٹنرشپ تھی۔
پاکستانی اسپنرز کے اٹیک پر آنے کے بعد سری لنکن بیٹنگ کی رفتار سست پڑ گئی۔ نشرہ سندھو نے پہلے وشمی گوناتنے کو آؤٹ کیا جبکہ بعد ازاں کپتان چماری اتھاپتھو کو بھی بولڈ کر دیا۔
اتھاپتھو اور حسینی پریرا نے دوسری وکٹ کے لیے 53 رنز جوڑے تاہم اس کے بعد پاکستانی بولرز نے میچ پر گرفت مضبوط کر لی۔ نیلکشیکا سلوا اور کویشا دلہاری کے درمیان 5ویں وکٹ کے لیے 42 رنز کی شراکت کے علاوہ کوئی بڑی پارٹنرشپ نہ بن سکی جبکہ آخری 7 اوورز میں سری لنکا نے 32 رنز کے عوض 5 وکٹیں گنوا دیں۔
مزید پڑھیے: فاطمہ ثنا نے تاریخ رقم کر دی، ویمنز دی ہنڈرڈ کھیلنے والی پہلی پاکستانی کرکٹر بن گئیں
پاکستان کی جانب سے نشرہ سندھو نے شاندار بولنگ کرتے ہوئے 42 رنز دے کر 3 وکٹیں حاصل کیں۔
گل فیروزہ کی مسلسل چوتھی نصف سینچری211 رنز کے ہدف کے تعاقب میں پاکستان نے پراعتماد آغاز کیا۔ اوپنر گل فیروزہ نے ایک مرتبہ پھر عمدہ بیٹنگ کا مظاہرہ کرتے ہوئے مسلسل چوتھی ون ڈے نصف سینچری اسکور کی۔
انہوں نے ابتدائی پاور پلے میں جارحانہ انداز اپنایا اور صدف شمس کے ساتھ پہلی وکٹ کے لیے 58 رنز کی شراکت قائم کی۔
Pakistan women beat Sri Lanka women by 5 wickets in the first One-Day International of the three-match series in Hambantota today.@TheRealPCBMedia @TheRealPCB #News #RadioPakistan https://t.co/5cesGghrAK
— Radio Pakistan (@RadioPakistan) July 23, 2026
بعد ازاں گل فیروزہ اور سدرہ امین نے دوسری وکٹ کے لیے 90 رنز کا اہم اضافہ کیا جس نے پاکستان کی فتح کی بنیاد رکھ دی۔
مزید پڑھیں: ویمنز ورلڈکپ فوٹو شوٹ میں فاطمہ ثنا اور جے شاہ کا مصافحہ توجہ کا مرکز بن گیا
گل فیروزہ نے 77 گیندوں پر 78 رنز کی شاندار اننگز کھیلی جبکہ صدف امین نے ذمہ دارانہ بیٹنگ کرتے ہوئے 94 گیندوں پر 57 رنز بنائے۔
پاکستان نے مطلوبہ ہدف 45 اوورز میں 5 وکٹوں کے نقصان پر حاصل کر لیا اور یوں سیریز کا آغاز کامیابی سے کیا۔
آئی سی سی ویمنز چیمپئن شپ میں دوسری پوزیشنیہ پاکستان ویمنز ٹیم کی مسلسل 5ویں ون ڈے فتح ہے جس کے بعد قومی ٹیم آئی سی سی ویمنز چیمپیئن شپ کے پوائنٹس ٹیبل پر دوسرے نمبر پر پہنچ گئی۔
یہ بھی پڑھیے: فاطمہ ثنا کا ایک اور سنگ میل: صرف 15 گیندوں پر نصف سینچری بناکر ٹی 20 کا نیا عالمی ریکارڈ قائم کردیا
پاکستان اور سری لنکا کے درمیان سیریز کا دوسرا ایک روزہ میچ 25 جولائی کو ہمبنٹوٹا میں ہی کھیلا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ویمنز بمقابلہ سری لنکا پاکستان ویمنز ٹیم کی فتح سدرہ امین صدف شمس فاطمہ ثنا گل فیروزہ
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا