بلوچستان کی ہونہار بیٹی ارپانگہ بریال نے عالمی کوپرنیکس اولمپیاڈ میں چاندی کا تمغہ جیت لیا
اشاعت کی تاریخ: 18th, February 2026 GMT
کوئٹہ سے تعلق رکھنے والی 14 سالہ باصلاحیت طالبہ ارپانگہ بریال نے امریکا میں منعقدہ عالمی کوپرنیکس اولمپیاڈ میں چاندی کا تمغہ حاصل کر کے نہ صرف بلوچستان بلکہ پورے پاکستان کا نام عالمی سطح پر روشن کر دیا۔ اس نمایاں کامیابی کے بعد ارپانگہ بریال بلوچستان کی پہلی طالبہ بن گئیں جنہوں نے اس معتبر عالمی مقابلے میں سلور میڈل اپنے نام کیا۔
یہ بھی پڑھیں: بلوچستان کی بیٹی ایمان تاجک جو محض 3 سال میں قومی ووشو اسٹار بن گئی
کوپرنیکس اولمپیاڈ میں دنیا بھر سے ذہین اور باصلاحیت طلبہ و طالبات نے شرکت کی، جہاں مختلف سائنسی اور تخلیقی صلاحیتوں کو جانچنے کے لیے سخت مقابلہ ہوا۔ ارپانگہ بریال نے اپنی غیر معمولی ذہانت، محنت اور صلاحیتوں کا مظاہرہ کرتے ہوئے نمایاں پوزیشن حاصل کی اور عالمی سطح پر اپنی صلاحیتوں کا لوہا منوایا۔
ارپانگہ بریال نے اپنی کامیابی پر خوشی کا اظہار کرتے ہوئے کہا کہ یہ ان کے لیے ایک بڑا اعزاز ہے اور وہ مستقبل میں بھی محنت جاری رکھتے ہوئے ملک و قوم کا نام روشن کرنا چاہتی ہیں۔ انہوں نے کہا کہ اس کامیابی کے پیچھے ان کے والدین اور اساتذہ کی رہنمائی اور حوصلہ افزائی کا اہم کردار ہے۔
یہ بھی پڑھیں: بلوچستان کی بیٹی ارپانگہ بریال نے عالمی ’کوپر نیکس اولمپیاڈ‘ کے لیے کوالیفائی کرلیا
ارپانگہ بریال کی اس شاندار کامیابی پر ان کے گھر میں جشن کا سماں ہے۔ اہلخانہ، اساتذہ اور عزیز و اقارب خوشی سے نہال ہیں اور بیٹی کی کامیابی پر فخر محسوس کررہے ہیں۔ والدین کا کہنا ہے کہ ارپانگہ نے بچپن سے ہی تعلیم میں غیر معمولی دلچسپی اور لگن کا مظاہرہ کیا اور مسلسل محنت کے ذریعے یہ مقام حاصل کیا۔ انہوں نے امید ظاہر کی کہ ارپانگہ مستقبل میں بھی مزید کامیابیاں حاصل کرے گی۔
کوپرنیکس اولمپیاڈ کو دنیا بھر میں جدید سائنسی تحقیق، تخلیقی سوچ اور طلبہ کی صلاحیتوں کو اجاگر کرنے والا ایک اہم عالمی پلیٹ فارم تصور کیا جاتا ہے۔ اس مقابلے میں کامیابی حاصل کرنا کسی بھی طالب علم کے لیے ایک بڑا اعزاز سمجھا جاتا ہے۔
یہ بھی پڑھیں: عالمی یوم خواتین: بلوچ خواتین بلوچستان کا ہی نہیں پاکستان کا فخر ہیں
اپنے دورہ امریکا کے دوران ارپانگہ بریال نے ہیوسٹن میوزیم آف نیچرل سائنس اور جانسن اسپیس سینٹر کا بھی دورہ کیا، جہاں انہوں نے جدید سائنسی منصوبوں اور خلائی تحقیق کے مختلف پہلوؤں کا مشاہدہ کیا۔ اس دورے نے ان کی سائنسی دلچسپی کو مزید تقویت دی اور مستقبل میں سائنس کے شعبے میں آگے بڑھنے کے عزم کو مضبوط کیا۔
تعلیمی حلقوں کے مطابق ارپانگہ بریال کی یہ کامیابی بلوچستان کے دیگر نوجوان طلبہ کے لیے ایک مثال ہے، جو ثابت کرتی ہے کہ اگر محنت، لگن اور مناسب رہنمائی میسر ہو تو صوبے کے نوجوان عالمی سطح پر نمایاں مقام حاصل کرسکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: بلوچستان کی کے لیے
پڑھیں:
بلوچستان کے نام پر علیحدگی پسند سیاست کرنے کی اجازت نہیں دی جائے گی، جمال رئیسانی
پاکستان پیپلز پارٹی (پی پی پی) کے رکن قومی اسمبلی نوابزادہ جمال رئیسانی نے کہا ہے کہ پاکستان کے خلاف ایک خاموش جنگ لڑی جا رہی ہے جو بارود سے زیادہ نوجوانوں کے ذہنوں کو نشانہ بنا رہی ہے۔ بلوچستان کے نام پر علیحدگی پسند سیاست کرنے کی اجازت نہیں دی جائے گی۔
صوبائی وزرا علی مدد جتک اور عاصم کرد گیلو کے ہمراہ کوئٹہ میں پریس کانفرنس کرتے ہوئے نوابزادہ جمال رئیسانی نے کہاکہ دشمن پاکستان اور بلوچستان کو توڑنے کی کوشش کر رہا ہے۔
ان کا کہنا تھا کہ 2018 میں بشیر زیب نے جب ایک کالعدم تنظیم کی کمان سنبھالی تو حالات مزید خراب ہوئے، جبکہ جنید بشیر زیب کا رائٹ ہینڈ ہے۔
انہوں نے کہاکہ آج کی جنگ ڈیجیٹل پلیٹ فارمز پر لڑی جا رہی ہے اور کالعدم تنظیموں کے کارندے زنگی ایپ کے ذریعے ایک دوسرے سے رابطے میں رہتے ہیں۔
ان کا کہنا تھا کہ کالعدم تنظیمیں سنگل ایپ کے ذریعے آپریشنل منصوبہ بندی جبکہ ڈیلٹا چیٹ کے ذریعے خفیہ بھرتیاں کرتی ہیں۔
نوابزادہ جمال رئیسانی نے کہاکہ آج دشمن صرف گولی کا استعمال نہیں کر رہا بلکہ سوشل میڈیا پر ٹرینڈز چلا کر بھی اپنا ایجنڈا آگے بڑھا رہا ہے۔ ہم نہیں چاہتے کہ نوجوان پہاڑوں کا رخ کریں۔
انہوں نے دعویٰ کیاکہ کالعدم تنظیموں نے اپنی سرگرمیوں میں خواتین کا استعمال بھی شروع کر دیا ہے۔ شہناز بلوچ بلوچ یکجہتی کمیٹی کے جلسوں میں شرکت کرتی تھیں اور ان کا باہوٹ کے ذریعے کالعدم تنظیم سے رابطہ ہوا۔
نوابزادہ جمال رئیسانی نے مزید کہاکہ بلوچ یکجہتی کمیٹی بلوچستان کی قیادت ڈاکٹر صبیحہ کر رہی ہیں اور ان کا بھائی ایک کالعدم تنظیم کا حصہ ہے۔
انہوں نے یہ بھی کہا کہ بلوچ یکجہتی کمیٹی کے کراچی سیل کی قیادت فوزیہ شاہوانی کررہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بلوچستان سیاست خاموش جنگ نوابزادہ جمال رئیسانی وی نیوز
وزارت آئی ٹی نے 1.67 ارب روپے سے زاید کے فنڈز طلب کرلیے