کراچی: رمضان المبارک سے قبل پولیس متحرک، 13 مشتبہ افراد گرفتار
اشاعت کی تاریخ: 18th, February 2026 GMT
کراچی (نیوز ڈیسک) رمضان المبارک سے قبل ڈسٹرکٹ سٹی پولیس اور سندھ رینجرز نے لیاری کے مختلف علاقوں میں مشترکہ کومبنگ آپریشن کیا۔
پولیس کے مطابق دورانِ آپریشن ہاٹ سپاٹ پوائنٹس، گھروں اور رہائشی ہوٹلز کی تلاشی لی گئی، تلاش ایپ ڈیوائس کے ذریعے مشتبہ افراد کو چیک کیا گیا، کومبنگ سرچ آپریشن لیاری کے چاروں تھانہ جات کی حدود میں کیا گیا۔
کومبنگ سرچ آپریشن میں پولیس کی بھاری نفری کے ہمراہ، خواتین اہلکار و سندھ رینجرز کے جوان بھی موجود تھے، علاقے کو کارڈن آف کرکے گھر گھر تلاشی لی گئی۔
آپریشن کے دوران 200 سے زائد افراد کو چیک کیا گیا، دوران آپریشن 13 مشتبہ افراد کو حراست میں لے کر تھانے بھی منتقل کیا گیا۔
.
ذریعہ
ذریعہ: Daily Mumtaz
کلیدی لفظ: کیا گیا
پڑھیں:
کراچی: 6 سالہ بچی سے مبینہ زیادتی کرنے والا ملزم پولیس مقابلے میں مارا گیا
فائل فوٹوکراچی میں جیکسن کے علاقے میں بچی سے مبینہ زیادتی کرنے والا ملزم پولیس مقابلے میں مارا گیا۔
ڈپٹی انسپکٹر جنرل (ڈی آئی جی) ساؤتھ اسد رضا کے مطابق 6 سالہ بچی کی لاش آج دوپہر کو جیکسن کے علاقے سے ملی تھی، ملزم کی گرفتاری کے لیے جیسے ہی پولیس پہنچی، اُس نے پولیس پر فائرنگ کردی۔
ڈی آئی جی کا کہنا ہے کہ پولیس کے ساتھ فائرنگ کے تبادلے میں ملزم ہلاک ہوگیا، جس کے پاس سے اسلحہ برآمد ہوا۔
پولیس کا کہنا ہے کہ بچی کل دوپہر کو لاپتا ہوئی تھی، آج اس کی لاش ملی، ابتدائی پوسٹ مارٹم میں بھی بچی کے ساتھ زیادتی کی تصدیق ہوگئی تھی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا