پشاور ہائی کورٹ کے حکم پر خیبر پختونخوا پولیس نے صوبے کی سڑکیں کھلوا دیں
اشاعت کی تاریخ: 18th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
پشاور ہائی کورٹ کے حکم پر خیبرپختونخوا پولیس اور انتظامیہ نے مختلف مقامات پر بند سڑکوں سے رکاوٹیں ہٹا کر ٹریفک بحال کر دیا۔
پی ٹی آئی کے کارکنوں نے صوبے کے 16 مقامات پر احتجاج کے طور پر سڑکیں بند کر رکھی تھیں، جس کی وجہ سے عوام کو شدید مشکلات کا سامنا کرنا پڑ رہا تھا۔
پشاور ہائی کورٹ نے آئی جی پولیس اور چیف سیکرٹری کو فوری طور پر ہدایت کی تھی کہ سڑکیں کھولیں اور ٹریفک بحال کریں۔ عدالتی حکم پر عمل درآمد کرتے ہوئے پولیس اور انتظامیہ نے پنجاب اور خیبرپختونخوا کو ملانے والے اہم مقام اٹک پل جی ٹی روڈ سے رکاوٹیں ہٹا کر ٹریفک بحال کر دی۔
اسی طرح انتظامیہ نے ڈیرہ اسماعیل خان کو میانوالی اور چشمہ سے ملانے والی سڑکیں بھی کھول دیں۔ ڈیرہ اسماعیل خان سے اسلام آباد جانے والی موٹر وے ایم 14 سی پیک پارک ٹول پلازہ بھی کلیئر کر دیا گیا، جبکہ ہزارہ موٹر وے پر حویلیاں اور مسلم آباد انٹرچینج بھی کھول دیے گئے۔
اس سے قبل پشاور ہائی کورٹ نے پی ٹی آئی کے احتجاج کے باعث بند سڑکیں کھولنے کا حکم دیا تھا۔ عدالت نے کہا تھا کہ سڑکیں چار روز سے بند ہیں، صوبے کے عوام شدید مشکلات کا شکار ہیں اور لوگ جان سے جا سکتے ہیں، جبکہ رولنگ پارٹی اپنے ہی صوبے کے عوام کو تکلیف دے رہی ہے۔
عدالتی فیصلے کے بعد وفاقی وزیر داخلہ محسن نقوی نے کہا کہ وفاقی حکومت عدالتی فیصلے پر عمل درآمد کو یقینی بنائے گی۔ عدالت نے چیف سیکرٹری اور آئی جی خیبرپختونخوا کو ہدایت کی ہے، اور ان کی جانب سے جو بھی درخواست آئے گی، وفاقی حکومت اسے پورا کرے گی۔
ذریعہ
ذریعہ: Jasarat News
کلیدی لفظ: پشاور ہائی کورٹ
پڑھیں:
طوفانی ہوائیں: موٹروے کے کئی مقامات پر ہیوی ٹریفک کا داخلہ بند
سٹی 42 : شدید آندھی اور طوفانی ہواؤں کے باعث موٹروے ایم-5 پر ہائی ٹرانسمیشن بجلی کی تاریں گر گئیں۔ حفاظتی اقدامات کے تحت روہڑی سے رحیم یار خان تک موٹروے پر ہیوی ٹریفک کا داخلہ بند کردیا گیا ہے۔
ترجمان موٹروے پولیس کے مطابق روہڑی اور پنوں عاقل سے شمالی سمت جانے والی ہیوی اور پبلک سروس گاڑیوں کا داخلہ روک دیا گیا ہے۔ موٹروے ایم-5 پر مقام 510 ساؤتھ باؤنڈ اور نارتھ باؤنڈ پر بجلی کی تاریں سڑک پر گرنے سے ٹریفک متاثر ہوئی ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
ترجمان موٹروے پولیس کا کہنا ہےکہ مسافروں کی حفاظت کے پیش نظر ٹریفک کو متبادل راستوں پر ڈائیورٹ کر دیا گیا۔ موٹروے پولیس کی جانب سے اقبال آباد اور گڈو کے مقامات پر متبادل راستوں کے ذریعے ٹریفک کو گزارا جا رہا ہے۔ ترجمان کا کہنا ہے کہ پنجاب سے سندھ جانے والے مسافر اقبال آباد سے بذریعہ رحیم یار خان قومی شاہراہ این-5 استعمال کر سکتے ہیں۔
ترجمان موٹروے پولیس کا کہنا ہےکہ موٹروے ایم-5 پر بجلی کی تاریں ہٹانے اور ٹریفک بحالی کے لیے اقدامات جاری ہیں ۔ سندھ سے پنجاب جانے والے مسافر رحیم یار خان سے قومی شاہراہ این-5 کے ذریعے موٹروے ایم-5 پر دوبارہ سفر جاری رکھ سکتے ہیں۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
موٹروے پولیس نے شہریوں سے غیر ضروری سفر سے گریز کرنے کی ہدایت کی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ