قومی کرکٹر حسن علی کے گھر ننھے مہمان کی آمد
اشاعت کی تاریخ: 18th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
قومی کرکٹ ٹیم کے فاسٹ بولر حسن علی کے گھر خوشیوں نے دستک دے دی ہے، جہاں قومی کرکٹ کے خاندان میں ایک ننھے مہمان کی آمد ہوئی ہے۔ اللہ تعالیٰ نے حسن علی اور ان کی اہلیہ کو بیٹے سے نوازا ہے، کرکٹر نے اپنے مداحوں اور چاہنے والوں کو سوشل میڈیا کے ذریعے یہ خوشخبری سنائی۔
قومی کرکٹر حسن علی نے سماجی رابطے کی ویب سائٹ ایکس (سابقہ ٹوئٹر) پر پر جذبات سے بھرپور پیغام میں بتایا کہ گزشتہ شب ان کے خاندان میں ایک نئے فرد کا اضافہ ہوا ہے۔
اپنے پیغام میں انہوں نے اپنی اہلیہ اور دونوں بیٹیوں کا ذکر کرتے ہوئے لکھا کہ ہیلینا، ہیزل، سمیعہ اور میں نے اپنے ننھے شہزادے کو دل کی گہرائیوں سے خوش آمدید کہا ہے، نومولود بیٹے کا نام حمدان حسن علی رکھا گیا ہے۔
قومی کرکٹر نے شکرگزاری کے جذبات کا اظہار کرتے ہوئے کہا کہ الحمدللہ، ہمارا خوبصورت بیٹا حمدان حسن علی خیریت سے ہے اور اس کی ماما (میری ملکہ) تیزی سے صحتیاب ہو رہی ہیں۔۔
حسن علی نے اپنے پیغام میں مداحوں سے درخواست کی کہ وہ ان کے خاندان کو اپنی دعاؤں میں یاد رکھیں۔
واضح رہے کہ حسن علی نے 2019 میں بھارتی نژاد سمیعہ سے شادی کی تھی اور اس جوڑے کی دو بیٹیاں ہیلینا اور ہیزل پہلے ہی ان کی زندگی کی رونق ہیں۔ اب بیٹے کی پیدائش کے بعد ان کے خاندان میں خوشیوں کا دائرہ مزید وسیع ہو گیا ہے، جس پر شوبز اور کھیلوں سے وابستہ شخصیات سمیت شائقین کی جانب سے مبارکبادوں کا سلسلہ جاری ہے۔
ذریعہ
ذریعہ: Jasarat News
پڑھیں:
ایڈیشنل ایڈووکیٹ جنرل خیبر پختونخوا اپنے عہدے سے مستعفی
محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ اسلام ٹائمز۔ ایڈیشنل ایڈووکیٹ جنرل خیبرپختونخوا محمد انعام یوسفزئی نے استعفا دے دیا۔ محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ مستعفی ہونے والے ایڈیشنل ایڈووکیٹ جنرل کا کہنا تھا کہ وزیر قانون اور سیکرٹری قانون کا شکریہ ادا کرتا ہوں۔
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان