’آپ یہاں کیا کر رہی ہیں؟‘، عمرہ کے دوران مداح کا اداکارہ ثروت گیلانی سے حیران کن سوال
اشاعت کی تاریخ: 18th, February 2026 GMT
پاکستانی شوبز انڈسٹری کی معروف اداکارہ ثروت گیلانی نے حال ہی میں ایک شو میں شرکت کے دوران عمرے کے دوران پیش آنے والے واقعے کا ذکر کیا اور لوگوں کے رویوں پر تبصرہ کیا۔
اداکارہ نے بتایا کہ جب وہ عمرے کے لیے سعودی عرب گئی تھیں تو ایک مداح نے ان سے پوچھا ’اوہ مائی گاڈ، کیا آپ ثروت گیلانی ہیں؟‘ جس پر میں نےکہا جی تو وہ بولی ’آپ یہاں کیا کر رہی ہیں؟‘
View this post on Instagram
A post shared by BeyGhum Begums (@beyghum_begums)
شو کے دوران میزبان نے ہنستے ہوئے کہا کہ انہیں مداح کو کہنا چاہیے تھا کہ کیا آپ کو لگتا ہے میں یہاں شوٹ کرنے آئی ہوں؟
ثروت گیلانی نے مزید کہا کہ اکثر لوگوں کے ذہن میں یہ تصور پایا جاتا ہے کہ اگر کوئی عورت جینز یا پینٹ پہنتی ہے تو وہ مذہبی نہیں ہو سکتی حالانکہ اللہ نے کہا ہے کہ ہر کسی کو اپنا حساب کتاب دینا ہو گا۔
اداکارہ نے اپنے بیان میں معاشرتی رویوں اور لباس سے وابستہ تعصبات پر روشنی ڈالتے ہوئے کہا کہ ظاہری شکل یا لباس کے بنیاد پر کسی کے مذہبی ہونے کا اندازہ لگانا درست نہیں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستانی اداکارہ ثروت گیلانی عمرہ مکہ مدینہ.
ذریعہ
ذریعہ: WE News
کلیدی لفظ: پاکستانی اداکارہ ثروت گیلانی مکہ مدینہ
پڑھیں:
لاہور میں گینگ ریپ کی شکار 18 سالہ گھریلو ملازمہ اسقاطِ حمل کے دوران جاں بحق
لاہور ( اُردو پوائنٹ اخبارتازہ ترین۔ 02 جون2026ء ) لاہور کے علاقے ماڈل ٹاؤن میں مبینہ زیادتی کا شکار ہونے والی 18 سالہ گھریلو ملازمہ اسقاطِ حمل کے دوران جان کی بازی ہار گئی۔ میڈیا رپورٹس کے مطابق لاہور کے علاقہ ماڈل ٹاؤن کے ایک گھر میں ملازمہ کے طور پر کام کرنے والی 18 سالہ لڑکی مبینہ طور پر گینگ ریپ اور بعد ازاں غیر قانونی طبی طریقہ کار کے باعث زندگی کی بازی ہار گئی ہے، متوفیہ نے ہسپتال میں دم توڑنے سے قبل اپنے بیانات ریکارڈ کرادیئے۔ پولیس حکام کا کہنا ہے کہ لڑکی کا حمل ضائع کرنے کے لیے اسے پہلے رائے ونڈ کے ایک نجی کلینک لے جایا گیا، جہاں حالت بگڑنے پر اسے سروسز ہسپتال منتقل کیا گیا، وہ دو روز تک سروسز ہسپتال میں زیرِ علاج رہنے کے بعد دم توڑ گئی، متاثرہ لڑکی نے اپنے تحریری اور ویڈیو بیانات میں مکان مالک کے بیٹے اور ڈرائیور پر اجتماعی زیادتی کا سنگین الزام عائد کیا تھا، بعد میں مبینہ دباؤ کے تحت لڑکی نے اپنے بیان میں تبدیلی کی اور اپنے آخری بیان میں صرف ڈرائیور کو ہی نامزد کیا۔(جاری ہے)
پولیس نے بتایا کہ لڑکی کے ابتدائی بیانات کی روشنی میں گینگ ریپ کا مقدمہ درج کیا گیا تھا، تاہم اس کی موت کے بعد مقدمے میں باقاعدہ طور پر قتل کی دفعات بھی شامل کر دی گئی ہیں، ایک نامزد ملزم ڈرائیور کو گرفتار کرکے جوڈیشل ریمانڈ پر جیل بھیج دیا گیا ہے، قتل کی دفعات شامل ہونے کے بعد کیس کی تفتیش جینڈر سیل سے تبدیل کرکے انویسٹی گیشن ونگ کے سپرد کر دی گئی ہے، پولیس نے گھر کے مالکان سمیت ان تمام افراد کو دوبارہ شاملِ تفتیش کرنے کے لیے نوٹسز جاری کر دیئے ہیں جنہیں پہلے کلیئر کر دیا گیا تھا۔ پولیس کا کہنا ہے کہ ضابطہ فوجداری کی دفعہ 164 کے تحت ریکارڈ کیے گئے بیانات کا دوبارہ باریک بینی سے جائزہ لیا جائے گا، متوفیہ کا پوسٹ مارٹم مکمل کر لیا گیا ہے اور موت کی اصل وجہ رپورٹ آنے کے بعد واضح ہوگی، اگر رائے ونڈ کے نجی کلینک کی جانب سے غفلت یا غیر قانونی طریقہ کار کے شواہد ملے تو اس کے خلاف بھی سخت قانونی کارروائی کی جائے گی۔
وزارت آئی ٹی نے 1.67 ارب روپے سے زاید کے فنڈز طلب کرلیے