رمضان، اماراتی وزیراعظم کا بڑا اقدام، 1856 قیدیوں کو معاف کردیا
اشاعت کی تاریخ: 18th, February 2026 GMT
دبئی: (ویب ڈیسک) حاکم دبئی اور متحدہ عرب امارات کے نائب صدر و وزیر اعظم شیخ محمد بن راشد آل مکتوم نے رمضان المبارک کی آمد کے موقع پر دبئی کی جیلوں میں قید 1856 قیدیوں کو معافی دینے کا اعلان کیا ہے۔
اس اقدام کا مقصد قیدیوں کو معاشرے میں دوبارہ مثبت کردار ادا کرنے کا موقع فراہم کرنا اور ان کے اہل خانہ کو خوشی دینا ہے تاکہ رمضان کے مقدس مہینے میں خاندان ایک بار پھر متحد ہو سکیں۔
دبئی حکومت نے متعلقہ حکام کو ہدایت جاری کی ہے کہ معاف کیے گئے قیدیوں کی قانونی کارروائیاں جلد مکمل کی جائیں تاکہ انہیں فوری طور پر رہائی مل سکے اور وہ نئی زندگی کا آغاز کر سکیں۔
یو اے ای میں مقیم پاکستانیوں سمیت دیگر کمیونٹیز کے مطابق یہ فیصلہ سماجی ہم آہنگی اور انسانی اقدار کو فروغ دینے کے ساتھ ساتھ قیدیوں کی بحالی کے عمل کو بھی مضبوط بنائے گا، جو مستقبل میں معاشرتی استحکام میں اہم کردار ادا کر سکتا ہے۔
.
ذریعہ
ذریعہ: Daily Mumtaz
پڑھیں:
24 جولائی کیلئے بھی ڈیزل اور پیٹرول کی قیمت میں اضافہ کردیا گیا
علامتی فوٹوحکومت نے مسلسل تیسرے روز پیٹرول جبکہ چوتھے روز ڈیزل کی فی لیٹر قیمت میں اضافہ کردیا ہے۔
اس حوالے سے جاری نوٹیفکیشن کے مطابق پیٹرول کی قیمت میں 4 روپے 40 پیسے فی لیٹر جبکہ ڈیزل کی قیمت میں 3 روپے 62 پیسے فی لیٹر اضافہ کردیا گیا ہے۔
نوٹیفکیشن کے مطابق پیٹرول کی نئی قیمت 327 روپے 12 پیسے فی لیٹر مقرر کردی گئی ہے۔ اسی طرح ڈیزل کی نئی قیمت 378 روپے 66 پیسے فی لیٹر مقرر کی گئی ہے۔
اس میں کہا گیا ہے کہ پیٹرول اور ڈیزل کی نئی قیمتیں 24 جولائی کے لیے ہوں گی۔
خیال رہے کہ حکومت کی جانب سے فیصلہ کیا گیا ہے کہ خطے کی بگڑتی صورتحال کے پیش نظر روزانہ کی بنیاد پر پیٹرولیم مصنوعات کی قیمتوں کا تعین کیا جائے گا۔
اوگرا وزیراعظم یا حکومت کی منظوری کے بغیر قیمتوں کا اعلان کرے گا، جبکہ ہفتہ اور اتوار کو گزشتہ اعلان کردہ قیمتیں برقرار رہیں گی۔
یومیہ اعلان کے تحت اب تک کی تبدیلیعلم میں رہے کہ 21 جولائی کےلیے حکومت نے پیٹرول کی فی لیٹر قیمت میں 35 پیسے کمی جبکہ ڈیزل کی قیمت میں 5 روپے 71 پیسے فی لیٹر اضافہ کیا تھا۔
22 جولائی کیلئے پیٹرول کی قیمت میں 4 روپے 93 پیسے فی لیٹر جبکہ ڈیزل کی قیمت میں 7 روپے 15 پیسے فی لیٹر کا اضافہ کیا گیا تھا۔
اسی طرح 23 جولائی کےلیے حکومت نے پیٹرول کی قیمت میں 6 روپے 39 پیسے فی لیٹر جبکہ ڈیزل کی قیمت میں 7 روپے 83 پیسے فی لیٹر اضافہ کیا تھا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا