ای چالان صرف مکمل انفرااسٹرکچر والی سڑکوں پرنافذ ہے،ڈی آئی جی ٹریفک کا عدالت میں جواب
اشاعت کی تاریخ: 19th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی( اسٹاف رپورٹر) سندھ ہائی کورٹ میں ٹریفک قوانین کی خلاف ورزی پر ای چالان کے اجرا کے خلاف مختلف درخواستوں کی سماعت،ڈی آئی جی ٹریفک کی جانب سے جواب عدالت میں پیش کر دیا گیا۔ سندھ ہائیکورٹ میں ٹریفک قوانین کی خلاف ورزی پر ای چالان کے اجرا کے خلاف مختلف درخواستوں کی سماعت ہوئی جہاں ڈی آئی جی ٹریفک کی جانب سے جواب جمع کرایا گیا جس میں کہا گیا کہ بس اونرز ایسوسی ایشن سمیت تمام فریقین سے مشاورت کے بعد ای چالان کا نظام نافذ کیا گیا،ای چالان کا فیز 1 صرف ان سڑکوں پر نافذ کیا گیا جہاں روڈ انفراسٹرکچر اور ٹریفک آلات مکمل فعال ہیں، زیر تعمیر سڑکوں کو تعمیراتی کام مکمل ہونے تک ای چالان کے سسٹم میں شامل نہیں کیا گیا، حکومت سندھ سے 14 روز میں چالان کی ادائیگی پر پچاس فیصد رعایت دے رکھی ہے، جرمانوں میں ترمیم سندھ حکومت کی جانب سے کی گئی،ٹریفک پولیس کا ترمیم میں کوئی کردار نہیں، ٹریفک پولیس کا کام قانون کا نفاذ ہے، موٹر وہیکل آرڈننس کے تحت رولز مرتب کرنا حکومت کا اختیار ہے، گاڑیوں میں ٹریکر اور کیمرے نصب کرنا شہریوں کے تحفظ کے لیے ہے، شہر کے ٹریفک اور سنگین حادثات میں پبلک ٹرانسپورٹ کا بڑا حصہ ہے، تجاوزات، سڑکوں کی مرمت، فٹ پاتھ کی عدم موجودگی اور غیر فعال سگنلز شہری انتظامیہ کے دائرہ اختیار میں آتے ہیں، ای چالان کا نظام شفاف اور قانونی دائرے میں ہے، ٹریفک چالان سے متعلق کسی بھی تنازع کی صورت میں ٹریفک کورٹس سے رجوع کیا جاسکتا ہے، جرمانے کی رقوم سرکاری خزانے میں جمع ہوتی ہے، ٹریفک پولیس جرمانے کی رقم استعمال نہیں کرتی، ٹریفک پولیس کو افرادی قوت کی کمی کا سامنا ہے جس سے متعلقہ حکام کو آگاہ کیا جاتا رہا ہے، طارق منصور ایڈووکیٹ کا کہناتھا کہ سندھ حکومت نے جواب جمع نہیں کیا ہے، سرکاری وکیل کا کہنا تھا کہ دیگر محکموں کے جوابات کے لیے مہلت دی جائے، بس اونرز ایسوسی ایشن کے وکیل کا کہنا تھا کہ مسافر بسوں کو نمبر پلیٹ جاری نہیں ہوئی لیکن جرمانے کیے جارہے ہیں، اسپیڈ لمٹ پر عمل درآمد کے باوجود مسافر بسوں کے سیکڑوں ای چالان کیے گئے، مسافر بسوں میں سیٹ بیلٹ موجود ہی نہیں ہوتی، ڈرائیور کیسے سیٹ بیلٹ لگائیں، اسپیڈ لمٹ اور سیٹ بیلٹ سے متعلق ای چالان پر حکم امتناع جاری کیا جائے، عدالت نے اپنے ریمارکس میں کہا کہ آپ کی بسوں پر حکم امتناع عائد کردیں؟ عدالت نے درخواستوں کی مزید سماعت 12 مارچ تک ملتوی کردی۔
ذریعہ
ذریعہ: Jasarat News
کلیدی لفظ: ٹریفک پولیس
پڑھیں:
ڈرائیونگ لائسنس سے متعلق بڑا فیصلہ، اہم شرط بھی ختم
حکومتِ پنجاب نے ٹریفک نظام کو جدید خطوط پر استوار کرتے ہوئے شہریوں کے لیے ایک بہترین اور زبردست سہولت والے اقدام کا اعلان کیا ہے۔
حکومتی فیصلے کے مطابق اب صوبے بھر میں گاڑی یا موٹر سائیکل چلانے والوں کو ہر وقت پلاسٹک یا کاغذی ڈرائیونگ لائسنس اپنے ساتھ رکھنے کی ضرورت نہیں ہوگی، بلکہ ان کے موبائل فون میں موجود ’ای ڈرائیونگ لائسنس‘ کو قانونی طور پر مکمل قابل قبول قرار دے دیا گیا ہے۔
ڈی ایل آئی ایم ایس کا جدید ڈیجیٹل نظامپنجاب ٹریفک پولیس کے اعلیٰ حکام کے مطابق یہ نیا اور پیپر لیس نظام ’ڈرائیونگ لائسنس انفارمیشن مینجمنٹ سسٹم (ڈی ایل آئی ایم ایس) کے تحت کام کرے گا۔
یہ بھی پڑھیں:پنجاب میں 16 تا 18 سال کے بچوں کے ڈرائیونگ لائسنس کا اجرا شروع
اس اسمارٹ ڈیجیٹل اقدام کا بنیادی مقصد روایتی کاغذی کارروائی اور لائسنس گم ہونے یا گھر بھول جانے کے باعث شہریوں کو چالان کے خوف سے نجات دلانا اور ٹریفک کے پورے نظام کو تیز رفتار اور مؤثر بنانا ہے۔
موبائل فون پر لائسنس دکھائیں اور چالان سے بچیںنئے قوانین کے تحت اب سڑک پر موجود ٹریفک وارڈنز اور اہلکاروں کے لیے موبائل اسکرین پر دکھایا جانے والا ڈیجیٹل لائسنس ہی حتمی اور درست تصور کیا جائے گا۔
پولیس کے اعلیٰ حکام نے سخت ہدایات جاری کرتے ہوئے واضح کیا ہے کہ اگر کوئی بھی ٹریفک اہلکار، شخص یا ادارہ اس ڈیجیٹل لائسنس کو تسلیم کرنے سے انکار کرے، تو شہری اس کے خلاف فوری طور پر قانونی شکایت درج کروا سکتے ہیں۔
شکایت کے لیے واٹس ایپ نمبر اور ہیلپ لائن جاریٹریفک پولیس پنجاب نے شہریوں کی سہولت اور کسی بھی قسم کی بدتمیزی یا انکار کی صورت میں فوری ایکشن کے لیے درج ذیل رابطے فراہم کیے ہیں، سرکاری ہیلپ لائن نمبر1787 جبکہ آفیشل واٹس ایپ نمبر 03184642936 ہوگا۔
مزید پڑھیں:دبئی کا ڈرائیونگ لائسنس پاکستان میں نہیں چلے گا، ٹریفک پولیس نے اوورسیز پاکستانی کا چالان کردیا
پولیس حکام کا کہنا ہے کہ تمام متعلقہ اداروں اور اہلکاروں کے لیے ای لائسنس کو قبول کرنا لازمی ہوگا اور اس حکم کی خلاف ورزی کرنے والوں کے خلاف سخت محکمانہ کارروائی کی جائے گی۔
ڈاؤن لوڈ کرنے کا طریقہ کارشہری اپنا پورٹیبل ای ڈرائیونگ لائسنس انتہائی آسانی سے حاصل کر سکتے ہیں۔ اس کے لیے انہیں پنجاب حکومت کی آفیشل ویب سائٹ https://dlims.punjab.gov.pk/elicense پر جانا ہوگا، جہاں وہ اپنا شناختی کارڈ نمبر اور دیگر مطلوبہ معلومات درج کر کے اپنا لائسنس دیکھ اور پی ڈی ایف فارمیٹ میں موبائل میں محفوظ کر سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پورٹیبل ٹریفک پولیس پنجاب ڈاؤن لوڈ ڈرائیونگ ڈی ایل آئی ایم ایس شہری لائسنس موبائل فون ہیلپ لائن
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ