علما عوام کو ترجمہ و تفسیر سے جوڑنے کی مہم چلائیں، مولانا عبدالوحید
اشاعت کی تاریخ: 19th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
260219-08-10
کراچی (اسٹاف رپورٹر) جمعیت اتحاد العلما کراچی کا ایک اہم اجلاس ناظم اعلیٰ مولانا عبدالوحید کی زیر صدارت منعقد ہوا، جس میں رمضان المبارک کی تیاریوں اور فہم قرآن مہم کے حوالے سے تفصیلی تبادلہ خیال کیا گیا۔ اجلاس میں نائب صدور مولانا یامین منصوری، مولانا آفتاب احمد ملک، نائب ناظم مولانا ضیا الرحمن فاروقی، مولانا محمد نسیم، مولانا حبیب احمد حنفی، مولانا رضوان احمد جعفرانی، سلیم نوٹاکیا اور ائمہ مساجد کی بڑی تعداد نے شرکت کی۔ ناظم اعلیٰ مولانا عبدالوحید نے خطاب کرتے ہوئے کہا کہ قرآن کا متن اور ترجمہ پڑھنا ہر مسلمان پر فرض ہے، اب وہ دور گزر گیا جب ترجمہ کے ساتھ قرآن پڑھنے کو غلط سمجھا جاتا تھا۔ انہوں نے زور دیا کہ ہر مکتبِ فکر کی آسان تفاسیر موجود ہیں، لہٰذا علما کی ذمہ داری ہے کہ وہ اس رمضان میں لوگوں کو نماز اور قرآن سمجھ کر پڑھنے پر آمادہ کریں۔ نائب صدر مولانا یامین منصوری نے کہا کہ ہماری فکری و اعتقادی گمراہی کی بنیادی وجہ قرآن سے دوری ہے، رمضان کے ہمہ گیر اثرات سے پورے معاشرے کی تبدیلی ممکن ہے۔نائب ناظم مولانا ضیا الرحمن فاروقی نے اپنے خطاب میں کہا کہ روزہ ہماری روح کے تزکیہ اور اخلاص کی اصلاح کا ذریعہ ہے، ہمیں خود کو نمونہ بنا کر معاشرے کے سامنے پیش کرنا ہوگا۔ نائب قیم جماعت اسلامی سندھ مولانا آفتاب احمد ملک اور دیگر مقررین نے بھی قرآن فہمی کی تحریک کو گلی کوچوں تک پہنچانے کے عزم کا اظہار کیا۔
ذریعہ
ذریعہ: Jasarat News
پڑھیں:
سہیل آفریدی ان سے کہیں کہ پہلے عمران خان سے ملاقات کرواو اور پھر آپ بجٹ پاس کرو
راولپنڈی ( اُردو پوائنٹ اخبارتازہ ترین۔ 02 جون2026ء ) علیمہ خان کا سہیل آفریدی کو مشورہ، کہا سہیل آفریدی ان سے کہیں کہ پہلے عمران خان سے ملاقات کرواو اور پھر آپ بجٹ پاس کرو۔ تفصیلات کے مطابق پاکستان تحریک انصاف کے بانی عمران خان کی ہمشیرہ علیمہ خان کا کہنا ہے کہ جب بھی حکومت کو لگتا ہے عوام کا غصہ اور ٹمپریچر بڑھ رہا ہے، تو یہ خود کو بچانے کیلئے ڈیل کی باتیں اور افواہیں پھیلانا شروع کر دیتے ہیں، حقیقت میں کوئی ڈیل نہیں ہو رہی۔ میڈیا سے گفتگو کرتے ہوئے انہوں نے کہا کہ میڈیا ہم سے سوال کرنے کے بجائے حکومت سے جواب طلب کرے کہ عمران خان کو گزشتہ 7 ماہ سے غیر قانونی قیدِ تنہائی میں کیوں رکھا گیا ہے؟ صحافی وفاقی وزیر داخلہ محسن نقوی سے جا کر اس قیدِ تنہائی کی وجہ پوچھیں، ہمارا خاندان کسی قسم کا سیاسی این آر او یا ریلیف نہیں مانگ رہا، قیدِ تنہائی کا خاتمہ عمران خان کا بنیادی اور قانونی حق ہے۔(جاری ہے)
علیمہ خان نے الزام لگایا کہ گزشتہ 8 مہینوں سے عمران خان کو ذہنی و جسمانی ٹارچر کا نشانہ بنایا جا رہا ہے، ملک میں کوئی قانون نہیں چل رہا، اگر حکومت ہمیں جیل میں ڈالنا چاہتی ہے تو شوق سے ڈال دے، لیکن عمران خان کی آنکھوں کے علاج اور معائنے کے لیے انہیں فوری طور پر شفا انٹرنیشنل ہسپتال منتقل کیا جائے اور وہاں کے ماہر ڈاکٹرز سے ان کا طبی معائنہ کروایا جائے۔ انہوں نے سوال اٹھایا کہ سابق آرمی چیف کیوں عمران خان سے ملنے جائیں گے؟ وہ تو عمران خان کی آنکھوں میں آنکھیں ڈال کر دیکھ ہی نہیں سکتے، پارٹی چیئرمین بیرسٹر گوہر نے بھی واضح کر دیا ہے کہ یہ تمام باتیں بالکل جھوٹ ہیں، جب بھی حکومت کو لگتا ہے کہ عوام کا غصہ اور ٹمپریچر بڑھ رہا ہے، تو یہ خود کو بچانے کے لیے ڈیل کی باتیں اور افواہیں پھیلانا شروع کر دیتے ہیں، جبکہ حقیقت میں کوئی ڈیل نہیں ہو رہی۔ عمران خان کی ہمشیرہ نے کہا کہ جب آپ لوگوں کے ووٹ چوری کریں گے اور عوام سمجھ جائیں گے کہ ان کے ووٹ کی کوئی حیثیت نہیں رہی، تو پھر ان کا شدید ردعمل آئے گا، حکومت کبھی لاٹھی سے تو کبھی گولی سے عوام کو مارتی ہے، ووٹ چوری سے پی ٹی آئی کا نہیں بلکہ اس عام شہری کا حق مارا جاتا ہے جس کا وہ ووٹ ہوتا ہے، گلگت بلتستان میں بھی وہی کچھ دہرایا جا رہا ہے جو عام انتخابات 2024ء میں کیا گیا تھا، وہاں پی ٹی آئی کو انتخابی مہم تک چلانے کی اجازت نہیں دی جا رہی، یاد رکھیں ظلم ہمیشہ وہی کرتا ہے جو اندر سے خود شدید خوفزدہ ہوتا ہے۔ علیمہ خان نے کہا کہ ہم پی ٹی آئی کی قیادت سے درخواست کرتے ہیں کہ وہ ہمارے ساتھ آ کر یہاں بیٹھیں، جب قیادت آئے گی تو تمام ایم این ایز، ایم پی ایز، سینیٹرز اور تنظیم کے سینئر رہنما یہاں موجود ہوں گے، اگر پی ٹی آئی کی موجودہ قیادت اس فائنل کال پر بھی باہر نہیں نکلتی، تو پھر میڈیا اور عوام کا حق ہے کہ وہ ان رہنماؤں سے سوال کریں کہ وہ اپنے عظیم لیڈر کے لیے باہر کیوں نہیں آ رہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ