بانی پی ٹی آئی کی جیل میں رہائش اے ون اور علاج بہترین ہورہاہے، رانا ثنا کا دعویٰ
اشاعت کی تاریخ: 19th, February 2026 GMT
اسلام آباد: وزیراعظم کے مشیر برائے سیاسی امور رانا ثنا اللہ نے کہا ہے کہ بانی پی ٹی آئی عمران خان کو جیل میں بہترین سہولیات حاصل ہیں اور ان کی رہائش کی صورتحال اے ون ہے جبکہ طبی سہولتیں بھی اعلیٰ معیار کی فراہم کی جا رہی ہیں۔
نجی ٹی وی کے پروگرام میں گفتگو کرتے ہوئے رانا ثنا نے تحریک انصاف پاکستان تحریک انصاف کی احتجاجی حکمت عملی کو تنقید کا نشانہ بنایا، 8 فروری کو پہیہ جام کی کال دی گئی مگر اس کے لیے مناسب تیاری نظر نہیں آئی، اور جس انداز سے دھرنے دیے گئے اس سے بہتر تھا کہ ایسے مظاہرے نہ کیے جاتے۔
انہوں نے کہا کہ بعض اوقات ایسے احتجاجی اقدامات سے یہ تاثر ملتا ہے کہ شاید پارٹی کے ساتھ یا خود بانی پی ٹی آئی کے ساتھ سازش ہو رہی ہے، حکومت کی جانب سے تجویز دی گئی تھی کہ کارکنان ڈی چوک کے بجائے سنگجانی چلے جائیں تاکہ مذاکرات ہو سکیں اور یہ ایک سنجیدہ پیشکش تھی، مگر اسے قبول نہیں کیا گیا۔
انہوں نے دعویٰ کیا کہ سابق وزیراعظم کو مختلف ذرائع سے یہ تاثر دیا جا رہا تھا کہ ملک میں جلد انقلاب آنے والا ہے،اس معاملے میں محسن نقوی بھی براہِ راست رابطے میں تھے اور انہوں نے ڈی چوک جانے سے روکنے کی کوشش کی، بعد میں مؤقف بدل دیا گیا۔
مشیرِ سیاسی امور نے مزید کہا کہ اگر ملاقاتوں کو سیاسی نعرے بازی یا گالم گلوچ کے لیے استعمال نہ کیا جائے تو کوئی رکاوٹ نہیں، مگر بقول ان کے بانی پی ٹی آئی جیل میں رہنا نہیں چاہتے کیونکہ وہاں ان کا دل نہیں لگتا۔ انہوں نے یہ بھی الزام لگایا کہ سابق دورِ حکومت میں بھی فیصلوں میں بشریٰ بی بی کا کردار تھا اور اس حوالے سے شواہد موجود ہیں۔
دوسری جانب بانی پی ٹی آئی کے کزن عمیر نیازی نے مؤقف اختیار کیا کہ مذاکرات کی ہمیشہ قیمت ہوتی ہے، مگر عمران خان اپنی ذات کے لیے کوئی رعایت نہیں مانگ رہے اور اپنے مقدمات عدالتوں میں لڑنا چاہتے ہیں، نظام چاہتا ہے کہ وہ جھک جائیں مگر وہ ایسا نہیں کریں گے، اور کسی سیاستدان نے اتنی طویل مدت مسلسل جیل میں نہیں گزاری۔
عمیر نیازی نے مزید کہا کہ علیمہ خان کا پارٹی سیاست میں کوئی کردار نہیں اور وہ صرف اپنے بھائی کی رہائی کے لیے سرگرم ہیں۔
.
ذریعہ
ذریعہ: Al Qamar Online
کلیدی لفظ: پاکستان کھیل بانی پی ٹی آئی انہوں نے جیل میں کے لیے
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا