دن کی روشنی میں رمضان المبارک کے چاند کی نایاب ْتصویر
اشاعت کی تاریخ: 19th, February 2026 GMT
متحدہ عرب امارات نے دن کے وقت لی گئی رمضان المبارک کے چاند کی ایک نایاب تصویر جاری کر دی۔
مقامی فلکیاتی حکام کے مطابق رمضان 1447 ہجری کے باریک ہلال کی تصویر 18 فروری 2026ء کو صبح تقریباً 10 بج کر 30 منٹ (متحدہ عرب امارات کے وقت کے مطابق) ابوظبی سے لی گئی، یہ تصویر دن کی روشنی میں جدید تکنیک کے ذریعے محفوظ کی گئی۔
ماہرین نے بتایا ہے کہ ہلال کو جدید امیجنگ ٹیکنالوجی کی مدد سے ریکارڈ کیا گیا ہے، جس کے ذریعے چاند کو اس وقت بھی شناخت کیا جا سکتا ہے جب وہ انسانی آنکھ سے نظر آنے کے لیے بہت مدھم ہو۔
هلال شهر رمضان المبارك 1447هـ كما تم تصويره نهارا قبل قليل من أبوظبي، بواسطة مرصد الختم الفلكي التابع لمركز الفلك الدولي، وقت التصوير الأربعاء 18 فبراير 2026م الساعة 10:30صباحا بتوقيت الإمارات.
تصوير: محمد عودة. فريق المرصد:… pic.twitter.com/mJgtySv8Q9
— مركز الفلك الدولي (@AstronomyCenter) February 18, 2026
فلکیاتی مرکز کے مطابق تصویر کشی کے وقت چاند کی عمر تقریباً 16.6 گھنٹے تھی اور وہ سورج سے تقریباً 9.8 ڈگری کے زاویے پر موجود تھا۔
ماہرین نے دن کے وقت ہلال کی کامیاب تصویر کو ایک نمایاں فلکیاتی کامیابی قرار دیا ہے، جو غروبِ آفتاب کے بعد چاند کی رویت سے قبل اس کی پیدائش کی سائنسی تصدیق میں مدد فراہم کرتی ہے۔
فلکیات دانوں کے مطابق عام طور پر پہلا ہلال اس وقت آنکھ سے دیکھا جا سکتا ہے جب چاند کی عمر 18 سے 24 گھنٹے کے درمیان ہو، تاہم اس کا انحصار موسم، فضا کی شفافیت اور افق پر چاند کی بلندی پر ہوتا ہے۔
انہوں نے یہ بھی بتایا ہے کہ 15 سے 16 گھنٹے کے چاند کی رویت نایاب ضرور ہے لیکن مثالی موسمی حالات میں ممکن ہو سکتی ہے، جبکہ 12 گھنٹے سے کم عمر چاند کو جدید آلات کے بغیر دیکھنا عموماً ناممکن سمجھا جاتا ہے۔
ذریعہ
ذریعہ: Daily Mumtaz
کلیدی لفظ: کے مطابق چاند کی کے وقت
پڑھیں:
اسٹیٹ بینک کے زرمبادلہ ذخائر میں اضافہ، مرکزی بینک کے ذخائر 17.25 ارب ڈالر سے تجاوز کر گئے
اسٹیٹ بینک آف پاکستان کے زرمبادلہ ذخائر میں گزشتہ ہفتے کے دوران اضافہ ریکارڈ کیا گیا ہے، جس کے بعد مرکزی بینک کے پاس موجود غیر ملکی زرمبادلہ کے ذخائر 17 ارب 25 کروڑ 86 لاکھ ڈالر تک پہنچ گئے ہیں۔ ماہرین نے اس پیش رفت کو ملکی مالیاتی استحکام اور بیرونی ادائیگیوں کی صلاحیت کے لیے مثبت اشارہ قرار دیا ہے۔
اسٹیٹ بینک کے ترجمان کی جانب سے جاری اعداد و شمار کے مطابق 18 جولائی کو ختم ہونے والے ہفتے کے دوران مرکزی بینک کے زرمبادلہ ذخائر میں3 کروڑ 30 لاکھ ڈالر کا اضافہ ہوا۔ ترجمان کے مطابق یہ اضافہ بیرونی ادائیگیوں کے مؤثر انتظام اور مالیاتی استحکام کے تناظر میں اہم پیش رفت ہے۔
اگرچہ اسٹیٹ بینک کے ذخائر میں اضافہ ہوا، تاہم ملک کے مجموعی زرمبادلہ ذخائر معمولی کمی کے بعد 22 ارب 66 کروڑ 96 لاکھ ڈالر کی سطح پر آ گئے ہیں۔
اعداد و شمار کے مطابق کمرشل بینکوں کے پاس موجود غیر ملکی زرمبادلہ کے ذخائر 5 ارب 41 کروڑ 10 لاکھ ڈالر ریکارڈ کیے گئے، جس کے باعث مجموعی ذخائر میں معمولی کمی دیکھنے میں آئی۔
معاشی ماہرین کا کہنا ہے کہ اسٹیٹ بینک کے ذخائر میں مسلسل اضافہ اس بات کی علامت ہے کہ پاکستان کی بیرونی ادائیگیوں کی صلاحیت بہتر ہو رہی ہے، جبکہ درآمدی بل کی ادائیگی اور روپے کے استحکام کے لیے بھی یہ مثبت پیش رفت سمجھی جا رہی ہے۔
تاہم ماہرین نے اس بات کی بھی نشاندہی کی کہ مجموعی زرمبادلہ ذخائر میں کمی ظاہر کرتی ہے کہ کمرشل بینکوں کے ذخائر میں اتار چڑھاؤ کا سلسلہ برقرار ہے، جس پر مسلسل نظر رکھنے کی ضرورت ہے۔
اقتصادی ماہرین کے مطابق اگر آنے والے ہفتوں میں ترسیلاتِ زر، بیرونی سرمایہ کاری، برآمدات اور بین الاقوامی مالی معاونت کا سلسلہ برقرار رہا تو پاکستان کے زرمبادلہ ذخائر میں مزید بہتری آنے کا امکان ہے، جس سے ملکی معیشت اور مالیاتی استحکام کو مزید تقویت مل سکتی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار