افطار تک توانائی برقرار رکھنے والی صحت مند غذا کونسی؟
اشاعت کی تاریخ: 19th, February 2026 GMT
ماہِ رمضان کی آمد کے ساتھ ہی ماہرینِ غذائیت نے روزے کے دوران توانائی، ہائیڈریشن اور مجموعی صحت برقرار رکھنے کے لیے متوازن خوراک کی اہمیت پر زور دیا ہے۔
ماہرین کے مطابق درست غذائی انتخاب روزے داروں کو دن بھر متحرک رکھنے میں مدد دیتا ہے۔
غذائی ماہرین کا کہنا ہے کہ سحری روزے کے دوران توانائی برقرار رکھنے میں بنیادی کردار ادا کرتی ہے، سحری میں آہستہ ہضم ہونے والے پیچیدہ کاربوہائیڈریٹس جیسے اوٹس، ہول ویٹ روٹی، براؤن چاول اور جو شامل کیے جائیں تاکہ خون میں شوگر کی سطح مستحکم رہے اور طویل وقت تک توانائی میسر ہو۔
انہوں نے مشورہ دیا ہے کہ ان غذاؤں کے ساتھ معیاری پروٹین جیسے انڈے، دہی، دالیں، لوبیا اور گریاں شامل کی جائیں، جو مسلز کی مضبوطی برقرار رکھنے اور دیر تک پیٹ بھرے رکھنے میں مددگار ثابت ہوتی ہیں۔
کیا انٹرمیٹینٹ فاسٹنگ واقعی وزن کم کرنے میں مؤثر ہے؟
ماہرین نے افطار سے سحری تک ایک سے 2 لیٹر پانی پینے کی تاکید بھی کی ہے جبکہ کھیرا، مالٹا اور دیگر پانی سے بھرپور پھلوں اور سبزیوں کے استعمال کو بھی ضروری قرار دیا ہے تاکہ جسم میں پانی کی کمی سے بچا جا سکے۔
افطار کے حوالے سے ماہرین کا کہنا ہے کہ روزہ 1 یا 2 کھجور اور 1 گلاس پانی سے کھولنا مفید ہے، جس سے جسم کو فوری توانائی اور ضروری الیکٹرولائٹس حاصل ہوتے ہیں۔
ماہرین کے مطابق متوازن افطار میں آدھی پلیٹ سبزیوں پر مشتمل ہو، ایک چوتھائی حصہ پروٹین (چکن، مچھلی یا دال) اور باقی چوتھائی پیچیدہ کاربوہائیڈریٹس پر مشتمل ہونا چاہیے۔
ماہرین نے تلی ہوئی، زیادہ میٹھی اور پراسیسڈ غذاؤں سے پرہیز کرنے کا مشورہ دیا ہے کیونکہ یہ بدہضمی اور توانائی میں اچانک کمی کا باعث بن سکتی ہیں۔
ان کا کہنا ہے کہ متوازن خوراک اور مناسب مقدار میں کھانا وزن کو متوازن رکھنے کے ساتھ مجموعی صحت کو بہتر بنانے میں مدد دیتا ہے، دانش مندانہ غذائی انتخاب کے ذریعے روزے دار رمضان کے دوران توانائی سے بھرپور رہتے ہوئے عبادات پر توجہ مرکوز رکھ سکتے ہیں۔
ماہرین نے یہ بھی واضح کیا ہے کہ ہر فرد کی صحت اور جسمانی ضروریات مختلف ہوتی ہیں، اس لیے کسی بھی بڑی غذائی تبدیلی سے قبل ڈاکٹر یا مستند ڈائٹیشن سے مشورہ کرنا ضروری ہے، خصوصاً اگر کوئی شخص کسی بیماری یا طبی مسئلے کا شکار ہو۔
.
ذریعہ
ذریعہ: Daily Mumtaz
کلیدی لفظ: برقرار رکھنے دیا ہے
پڑھیں:
سیٹلائٹ تصاویر نے کوٹلی ستیاں جنگلات میں لگنے والی بھیانک آگ کی تباہی کی تفصیلات ظاہر کر دیں
سیٹلائٹ تصاویر نے کوٹلی ستیاں کے جنگلات میں لگنے والی حالیہ بھیانک آگ کی تباہی کی تفصیلات ظاہر کر دیں۔
سپارکو کی جانب سے پر جاری کردہ سیٹلائٹ ڈیٹا کے مطابق گرمی کی حالیہ شدید لہر کے باعث جنگلات میں لگنے والی ہولناک آگ نے پنجاب کے ماحولیاتی لحاظ سے حساس علاقے 'کوٹلی ستیاں' کے 25 مقامات پر پھیلے ہوئے تقریباً 3,037 ہیکٹر (7,504.7 ایکڑ) پر مشتمل قدرتی جنگلات کو خاکستر کر دیا ہے۔
9 مئی سے 29 مئی 2026 تک کی سیٹلائٹ تصاویر کا موازنہ کرنے سے معلوم ہوتا ہے کہ آگ لگنے کے بعد 'چِیڑ' کے جنگلات کو شدید نقصان پہنچا ہے، جو کہ دریائے سندھ اور دریائے جہلم کے اہم ذیلی آبی ذخائر کے لیے انتہائی ضروری ہیں۔
ماہرین نے خبردار کیا ہے کہ اس کے ماحولیاتی اثرات صرف آگ سے جھلسنے والے فوری نقصانات تک محدود نہیں ہیں؛ بلکہ اس آفت نے مقامی پرندوں اور جنگلی حیات کی افزائشِ نسل کے عروج کے سیزن کو شدید متاثر کیا ہے۔
نئے اگنے والے پودوں اور پنیریوں کو تباہ کر دیا ہے، اور اس متاثرہ زمین پر ایسی جڑی بوٹیوں اور جھاڑیوں کے پھیلنے کی راہ ہموار کر دی ہے جو آگ کو برداشت کرنے کی صلاحیت رکھتی ہیں۔
اگرچہ مقامی آبادی اور محکمہ جنگلات کے عملے نے کئی علاقوں میں آگ پر کامیابی سے قابو پا لیا ہے، لیکن تیز اور گرم ہواؤں کے باعث ہمسایہ ڈھلوانوں پر اب بھی آگ پھیل رہی ہے، جس سے ماحول کو مزید نقصان پہنچنے کا خطرہ ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ