جی پی ایس کی غلط رہنمائی:برطانیہ میں ایمازون وین دلدل میں جا پھنسی
اشاعت کی تاریخ: 19th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
لندن: برطانیہ میں جدید نیوی گیشن سسٹم پر اندھا اعتماد ایک ڈرائیور کے لیے غیر متوقع مصیبت بن گیا جب ایمازون کی ڈیلیوری وین دلدلی علاقے میں پھنس گئی۔
واقعہ چند روز قبل صبح کے وقت پیش آیا جب ڈرائیور جی پی ایس کی ہدایات پر عمل کرتے ہوئے فاؤلنیس آئی لینڈ پہنچنے کی کوشش کر رہا تھا، مگر راستے کی غلط رہنمائی نے اسے ایسیکس کے علاقے گریٹ ویکرنگ میں واقع تاریخی راستے ’دی بروم وے‘ تک پہنچا دیا۔
یہ قدیم راستہ تقریباً 600 برس پرانا اور لگ بھگ 6 میل طویل ہے، جو بنیادی طور پر پیدل چلنے والوں کے لیے مخصوص سمجھا جاتا ہے۔
ایچ ایم کوسٹ گارڈ ساؤتھ اینڈ آن سی کے مطابق انہیں ٹیمز ایسچوئری کے قریب اس ہنگامی صورتحال کی اطلاع ملی۔ حکام کا کہنا ہے کہ بروم وے نہ صرف دلدلی اور خطرناک ہے بلکہ یہ علاقہ وزارتِ دفاع کی ملکیت بھی ہے جہاں شوٹنگ رینج فعال رہتی ہے۔
یہاں داخلے کی اجازت مخصوص اوقات میں اور واضح حفاظتی ہدایات کے تحت دی جاتی ہے۔ کوسٹ گارڈ نے واضح کیا کہ یہ راستہ گاڑیوں کے لیے موزوں نہیں اور بغیر مقامی گائیڈ کے یہاں آنا شدید خطرات کو دعوت دینے کے مترادف ہے۔
عینی شاہدین کے مطابق وین چند ہی لمحوں میں نرم زمین میں دھنس گئی، جس کے بعد ڈرائیور کو گاڑی چھوڑ کر محفوظ مقام تک پہنچنا پڑا۔ اس نے فوری طور پر کمپنی کو صورتحال سے آگاہ کیا۔
بعد ازاں امدادی ٹیموں کی مدد سے گاڑی کو نکال لیا گیا اور کسی جانی نقصان کی اطلاع نہیں ملی۔ اس واقعے نے ایک بار پھر یہ سوال اٹھا دیا ہے کہ کیا جدید جی پی ایس سسٹمز پر مکمل انحصار محفوظ ہے، خصوصاً ایسے علاقوں میں جہاں قدرتی اور عسکری حدود واضح ہوں۔
ماہرین کا کہنا ہے کہ نیوی گیشن ایپس مفید ضرور ہیں مگر مقامی انتباہی بورڈز، زمینی حقائق اور حفاظتی ضوابط کو نظرانداز کرنا خطرناک ثابت ہو سکتا ہے۔
سوشل میڈیا پر یہ واقعہ تیزی سے وائرل ہوا اور صارفین نے ٹیکنالوجی کے استعمال میں احتیاط کی ضرورت پر زور دیا۔ یہ واقعہ یاد دلاتا ہے کہ جدید سہولتیں انسان کی رہنمائی تو کر سکتی ہیں، مگر حتمی فیصلہ اور ذمہ داری اب بھی ڈرائیور ہی پر عائد ہوتی ہے۔
.
ذریعہ
ذریعہ: Jasarat News
پڑھیں:
امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی
امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی WhatsAppFacebookX 0 23 July, 2026 سب نیوز
لندن (آئی پی ایس )امریکا کی جانب سے ایران پر بمباری کے لیے برطانوی ائیربیس کے استعمال پر ایرانی پاسداران انقلاب نے برطانیہ کو سخت ردعمل کی دھمکی دی ہے۔برطانوی میڈیا کے مطابق نئے وزیراعظم اینڈی برنہم کے عہدہ سنبھالنیکے بعد امریکی فوج نے گلوسیسٹرشائر میں واقع رائل ائیر فورس کے آر اے ایف فیئرفورڈ فضائی اڈے سے ایران کے خلاف B-1 اسٹریٹجک بمبار طیاروں سے بمباری کی۔
ایرانی میڈیا کے مطابق اس حملے میں امریکی طیاروں نے ایران عراق سرحدی علاقے شلمچہ بارڈرکراسنگ کو نشانہ بنایا جس میں 2 افراد شہید اور 11 زخمی ہوئے۔ ایران نے اس کے جواب میں آنکھ کے بدلے آنکھ کی بنیاد پر جوابی کارروائیوں کی دھمکی دی۔
ایرانی وزیر خارجہ عباس عراقچی نیکہا کہ ہماری دفاعی پالیسی واضح ہے، آنکھ کے بدلے آنکھ۔ جو لوگ کسی بھی قسم کی مدد کے ذریعے ایران کیخلاف جارحیت میں شریک ہوں گے، انہیں بھی جائز ہدف سمجھا جائیگا۔اب ایرانی پاسداران انقلاب نے امریکی طیاروں کے برطانوی فضائی اڈوں کے استعمال پر برطانیہ کو خبردار کیا ہے۔
پاسداران انقلاب کا کہنا ہیکہ حالیہ کارروائیوں میں امریکی افواج نے ابتدا میں بحر ہند میں موجود بحری جہازوں سے کروز میزائل داغے اور جب ان کے ذخائر کم ہوگئے تو برطانیہ کے آر اے ایف فیئرفورڈ فضائی اڈے سے اڑنے والے B-1 بمبار طیاروں کا استعمال کیا۔پاسداران انقلاب نے خبردار کیا ہیکہ ایران کے خلاف کسی بھی جارحیت میں استعمال ہونے والا ہر فوجی اڈہ ایک جائز فوجی ہدف سمجھا جائے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرجدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیا اگلی خبرآزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا