رمضان میں فروٹ چاٹ کی تیاری پر صبا فیصل کا بیان، سوشل میڈیا پر بحث چھڑ گئی
اشاعت کی تاریخ: 19th, February 2026 GMT
معروف سینئر اداکارہ صبا فیصل نے رمضان سے متعلق ایک پروگرام میں اپنے روزمرہ معمولات پر کھل کر گفتگو کی جس کے بعد سوشل میڈیا پر نئی بحث شروع ہو گئی۔ ماہِ رمضان میں سحر و افطار کے خصوصی اہتمام کو خاص اہمیت حاصل ہوتی ہے اور گھریلو خواتین کے ساتھ ساتھ شوبز شخصیات بھی اس میں بھرپور دلچسپی لیتی ہیں۔ صبا فیصل نے بتایا کہ وہ رمضان میں فروٹ چاٹ دوپہر تقریباً 12 بجے ہی تیار کر لیتی ہیں اور اسی وقت اس میں چاٹ مصالحہ بھی شامل کر دیتی ہیں، حالانکہ افطار شام میں ہوتا ہے۔ ان کے مطابق یہ ان کا ذاتی اور آزمودہ طریقہ ہے جس پر وہ برسوں سے عمل پیرا ہیں۔تاہم اداکارہ کا یہ بیان بعض سوشل میڈیا صارفین کو پسند نہ آیا اور کئی خواتین نے حیرت کا اظہار کرتے ہوئے کہا کہ اتنی جلدی تیار کی گئی فروٹ چاٹ شام تک خراب یا سیاہ ہو سکتی ہے۔ ایک صارف نے طنزیہ انداز میں تبصرہ کیا کہ پھر تو پھل شام تک کالے ہو جاتے ہوں گے، جبکہ ایک اور نے اسے قدیم طریقہ قرار دیا۔ دوسری جانب متعدد صارفین نے اداکارہ کی حمایت کرتے ہوئے کہا کہ ہر شخص کا اپنا انداز ہوتا ہے اور اگر کوئی برسوں سے کسی طریقے پر عمل کر رہا ہے تو اسے غیر ضروری تنقید کا نشانہ نہیں بنانا چاہیے۔
.
ذریعہ
ذریعہ: Nawaiwaqt
پڑھیں:
محسن نقوی سے فیصل کریم کنڈی کی ملاقات، سکیورٹی چیلنجز سے آگاہ کیا
اسلام آباد میں وزیر داخلہ اور گورنر کے پی کے نے فتنہ الہندوستان کے دہشتگردوں کے خلاف کامیاب انٹیلی جنس بیسڈ آپریشنز پر سکیورٹی فورسز کو خراج تحسین، دہشتگردی کے خلاف جنگ کے شہداء کو خراج عقیدت پیش کیا۔ اسلام ٹائمز۔ وفاقی وزیر داخلہ سے گورنر خیبر پختونخوا فیصل کریم کنڈی کی ملاقات ہوئی۔ دونوں راہنماؤں کے درمیاں ملاقات میں خیبر پختونخوا میں امن عامہ کی صورتحال اور دیگر اہم امور پر تفصیلی تبادلہ خیال کیا گیا۔ ملاقات میں خیبرپختونخوا میں انسدادِ دہشتگردی کے لئے اٹھائے گئے اقدامات کا جائزہ لیا گیا، گورنر خیبرپختونخوا نے صوبے کو درپیش سکیورٹی چیلنجز سے وفاقی وزیر داخلہ آگاہ کیا۔ وزیر داخلہ اور گورنر کے پی کے نے فتنہ الہندوستان کے دہشتگردوں کے خلاف کامیاب انٹیلی جنس بیسڈ آپریشنز پر سکیورٹی فورسز کو خراج تحسین، دہشتگردی کے خلاف جنگ کے شہداء کو خراج عقیدت پیش کیا۔
محسن نقوی نے کہا کہ خیبر پختونخوا میں قیام امن کیلئے سکیورٹی فورسز کی قربانیاں ناقابل فراموش ہیں، وفاقی حکومت خیبرپختونخوا میں قیام امن کیلئے خیبرپختونخوا حکومت کے ساتھ مکمل تعاون کر رہی ہے۔ اس موقع پر وفاقی وزیر داخلہ محسن نقوی نے صوبہ خیبر پختونخوا میں امن و استحکام کے لیے ہر ممکن تعاون کی یقین دہانی کرائی۔
وزارت آئی ٹی نے 1.67 ارب روپے سے زاید کے فنڈز طلب کرلیے