محمود اچکزئی کے پاس اختیارات نہیں، پارٹی میں حکم علیمہ خان کا چلتا ہے، زاہد خان
اشاعت کی تاریخ: 19th, February 2026 GMT
رہنما مسلم لیگ ن زاہد خان کا کہنا ہے کہ محمود خان اچکزئی کے پاس اختیارات نہیں ہیں،ان کو کوئی پوچھتا نہیں، پارٹی میں حکم علیمہ خان کا چلتا ہے۔
پارلیمنٹ ہاؤس کے باہر وی نیوز سے گفتگو کرتے ہوئے زاہد خان نے بتایا کہ پارٹی نے محمود خان کو لیڈر آف اپوزیشن بنا دیا گیا ہے۔
مگر ان کے ساتھ جو کچھ ہو رہا ہے، وہ بھی کسی حد تک ان کے لیے ایک سبق ہے۔
یہ بھی پڑھیں: قائدِ حزبِ اختلاف کا وزیراعظم کو خط، عمران خان کی صحت سے متعلق تشویش
لیگی رہنما زاہد خان کے مطابق اگر معاملہ محمود خان اچکزئی پر چھوڑ دیاجاتا تو شاید وہ کوئی نہ کوئی راستہ نکال لیتے کیونکہ وہ سیاسی آدمی ہیں، انہیں سب علم ہے۔
زاہد خان نے کہا کہ محمود خان اچکزئی کے پاس اختیارات نہیں ہیں۔ ایک کہتا ہے بائیکاٹ کرو، دوسرا کہتا ہے اسپتال چلے جاؤ، اس کا کسی نے پوچھا۔
’جب عمران خان کو اسپتال لے جایا جا رہا تھا اور ان سے کہا گیا کہ آپ لوگ آئیں تو وہ نہیں گئے، انہیں منع کیا گیا کیونکہ حکم علیمہ خان کا چلتا ہے۔‘
مزید پڑھیں: کیا پی ٹی آئی واقعی عمران خان کی رہائی چاہتی ہے؟
زاہد خان کے مطابق علیمہ خان نے ہی پارٹی قیادت کو عمران خان کے علاج کے لیے اسپتال جانے سے منع کیا تھا۔
انہوں نے مزید کہا کہ جتنی کالیں محمود اچکزئی کر رہے ہیں، اس کا فائدہ نہیں بلکہ نقصان ہوگا کیونکہ اصل فیصلہ پارٹی میں علیمہ خان کے ہاتھ میں ہے۔
زاہد خان کے یہ ریمارکس اس وقت سامنے آئے ہیں، جب پارٹی میں اندرونی اختلافات اور قیادت کی حکمت عملی پر سوالات زور پکڑ رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
زاہد خان علیمہ خان علیمہ خان اور عظمیٰ خان ریمانڈ محمود خان اچکزئی مسلم لیگ ن.
ذریعہ
ذریعہ: WE News
کلیدی لفظ: زاہد خان علیمہ خان علیمہ خان اور عظمی خان ریمانڈ محمود خان اچکزئی مسلم لیگ ن محمود خان اچکزئی پارٹی میں علیمہ خان زاہد خان خان کا خان کے
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا