جسٹس غلام مصطفیٰ 5 سال کیلئے چیف الیکشن کمشنر آزاد کشمیر مقرر
اشاعت کی تاریخ: 19th, February 2026 GMT
ویب ڈیسک: حکومت آزاد جموں و کشمیر نے چیئرمین آزاد جموں و کشمیر کونسل اور وزیرِاعظم پاکستان میاں شہباز شریف کی منظوری کے بعد ریٹائرڈ چیف جسٹس غلام مصطفیٰ مغل کو پانچ سال کیلئے چیف الیکشن کمشنر مقرر کر دیا ہے۔
وزارت قانون و انصاف و پارلیمانی امور کی جانب سے جاری نوٹیفکیشن کے مطابق تقرری صدر آزاد جموں و کشمیر کے حکم پر عمل میں لائی گئی، چیف الیکشن کمشنر کا عہدہ گزشتہ سال 13 جنوری سے خالی تھا، جب سابق چیف الیکشن کمشنر جسٹس عبدالرشید سلہریا کی مدت مکمل ہوئی تھی۔
لاہور:ٹرانسپورٹرز کو 15 دن کی مہلت، لین ڈسپلن یقینی بنانے کی ہدایت جاری
جسٹس غلام مصطفیٰ مغل، جن کی عمر 70 برس سے زائد ہے، ماضی میں بھی یہ عہدہ سنبھال چکے ہیں، فروری 2016 میں بطور چیف جسٹس آزاد جموں و کشمیر ہائیکورٹ انہیں تین سالہ مدت کیلئے اضافی ذمہ داری کے طور پر چیف الیکشن کمشنر مقرر کیا گیا تھا، بعد ازاں 2017 میں وہ آزاد جموں و کشمیر سپریم کورٹ کے جج تعینات ہوئے اور دسمبر 2020 میں ریٹائر ہوئے۔
اوپن مارکیٹ میں آٹے کی قلت،شہری پریشان
آزاد جموں و کشمیر الیکشن کمیشن چیف الیکشن کمشنر، سینئر ممبر اور ایک ممبر پر مشتمل ہوتا ہے، نئی تقرری کے باوجود سینئر ممبر الیکشن کمیشن کی نشست تاحال خالی ہے۔
ذرائع کے مطابق جسٹس (ر) مصطفیٰ مغل کو غیر متنازع شخصیت سمجھا جاتا ہے، انہیں جولائی میں ممکنہ انتخابات عوامی ایکشن کمیٹی کی موجودگی میں کرانا ایک اہم چیلنج ہوگا، جبکہ آئین کے مطابق یکم مارچ سے قبل نئے صدر آزاد جموں و کشمیر کا انتخاب کرانا بھی ان کی ذمہ داری ہوگی۔
پنجاب یونیورسٹی کو سکیورٹی اہلکاروں کی کمی، 50 نئی بھرتیوں کا اعلان
آزاد جموں و کشمیر میں چیف الیکشن کمشنر کی مراعات ہائیکورٹ کے جج کے مساوی ہوتی ہیں۔
ذریعہ
ذریعہ: City 42
کلیدی لفظ: چیف الیکشن کمشنر
پڑھیں:
چیف جسٹس سپریم کورٹ کا ضلع و سیشن جج عبدالحکیم کاکڑ کی شہادت پر اظہار افسوس
چیف جسٹس آف پاکستان نے ضلع و سیشن جج عبدالحکیم کاکڑ اور ان کے سیکیورٹی اہلکار کی شہادت پر گہرے رنج و غم کا اظہار کیا ہے۔
چیف جسٹس آف پاکستان نے پاکستان کی عدلیہ کی جانب سے شہدا کے اہلِ خانہ سے دلی تعزیت کا اظہار کیا۔
ضلع و سیشن جج عبدالحکیم کاکڑ اور ان کے سیکیورٹی اہلکار مستونگ میں دورانِ ڈیوٹی دہشت گرد حملے میں شہید ہوئے تھے۔
چیف جسٹس پاکستان یحییٰ آفریدی نے کہا کہ پاکستان کی عدلیہ اس ناقابلِ تلافی سانحے پر سوگوار خاندانوں کے ساتھ کھڑی ہے۔ چیف جسٹس آف پاکستان نے شہداء کے درجات کی بلندی اور اہلِ خانہ کے لیے صبر جمیل کی دعا کی۔
مزید پڑھیںمستونگ: قومی شاہراہ پر فائرنگ، سیشن جج گن مین سمیت شہید، ایڈیشنل سیشن جج سمیت 2 افراد شدید زخمی
چیف جسٹس آف پاکستان نے زخمی ایڈیشنل سیشن جج طارق لاشاری اور جوڈیشل مجسٹریٹ کی جلد صحت یابی کی دعا کی جبکہ شہداء سے اظہارِ عقیدت اور بلوچستان کی ضلعی عدلیہ سے اظہارِ یکجہتی کے لیے 25 جولائی کو شیڈول جوڈیشل ویلبیئنگ کانفرنس مؤخر کر دی گئی۔
چیف جسٹس نے کہا پاکستان کی عدلیہ بلاخوف و خطر انصاف کی فراہمی کے عزم پر قائم ہے، تشدد اور دہشت گردی کے واقعات قانون کی حکمرانی کے لیے ہمارے عزم کو متزلزل نہیں کر سکتے۔
انہوں نے مزید کہا کہ پاکستان کی عدلیہ ہر حال میں انصاف کی بالادستی اور عدلیہ کی آزادی کے تحفظ کے لیے پرعزم ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار