سپریم کورٹ: ممنوعہ رشتے میں نکاح کا دعویٰ مسترد، حیاتیاتی والد کو ذمہ دار قرار
اشاعت کی تاریخ: 19th, February 2026 GMT
بیوی کی سگی بھتیجی سے زیادتی کر کے اسے شرعی نکاح کا رنگ دینے کی کوشش کرنے والے شخص کی اپیل مسترد کرتے ہوئے سپریم کورٹ نے ملزم پر 10 لاکھ روپے جرمانہ عائد کر دیا۔
عدالتِ عظمیٰ نے قرار دیا کہ نکاح ثابت نہ ہونے کے باوجود حیاتیاتی والد اپنے بچے کے نان و نفقہ کا قانونی اور اخلاقی طور پر پابند ہے اور معصوم بچے کو والدین کے غیر قانونی تعلق یا تنازعات کی وجہ سے بنیادی حقوق سے محروم نہیں کیا جا سکتا۔
چیف جسٹس یحییٰ آفریدی کی سربراہی میں سپریم کورٹ 3 رکنی بینچ نے محمد شہزاد کی اپیل خارج کرتے ہوئے تفصیلی آبزرویشنز جاری کیں۔
عدالت نے قرار دیا کہ پٹیشنر پہلے سے شادی شدہ تھا اور اس کی قانونی بیوی متاثرہ لڑکی کی سگی پھوپھی ہے۔
ایسی صورت میں پھوپھی کی موجودگی میں اس کی سگی بھتیجی سے نکاح قانونی طور پر ممنوعہ حد میں آتا ہے اور اسے جائز قرار نہیں دیا جا سکتا۔
عدالت نے کہا کہ پٹیشنر نے متاثرہ لڑکی کو جنسی زیادتی کا نشانہ بنانے کے بعد اپنے انسانیت سوز فعل کو چھپانے کے لیے جھوٹی کہانی گھڑی۔
درخواست گزار نے یہ مؤقف اختیار کیا کہ اس نے پہلی بیوی کو طلاق دے دی تھی، تاہم اس دعوے کا کوئی قانونی ثبوت پیش نہیں کیا گیا۔
فیصلے میں کہا گیا کہ پٹیشنر نے قانونی رکاوٹ سے بچنے اور خاتون کو اخلاقی دباؤ میں لانے کے لیے عدالتی عمل کو بطور آلہ استعمال کیا، جو قابلِ مذمت ہے۔
سپریم کورٹ نے قرار دیا کہ نکاح ثابت نہ ہونے کے باوجود پٹیشنر متاثرہ خاتون سے پیدا ہونے والے بچے کا حیاتیاتی والد ہے اور وہ بچے کے نان و نفقہ کا ذمہ دار ہوگا۔
عدالت نے واضح کیا کہ آئین کے آرٹیکل 14 کے تحت ہر انسان کے وقار کی حرمت ناقابلِ تسخیر ہے اور کسی بھی خاتون کو عدالتی عمل کے ذریعے ہراساں کرنا یا اس کے وقار کو مجروح کرنا ہرگز برداشت نہیں کیا جا سکتا۔
عدالتِ عظمیٰ نے اپنے فیصلے میں اس امر پر زور دیا کہ انصاف کا تقاضا ہے کہ متاثرہ خاتون اور معصوم بچے کے حقوق کا مکمل تحفظ یقینی بنایا جائے اور قانون کو کسی کے ذاتی مفاد یا غلط بیانی کے لیے استعمال کرنے کی اجازت نہ دی جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آرٹیکل 14 چیف جسٹس یحییٰ آفریدی زیادتی سپریم کورٹ نان و نفقہ نکاح.
ذریعہ
ذریعہ: WE News
کلیدی لفظ: آرٹیکل 14 چیف جسٹس یحیی آفریدی زیادتی سپریم کورٹ نکاح سپریم کورٹ ہے اور کے لیے دیا کہ
پڑھیں:
کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ اسلام ٹائمز۔ پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔ پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔ فیصلے کے مطابق نیب خیبر پختونخوا اپر کوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔ فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔ احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا