سوشل میڈیا پر طنزومزاح کاطوفان، عمران خان کواب تو گھڑی نظر آ گئی ‘ ٹاپ ٹرینڈ بن گیا
اشاعت کی تاریخ: 19th, February 2026 GMT
صارفین نے مختلف دلچسپ میمز اور تبصروں کے ذریعے محمود اچکزئی کے بیان کو خوب موضوعِ بحث بنا لیا
کئی صارفین نے پرانی فلموں اور ڈراموں کے مناظر کو ایڈٹ کر کے گھڑی کے ڈائیلاگ شامل کر دئیے
قومی اسمبلی میں قائد حزب اختلاف محمود خان اچکزئی کے اس بیان کے بعد کہ عمران خان کو اب گھڑی کی سوئیاں نظر آنے لگی ہیں، سوشل میڈیا پر طنزومزاح کا ایک نیا طوفان آ گیا ہے، صارفین نے مختلف دلچسپ میمز اور تبصروں کے ذریعے اس بیان کو خوب موضوعِ بحث بنا لیا، ٹوئٹر، فیس بک اور انسٹاگرام پر صارفین کا کہنا ہے کہ “آخرکار وقت کا پتہ چل ہی گیا” جبکہ بعض نے طنزیہ انداز میں لکھا کہ “اب تو گھڑی بھی نظر آ گئی ، بس وقت بدلنا باقی ہے”کئی صارفین نے پرانی فلموں اور ڈراموں کے مناظر کو ایڈٹ کر کے گھڑی کے ڈائیلاگ شامل کر دئیے جس سے میمز مزید وائرل ہو گئے۔سوشل میڈیا پر اب تو گھڑی بھی نظر آ گئی کے ٹاپ ٹرینڈ بننے کے بعد کچھ میمز میں بڑی بڑی دیواری گھڑیاں دکھا کر کیپشن دیا گیا “خان صاحب! یہ رہی سوئیاں” جبکہ دیگر صارفین نے سیاسی حالات کو وقت کی تبدیلی سے جوڑتے ہوئے دلچسپ تبصرے کئے، سوشل میڈیا پر جیسے ہیش ٹیگز بھی گردش کرتے رہے۔ڈیجیٹل صارفین کے مطابق پاکستانی سوشل میڈیا سیاسی بیانات کو مزاحیہ رنگ دینے میں ہمیشہ آگے رہتا ہے اور یہ تازہ معاملہ بھی اسی روایت کا حصہ ہے، جہاں سنجیدہ سیاست بھی چند لمحوں میں طنز و مزاح کا موضوع بن جاتی ہے۔واضح رہے کہ پاکستان میں سیاسی بیانات کے بعد میمز کلچر اب رائے عامہ کے اظہار کا ایک اہم ذریعہ بن چکا ہے، جہاں عوام اپنے جذبات، حمایت یا تنقید کو ہلکے پھلکے انداز میں سامنے لاتے ہیں۔
.
ذریعہ
ذریعہ: Juraat
کلیدی لفظ: سوشل میڈیا پر صارفین نے
پڑھیں:
پنجاب میں انسداد ڈینگی کارروائیوں کیلئے افسران کو فوری متحرک ہونے کی ہدایت
کابینہ کمیٹی برائے متعدی امراض، ڈینگی و ڈیزاسٹر منیجمنٹ کا اجلاس لاہور میں ہوا، پنجاب کے وزرائے صحت سلمان رفیق اور خواجہ عمران نذیر نے اجلاس کی صدارت مشترکہ طور پر صدارت کی۔
اس موقع پر پنجاب کے وزرائے صحت نے کہا کہ ڈینگی کے افزائش والے اضلاع پر خصوصی توجہ دی جا رہی ہے، صوبے بھر میں ڈینگی کی تازہ صورتحال پر قابو پانے کیلیے اقدامات کا جائزہ لیا گیا۔
صوبائی وزیر خواجہ عمران نذیر نے متعلقہ افسران کو فوری متحرک ہونے کی ہدایت کی۔ انھوں نے کہا ہمیشہ دیکھا گیا ہے کہ جون جولائی میں انسداد ڈینگی کارروائیوں کے مثبت نتائج سامنے آتے ہیں۔
خواجہ عمران نذیر نے کہا ڈینگی وائرس پر قابو پانے کے اقدامات کسی ایک محکمہ کی ذمہ داری نہیں، اقدامات کی ذمہ داری تمام اسٹیک ہولڈرز کی ہے۔
خواجہ عمران نے سی ای او ہیلتھ کو ضلعی انتظامیہ کیساتھ مسلسل رابطے میں رہنے کی ہدایت کی۔
انھوں نے کہا کہ ایچ آر منیجمنٹ، والنٹیر ماڈل کو اپناتے ہوئے ڈینگی کا خاتمہ ممکن ہے، یونیورسٹی اور کالجز کے طلبہ کو انسداد ڈینگی کی کارروائیوں میں شامل کرنے کا فیصلہ بھی کیا گیا۔
خواجہ سلمان رفیق نے کہا ڈینگی کی بوگس سرویلنس ناقابل برداشت ہے، عوام اپنےگھروں، دکانوں اور دیگر مقامات پر صفائی کویقینی بنائیں
وزارت آئی ٹی نے 1.67 ارب روپے سے زاید کے فنڈز طلب کرلیے