جی بی میں عوامی حقوق کا مسئلہ سنگین صورت اختیار کرتا جا رہا ہے، الیاس صدیقی
اشاعت کی تاریخ: 19th, February 2026 GMT
ایم ڈبلیو ایم گلگت بلتستان کے ترجمان نے ایک بیان میں کہا کہ ہم واضح کرتے ہیں کہ گلگت بلتستان کے عوام مزید کسی دھوکے، تاخیری حربے یا سیاسی مفادات کی سیاست کو قبول نہیں کریں گے۔ حقوق دینے کے نام پر محض وعدے نہیں بلکہ عملی اقدامات درکار ہیں۔ اسلام ٹائمز۔ ترجمان مجلس وحدت المسلمین گلگت بلتستان محمّد الیاس صدیقی نے ایک بیان میں کہا ہے کہ جی بی میں عوامی حقوق کا مسئلہ سنگین صورت اختیار کرتا جا رہا ہے۔ افسوس کے ساتھ کہنا پڑتا ہے کہ عوامی و سماجی مطالبات کے ساتھ ہاتھ ہوا، پولیس جوانوں کے احتجاج کے ساتھ ہاتھ ہوا، اساتذہ کے جائز مطالبات کے ساتھ ہاتھ ہوا، منرل ایسوسی ایشن کے ساتھ ہاتھ ہوا۔ ان کا مزید کہنا تھا کہ کئی ماہ سے لاکھوں روپے خرچ کر کے پورا سیزن داؤ پر لگا کر اپنے حقوق کے لیے جدوجہد کرنے والے چائنہ بارڈر پر کام کرنے والے تاجروں کے ساتھ بھی ہاتھ ہوا ہے۔ اب اطلاعات یہ ہیں کہ آنے والے سیزن میں ٹیکنوکریٹ، معاون، مشیر اور خواتین کی ریزرو نشستوں کے نام پر بھی ایک اور ہاتھ ہونے جا رہا ہے۔ ہم واضح کرتے ہیں کہ گلگت بلتستان کے عوام مزید کسی دھوکے، تاخیری حربے یا سیاسی مفادات کی سیاست کو قبول نہیں کریں گے۔ حقوق دینے کے نام پر محض وعدے نہیں بلکہ عملی اقدامات درکار ہیں۔
.
ذریعہ
ذریعہ: Islam Times
کلیدی لفظ: گلگت بلتستان
پڑھیں:
استحکام پاکستان پارٹی آزاد کشمیر اور آل جموں و کشمیر مسلم کانفرنس کے درمیان انتخابی اتحاد طے
سٹی 42 : آزاد جموں و کشمیر کے عام انتخابات میں استحکام پاکستان پارٹی آزاد کشمیر اور آل جموں و کشمیر مسلم کانفرنس کے درمیان انتخابی اتحاد پر اتفاق ہو گیا۔
استحکام پاکستان پارٹی آزاد کشمیر کے صدر و سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان طویل ملاقات کے بعد مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی گئی۔ دونوں جماعتوں نے انتخابات کے بعد بھی باہمی سیاسی تعاون، مشاورت اور مشترکہ حکمت عملی کے تحت آگے بڑھنے پر اتفاق کیا ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
کن انتخابی حلقوں میں کس جماعت کے امیدوار کی حمایت کی جائے گی، اس کا حتمی فیصلہ دونوں جماعتوں کی مشترکہ رابطہ کمیٹی جلد اعلان کرے گی۔
دونوں قائدین نے مسلح افواج پاکستان اور قومی سلامتی کے اداروں کو ملک میں امن کے قیام، مسئلہ کشمیر اجاگر کرنے کیلئے کی جانے والی کوششوں کی تعریف کی، مسئلہ کشمیر سمیت اہم امور پر جاندار موقف دنیا کے سامنے ٹھوس طریقے سے سامنے لانے پر خراج تحسین پیش کیا.
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا