عمران خان کی صحت پر سیاست نہیں ہونے چاہی، طارق فضل چوہدری
اشاعت کی تاریخ: 19th, February 2026 GMT
وزیر مملکت طارق فضل چوہدری نے کہا ہےکہ عمران خان کی صحت کے معاملات پر سیاسی پروپیگنڈا نہیں ہونا چاہیے اور اصل مقصد یہ ہے کہ انہیں بہترین طبی سہولت فراہم کی جائے۔
نجی ٹیلیویژن پروگرام میں گفتگو کرتے ہوئے وزیر مملکت طارق فضل چوہدری نے کہا کہ جیل میں ابتدائی ٹریٹمنٹ سیکیورٹی وجوہات کے تحت دن کے وقت ممکن نہیں تھا اور رات کے وقت علاج فراہم کیا گیا۔
یہ بھی پڑھیں:عمران خان کی اسپتال منتقلی اور میڈیکل بورڈ کی تشکیل کا فیصلہ کرلیا گیا، طارق فضل چوہدری
انہوں نے مزید کہا کہ سیاسی بیانات اور قیاس آرائیوں سے اصل مسئلہ چھپ نہیں سکتا اور ریاست کی ذمہ داری ہے کہ عمران خان کو بہترین طبی سہولت فراہم کی جائے۔
پروگرام میں پاکستان تحریک انصاف کے رہنما سینیٹر ڈاکٹر ہمایوں مہمند نے بتایا کہ عمران خان کی نظر کمزور ہو گئی تھی اور جیل کے سپریڈنٹ اور ڈاکٹر نے ابتدائی طور پر مناسب توجہ نہیں دی۔
انہوں نے بتایا کہ عمران خان نے خود بتایا کہ ان کی دائیں آنکھ کی بینائی تقریباً 85 فیصد کم ہو گئی تھی اور ابتدائی رپورٹیں اس بات کی تصدیق کرتی ہیں۔
ہمایوں مہمند نے کہا کہ ابتدائی سلوک اور علاج میں تاخیر سنگین مسئلہ تھا، تاہم بعد میں مناسب ٹریٹمنٹ اور عینک کے استعمال سے نظر میں بہتری آئی۔ انہوں نے واضح کیا کہ میڈیا میں گردش کرنے والی معلومات غلط بیانی پر مبنی ہیں اور اصل حقائق سے متعلق نہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
طارق فضل چوہدری عمران خان ہمایوں مہمند.
ذریعہ
ذریعہ: WE News
کلیدی لفظ: طارق فضل چوہدری ہمایوں مہمند طارق فضل چوہدری عمران خان کی کہ عمران خان
پڑھیں:
مصنوعی مٹھاس دماغی صحت کے لیے خطرہ؟ نئی تحقیق میں یادداشت متاثر ہونے کا اشارہ
ایک نئی سائنسی تحقیق میں یہ انکشاف سامنے آیا ہے کہ مصنوعی مٹھاس کا زیادہ استعمال یادداشت اور ذہنی صلاحیتوں میں تیزی سے آنے والی کمی سے تعلق رکھ سکتا ہے۔ ماہرین کا کہنا ہے کہ اگرچہ یہ اجزا چینی کے متبادل کے طور پر استعمال کیے جاتے ہیں، تاہم ان کے طویل المدتی اثرات دماغی صحت کے لیے تشویش کا باعث بن سکتے ہیں۔
یہ تحقیق امریکن اکیڈمی آف نیورولوجی کے جریدے نیورولوجی میں شائع ہوئی، جس میں تقریباً 13 ہزار بالغ افراد کی آٹھ برس تک نگرانی کی گئی۔ تحقیق کے دوران کم یا بغیر کیلوریز والی مٹھاس کے سات عام اجزا کا جائزہ لیا گیا، جن میں ایسپارٹیم، سیکرین، ایسی سلفیم کے، اریتھریٹول، زائیلیٹول، سوربیٹول اور ٹیگاٹوز شامل تھے۔
تحقیقی نتائج کے مطابق وہ افراد جو روزانہ اوسطاً 191 ملی گرام مصنوعی مٹھاس استعمال کرتے تھے، جو تقریباً ایک کین ڈائٹ سوڈا میں موجود ایسپارٹیم کے برابر مقدار ہے، ان میں کم استعمال کرنے والوں کے مقابلے میں یادداشت اور ذہنی کارکردگی میں کمی کی رفتار 62 فیصد زیادہ دیکھی گئی۔
اسی طرح درمیانی مقدار میں مصنوعی مٹھاس استعمال کرنے والے افراد میں بھی ذہنی صلاحیتوں میں کمی کا خطرہ نمایاں رہا، جہاں یہ شرح کم استعمال کرنے والوں کے مقابلے میں 35 فیصد زیادہ ریکارڈ کی گئی۔
محققین کے مطابق یہ تعلق 60 سال سے کم عمر افراد اور ذیابیطس کے مریضوں میں زیادہ نمایاں دیکھا گیا، کیونکہ یہ افراد عام چینی کے بجائے مصنوعی مٹھاس کا زیادہ استعمال کرتے ہیں۔
تحقیق میں شامل سات میٹھے اجزا میں سے صرف ٹیگاٹوز ایسا جز تھا جس کا ذہنی صلاحیتوں میں تیز رفتار کمی سے واضح تعلق سامنے نہیں آیا، جبکہ باقی چھ اجزا اس خطرے سے منسلک پائے گئے۔
تحقیق کی مرکزی مصنفہ، یونیورسٹی آف ساؤ پالو سے وابستہ ڈاکٹر کلاڈیا کیمی سوئیموتو نے کہا کہ مصنوعی مٹھاس کو عموماً صحت مند متبادل سمجھا جاتا ہے، لیکن تحقیق کے نتائج اس بات کی نشاندہی کرتے ہیں کہ بعض مصنوعی میٹھے اجزا طویل عرصے تک استعمال کیے جانے کی صورت میں دماغی صحت پر منفی اثرات مرتب کر سکتے ہیں۔
یہ مصنوعی مٹھاس عام طور پر ڈائٹ سوڈا، فلیورڈ واٹر، انرجی ڈرنکس، دہی اور دیگر کم کیلوریز والی پراسیسڈ غذاؤں میں استعمال کی جاتی ہے۔
تاہم محققین نے اس بات پر بھی زور دیا کہ یہ ایک مشاہداتی تحقیق ہے، اس لیے اس سے یہ حتمی نتیجہ اخذ نہیں کیا جا سکتا کہ مصنوعی مٹھاس ہی براہِ راست یادداشت میں کمی کی وجہ بنتی ہے۔ ان کے مطابق ان نتائج کی مزید تصدیق اور مختلف متبادل میٹھے اجزا کے اثرات جانچنے کے لیے مزید سائنسی تحقیق کی ضرورت ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا