’عوام کو خشک روٹیاں دکھا کر جذباتی کرتے رہے اور خود مرنڈا کے ساتھ ضیافتیں‘، صارفین پی ٹی آئی پر برس پڑے
اشاعت کی تاریخ: 20th, February 2026 GMT
پاکستان تحریک انصاف اور اپوزیشن اتحاد کی جانب سے پارلیمنٹ ہاؤس میں جاری دھرنا ختم کر دیا گیا ہے۔ دھرنے کے دوران اپوزیشن رہنماؤں کی طرف سے بارہا یہ مؤقف اختیار کیا گیا کہ پارلیمنٹیرینز تک کھانے پینے کی اشیاء پہنچانے کی اجازت نہیں دی جا رہی جس کے باعث بعض رہنماؤں کی طبیعت بھی ناساز ہوئی۔
تاہم گزشتہ روز سے سوشل میڈیا پر مختلف ویڈیوز گردش کر رہی ہیں جن میں محمود خان اچکزئی، راجہ ناصر عباس اور بیرسٹر گوہر علی خان کو مبینہ طور پر سیور فوڈ، کوئٹہ چائے اور پراٹھے تناول کرتے دیکھا جا سکتا ہے۔
یہ بھی پڑھیں: دھرنے میں بھوکے رہنے کے دعوؤں کے بعد پی ٹی آئی قیادت کی کھانا کھاتے ویڈیو وائرل، اصل حقیقت کیا؟
ایک اور ویڈیو بھی منظرعام پر آئی ہے جس میں ایک خاتون کو پارلیمنٹ کے عقبی دروازے سے فوڈ رائیڈر سے اپنا آرڈر وصول کرتے دیکھا گیا جبکہ ویڈیو میں مشروب کی بوتل بھی نمایاں ہے۔
ویڈیوز کے وائرل ہونے کے بعد سوشل میڈیا صارفین کی جانب سے اپوزیشن اتحاد اور پاکستان تحریک انصاف کو تنقید کا سامنا کرنا پڑ رہا ہے۔ فیاض شاہ لکھتے ہیں کہ ’پارلیمنٹ دھرنے‘ کے نام پر جاری ڈرامہ بازی کے دوران یہ خشک روٹیاں کھانے کی وڈیوز دکھاتے رہے اور پچھلے دروازے سے فوڈ ڈلیوری منگواتے رہے۔ اور کھانے کے ساتھ مرنڈا کون پیتا ہے؟
”پارلیمنٹ دھرنے“ کے نام پر جاری ڈرامہ بازی کے دوران یہ خشک روٹیاں کھانے کی وڈیوز دکھاتے رہے اور پچھلے دروازے سے فوڈ ڈلیوری منگواتے رہے۔
اور کھانے کے ساتھ مرنڈا کون پیتا ہے؟؟؟???? pic.
— Fayyaz Shah (@RebelByThought) February 19, 2026
مغیث علی نے کہا کہ یہ دھرنا عوامی تھا یا فلمی؟ عوام کو خشک روٹیاں دکھا کر جذباتی کرتے رہے اور پیچھے سے مرنڈا کے ساتھ ضیافتیں۔
یہ دھرنا عوامی تھا یا فلمی؟ عوام کو خشک روٹیاں دکھا کر جذباتی کرتے رہے، پیچھے سے مرنڈا کے ساتھ ضیافتیں۔۔۔!!! ????????pic.twitter.com/AORHdmakza
— Mughees Ali (@mugheesali81) February 19, 2026
ایک سوشل میڈیا صارف نے کہا کہ عوام پہلے سے ہی جانتے تھے کہ یہ سب ڈرامے بازی کر رہے ہیں۔
ہم عوام پہلے سے ہی جانتے تھے کہ یہ سب ڈرامے بازی کر رہے ہیں
— Am Khan ???????? (@AbbasiAE101) February 19, 2026
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ٹی آئی دھرنا
ذریعہ
ذریعہ: WE News
کلیدی لفظ: پی ٹی ا ئی دھرنا رہے اور کے ساتھ
پڑھیں:
فیلڈ مارشل کا بلوچستان میں دہشت گردی کو پوری طاقت سے کچلنے کے عزم کا اظہار
فوٹو: آئی ایس پی آرفیلڈ مارشل سید عاصم منیر نے بلوچستان میں دہشت گردی کو پوری طاقت سے کچلنے کے عزم کا اظہار کیا ہے۔
پاک فوج کے شعبہ تعلقات عامہ آئی ایس پی آر کے مطابق 20ویں نیشنل ورکشاپ بلوچستان کے شرکاء کی جی ایچ کیو آمد کے موقع پر خطاب کرتے ہوئے فیلڈ مارشل نے کہا کہ بیرونی سرپرستی میں پراکسی عناصر بلوچستان میں تشدد کو ہوا دینے، استحکام کو نقصان پہنچانے اور امن خراب کرنے کی کوشش کرتے رہے ہیں، تاہم ان کے ناپاک عزائم کو مسلح افواج کے مضبوط اور فیصلہ کن جواب اور عوام کے اتحاد سے ناکام بنادیا جائے گا۔
فیلڈ مارشل سید عاصم منیر کا کہنا ہے کہ بلوچستان پاکستان کا فخر ہے، یہ صوبہ بے پناہ قدرتی وسائل سے مالا مال ہے، بلوچستان کے متحرک، باہمت، ثابت قدم اور محبِ وطن عوام اس کی سب سے بڑی طاقت ہیں۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں بلوچستان میں دیرپا امن لائیں گی، فتنہ الخوارج اور فتنہ الہندوستان کے خلاف ٹارگیٹڈ آپریشنز جاری رہیں گے۔
آئی ایس پی آر کے مطابق فیلڈ مارشل نے ملک کے مستقبل کی سمت کے تعین کے لیے قومی اتحاد اور ثابت قدمی کی ضرورت پر زور دیتے ہوئے کہا کہ پاکستان کی مسلح افواج عوام کے اتحاد، عزم اور ثابت قدمی کی بدولت ان مذموم عزائم کو ناکام بنائیں گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا