کراچی: سولجر بازار عمارت گرنے کا مقدمہ درج، پلاٹ مالک گرفتار
اشاعت کی تاریخ: 20th, February 2026 GMT
کراچی(نیوز ڈیسک) کراچی کے علاقے سولجر بازار رانا لیاقت کالونی میں گیس لیکج کے باعث دھماکے سے رہائشی عمارت گرنے کے واقعے کا مقدمہ درج کر لیا گیا۔
پولیس کے مطابق مقدمہ تھانہ سولجر بازار میں سرکاری مدعیت میں سب انسپکٹر خالد محمود کی مدعیت میں درج کیا گیا، واقعے کے بعد 40 گز کے پلاٹ پر گراؤنڈ پلس تھری عمارت قائم کرنے والے پلاٹ کے مالک ارشاد کو گرفتار کر لیا گیا ہے۔
ایف آئی آر کے متن کے مطابق پوری عمارت میں ٹی آر گارڈر استعمال کیا گیا تھا، پہلی منزل پر رہائشی زیب النساء نے سحری کے وقت چولہا جلایا جبکہ ناقص گیس لائن سے لیکج کے باعث کمرے میں گیس بھری ہوئی تھی، ماچس جلانے پر آگ بھڑکی اور دھماکا ہوگیا جس سے تین منزلہ عمارت کے کمرے زمین بوس ہو گئے۔
حادثے میں 16 افراد جاں بحق جبکہ 14 زخمی ہوئے۔
مقدمے کے مطابق ملزم ارشاد نے 2007-08 میں ٹائل اور ٹی آر گارڈر کے ذریعے غیر قانونی طور پر تین منزلہ عمارت تعمیر کی تھی اور عمارت میں گیس کنکشن بھی ناقص مٹیریل سے لگائے گئے تھے، پولیس مزید تحقیقات کر رہی ہے۔
.
ذریعہ
ذریعہ: Daily Mumtaz
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا