روشن ڈیجیٹل اکاؤنٹ نے 12 ارب ڈالر کا سنگ میل عبور کر لیا
اشاعت کی تاریخ: 20th, February 2026 GMT
روشن ڈیجیٹل اکاؤنٹ منصوبے نے ایک اہم سنگ میل عبور کر لیا ہے۔
جس کے تحت ستمبر 2020 میں آغاز کے بعد 10 فروری 2026 تک مجموعی رقوم 12 ارب امریکی ڈالر سے تجاوز کر گئی ہیں۔
اسٹیٹ بینک کے مطابق دسمبر 2025 کے آخر تک روشن ڈیجیٹل اکاؤنٹ میں آمدنی 11.707 ارب امریکی ڈالر تھی۔
یہ بھی پڑھیں: اسٹیٹ بینک کا روشن ڈیجیٹل اکاؤنٹ، ایک سال میں کتنے کھاتے کھولے گئے؟
اس منصوبے کے آغاز کے بعد غیر ملکی پاکستانیوں نے مجموعی طور پر 9 لاکھ سے زائد اکاؤنٹس کھولے ہیں۔
اسٹیٹ بینک نے غیر ملکی پاکستانیوں کا اس پروگرام پر مسلسل اعتماد اور تعاون کرنے پر شکریہ ادا کیا۔
Roshan Digital Account has achieved another milestone, surpassing $12B in total inflows with over 900,000 accounts opened by #OverseasPakistanis.
— SBP (@StateBank_Pak) February 19, 2026
اسٹیٹ بینک کے ایک اعلامیے کے مطابق روشن ڈیجیٹل اکاؤنٹ میں مستقل اضافہ غیر ملکی پاکستانیوں کے اعتماد کی عکاسی اور ان کی اہمیت کو ظاہر کرتا ہے جو ملکی زرمبادلہ کے ذخائر کی مضبوطی میں مددگار ثابت ہو رہی ہے۔
ماہرین نے کہا کہ روشن ڈیجیٹل اکاؤنٹ میں مستحکم اضافہ غیر ملکی پاکستانیوں کے مسلسل اعتماد اور ملک کے زرمبادلہ کے ذخائر کو مضبوط کرنے میں ان کے اہم کردار کو ظاہر کرتا ہے، جو مالی استحکام کو بھی سپورٹ کرتا ہے۔
مزید پڑھیں: روشن ڈیجیٹل اکاؤنٹس کے تحت ترسیلات زر کاحجم 8.416 ارب ڈالر سے تجاوز کر گیا
روشن ڈیجیٹل اکاؤنٹ کا مقصد غیر ملکی پاکستانیوں کے لیے سہولت فراہم کرنا ہے، جس کے ذریعے وہ تجارتی بینکوں کے تعاون سے دور دراز سے ڈیجیٹل بینک اکاؤنٹس کھول سکتے ہیں۔
یہ اکاؤنٹس بینکنگ لین دین، ادائیگیوں، اور پاکستان میں سرمایہ کاری کے مواقع سمیت متعدد خدمات فراہم کرتے ہیں۔
اس پلیٹ فارم کے ذریعے غیر ملکی پاکستانی آسانی سے اپنے پیسے ملک بھیج سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹیٹ بینک بینکنگ لین دین پلیٹ فارم ڈیجیٹل بینک اکاؤنٹس روشن ڈیجیٹل اکاؤنٹ زرمبادلہ سرمایہ کاری
ذریعہ
ذریعہ: WE News
کلیدی لفظ: اسٹیٹ بینک بینکنگ لین دین پلیٹ فارم ڈیجیٹل بینک اکاؤنٹس روشن ڈیجیٹل اکاؤنٹ زرمبادلہ سرمایہ کاری غیر ملکی پاکستانیوں روشن ڈیجیٹل اکاؤنٹ اسٹیٹ بینک
پڑھیں:
مشرقِ وسطیٰ کشیدگی،عالمی منڈی میں خام تیل 100 ڈالر فی بیرل سے تجاوز کر گیا
امریکا اور ایران کے درمیان بڑھتی ہوئی کشیدگی، بحیرہ احمر میں تجارتی جہازوں پر حملوں اور مشرقِ وسطیٰ کی غیر یقینی صورتحال کے باعث عالمی منڈی میں خام تیل کی قیمتوں میں بڑا اضافہ ریکارڈ کیا گیا ہے۔ برینٹ خام تیل کی قیمت بڑھ کر100 ڈالر فی بیرل سے تجاوز کر گئی، جو مئی کے بعد پہلی مرتبہ اس نفسیاتی حد سے اوپر پہنچی ہے۔
عالمی خبر رساں اداروں کے مطابق جمعرات کے روز برینٹ کروڈ کی قیمت میں 6 فیصد سے زائد اضافہ ریکارڈ کیا گیا۔ ماہرین کا کہنا ہے کہ سرمایہ کاروں نے خدشہ ظاہر کیا ہے کہ اگر خطے میں فوجی کشیدگی مزید بڑھی تو عالمی سطح پر خام تیل کی سپلائی متاثر ہو سکتی ہے، جس کے باعث خریداری میں اضافہ دیکھنے میں آیا۔
رپورٹس کے مطابق قیمتوں میں اضافے کی ایک بڑی وجہ یمن کے ایران نواز حوثی گروپ کی جانب سے بحیرہ احمر میں تجارتی جہازوں اور آئل ٹینکروں پر حملے ہیں۔ بحیرہ احمر اور باب المندب دنیا کے اہم ترین بحری تجارتی راستوں میں شمار ہوتے ہیں، جہاں سے یورپ، ایشیا اور مشرقِ وسطیٰ کے درمیان بڑی مقدار میں خام تیل اور دیگر تجارتی سامان کی ترسیل کی جاتی ہے۔
امریکی صدر ڈونلڈ ٹرمپ نے ان حملوں پر سخت ردعمل دیتے ہوئے کہا کہ امریکا حوثیوں کے ساتھ ساتھ ایران کو بھی ذمہ دار سمجھتا ہے، کیونکہ ان کے بقول حوثی تہران کے حمایت یافتہ گروہ ہیں۔ انہوں نے خبردار کیا کہ اگر بحیرہ احمر میں جہاز رانی پر حملے جاری رہے تو امریکا حوثیوں اور ایران دونوں کے خلاف سخت فوجی کارروائی سے گریز نہیں کرے گا۔
توانائی کے ماہرین کے مطابق اگر خام تیل کی قیمتیں 100 ڈالر فی بیرل سے اوپر برقرار رہتی ہیں تو دنیا بھر میں پیٹرول، ڈیزل، بجلی، ٹرانسپورٹ اور صنعتی پیداواری لاگت میں نمایاں اضافہ ہو سکتا ہے، جس سے عالمی مہنگائی کی نئی لہر جنم لے سکتی ہے۔
ماہرین نے یہ خدشہ بھی ظاہر کیا ہے کہ اگر کشیدگی آبنائے ہرمز تک پھیل گئی، جہاں سے دنیا کی تقریباً 20 فیصد خام تیل کی ترسیل ہوتی ہے، تو عالمی منڈی میں تیل کی قیمتیں مزید بلند ہو سکتی ہیں، جس کے اثرات عالمی معیشت، توانائی کی فراہمی اور بین الاقوامی تجارت پر مرتب ہونے کا امکان ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا