علیمہ خانم نے اسٹیبلشمنٹ اور حکومت کو دلچسپ ڈیل آفر کر دی
اشاعت کی تاریخ: 20th, February 2026 GMT
چیئرمین عمران خان سے ملاقات اور فیملی کی موجودگی میں شفاء انٹرنیشنل ہسپتال میں علاج کرائیں
بانی کی آنکھ بچانا چاہتے ہیں، بدلے میں ہم عاصم منیر کا نام نہیں لیں گے، ہمشیرہ کی میڈیا سے گفتگو
پاکستان تحریک انصاف کے بانی چیٔرمین عمران خان کی ہمشیرہ علیمہ خان نے اسٹیبلشمنٹ اور حکومت کو دلچسپ ڈیل آفر کردی۔ میڈیا سے گفتگو کرتے ہوئے انہوں نے کہا کہ کیا وجہ ہے کہ یہ عمران خان کے بلڈ ٹیسٹ اور جو پمز کی رپورٹس ہیں وہ چھپا رہے ہیں؟ عمران خان کو فوری شفاء انٹرنیشنل ہسپتال اسلام آباد منتقل کریں اور وہاں ذاتی معالج اور فیملی ممبر کی موجودگی میں علاج کروائیں پھر ہی جرم کی معافی مل سکتی ہے، ہم عمران خان کی آنکھ بچانا چاہتے ہیں، بدلے میں ہم عاصم منیر کا نام نہیں لیں گے۔سابق وزیراعظم کی ہمشیرہ کا کہنا ہے کہ پی ٹی آئی نمائندوں کو میں نے تب ہی کہا تھا کہ یہ لوگ جھوٹے ہیں جب وہ کہہ رہے تھے کہ محسن نقوی نے گارنٹی دی ہے کہ ہم فیملی اور ذاتی معالجین کے ہمراہ عمران خان کو شفاء انٹرنیشنل منتقل کریں گے اور علاج کروائیں گے، لیکن پھر محسن نقوی جھوٹا ثابت ہوا، اس نظام میں جھوٹ جس قدر غالب آچکا ہے، ہر حق گوئی کرنے والے پر جس طرح جھوٹے کیسز بنائے گئے ہیں اب اس نظام کو ہی ختم ہونا ہوگا، عوام کو سچائی کا ساتھ دینا ہوگا۔انہوں نے مزید کہا کہ مجھے لگتا یہ مخلص لوگ ہیں، یہ کیسز اتنے اچھے تیار کرتے ہیں کہ ایک دن کسی عدالت میں نہ کھڑے ہو سکیں، چیف جسٹس اسلام آباد ہائیکورٹ اگر کیسز سن لیں تو عمران خان کی رہائی ممکن ہے، عمران خان کے دونوں کیسز اگر آج سن لیے جائیں تو ان کی آج ہی رہائی ممکن ہو سکتی ہے اور ہم ضمانت ملتے ہی عمران خان کو شفاء انٹرنیشنل ہسپتال اسلام آباد لے جائیں گے اور وہاں ان کی آنکھ کا علاج کروائیں گے۔
.
ذریعہ
ذریعہ: Juraat
کلیدی لفظ: شفاء انٹرنیشنل
پڑھیں:
حکومت نے یومیہ بنیادوں پر آج پھر عوام پر پیٹرول بم گرا دیا
اسلام آباد (اردوپوائنٹ اخبار تازہ ترین۔ انٹرنیشنل پریس ایجنسی۔ 23 جولائی 2026ء ) وفاقی حکومت نے پیٹرولیم مصنوعات کی قیمتوں میں ردوبدل کا اعلان کردیا ہے۔ پیٹرولیم ڈویژن کے جاری کردہ نوٹیفکیشن کے مطابق پیٹرول کی قیمت میں 4 روپے 40 پیسے فی لیٹر اضافہ کردیا ہے۔ پیٹرول کی نئی قیمت 331 روپے 52 پیسے فی لیٹر مقرر کردی گئی ہے۔ جبکہ ڈیزل کی قیمت فی لیٹر قیمت میں 3 روپے 62 پیسے اضافہ کر دیا گیا ہے، ڈیزل کی نئی قیمت 378 روپے 66 پیسے فی لیٹر مقرر کردی گئی۔(جاری ہے)
نئی قیمتوں کا اطلاق آج رات 12 کے بعد ایک دن کیلئے ہوگا۔ یاد رہے وفاقی کابینہ نے پیٹرولیم مصنوعات کے لیے روزانہ قیمتوں کے تعین کا نیا نظام منظور کر لیا جس کے تحت اوگرا اب پیٹرول اور ڈیزل کی ایکس ڈپو قیمتیں روزانہ جاری کرے گا۔ پیٹرول اور ڈیزل کی نئی قیمتیں گزشتہ سات کاروباری دن کی اوسط عالمی قیمت کے مطابق ہوں گی، پیٹرول اور ڈیزل کی قیمتوں کا تعین عالمی مارکیٹ کے حساب سے کیا جائے گا۔ قیمتوں کے اعلان کے لیے وزیراعظم یا وفاقی حکومت کی پیشگی منظوری درکار نہیں ہوگی جبکہ اوگرا بغیر وزیراعظم یا حکومت کی منظوری کے قیمتوں کا اعلان کرے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار