لندن، پاکستانی ہائی کمشنر، ڈاکٹر غلام عباس ملاقات، ہیلتھ ٹورازم پر گفتگو
اشاعت کی تاریخ: 20th, February 2026 GMT
لندن(ویب ڈیسک) پاکستان ہائی کمیشن لندن میں ایک اہم ملاقات ہوئی جس میں معروف ماہرِ امراضِ جلد و بال ڈاکٹر سید غلام عباس شاہ کو خصوصی دعوت پر مدعو کیا گیا۔ ملاقات کی میزبانی ہائی کمشنر پاکستان برائے برطانیہ ڈاکٹر فیصل نے کی۔اس موقع پر ہائی کمشنر ڈاکٹر فیصل نے ڈاکٹر غلام عباس شاہ کی میڈیکل شعبے میں نمایاں خدمات، ہیئر ٹرانسپلانٹ اور اسٹیٹک میڈیسن میں مہارت اور پاکستان و برطانیہ کے درمیان میڈیکل ٹورزم کے فروغ میں کردار کو سراہتے ہوئے انہیں خراجِ تحسین پیش کیا۔میڈیکل ٹورزم کے فروغ پر تفصیلی تبادلہ خیال ملاقات کے دوران پاکستان میں ہیلتھ ٹورزم کو فروغ دینے کے مختلف پہلوؤں پر تفصیلی گفتگو کی گئی، جن میں بین الاقوامی معیار کے کلینکس اور اسپتالوں کا قیام، برطانیہ اور یورپ کے مریضوں کے لیے خصوصی میڈیکل پیکجز، ایمبیسی سطح پر میڈیکل ویزہ سہولت اور سرکاری و نجی شعبے کے درمیان مؤثر شراکت داری شامل ہیں۔ اس کے علاوہ پاکستانی سرجنز کی عالمی سطح پر برانڈنگ پر بھی زور دیا گیا۔ملاقات میں اس بات پر اتفاق کیا گیا کہ میڈیکل ٹورزم کے فروغ سے ملک میں فارن ایکسچینج میں اضافہ، روزگار کے نئے مواقع، ہوٹلنگ، ٹرانسپورٹ اور سروس سیکٹر کی ترقی کے ساتھ ساتھ پاکستان کا مثبت اور محفوظ تشخص دنیا کے سامنے اجاگر ہوگا۔ڈاکٹر غلام عباس شاہ نے اس عزم کا اظہار کیا کہ پاکستان کو میڈیکل ٹورزم کا حب بنانے کے لیے نجی شعبہ حکومت کے ساتھ مکمل تعاون کرے گا تاکہ دنیا بھر سے مریض اعتماد کے ساتھ پاکستان کا رخ کریں۔یہ ملاقات صحت کے شعبے میں ایک نئے باب کی شروعات قرار دی جا رہی ہے، جہاں طبی خدمات نہ صرف عوامی فلاح بلکہ قومی معیشت کی مضبوطی کا ذریعہ بھی بن سکتی ہیں۔
.
ذریعہ
ذریعہ: Daily Mumtaz
کلیدی لفظ: میڈیکل ٹورزم غلام عباس
پڑھیں:
پاکستان میں ڈالر مستحکم، پاؤنڈ اور یورو سمیت بڑی کرنسیوں کے تازہ ریٹس جاری
کراچی: اسٹیٹ بینک آف پاکستان نے 2 جون 2026 کے لیے مختلف عالمی کرنسیوں کے پاکستانی روپے کے مقابلے میں تازہ ریٹس جاری کر دیے ہیں۔ جاری کردہ اعداد و شمار کے مطابق امریکی ڈالر اپنی سابقہ سطح کے قریب برقرار ہے جبکہ برطانوی پاؤنڈ، یورو اور خلیجی ممالک کی کرنسیاں بھی مستحکم رجحان دکھا رہی ہیں۔
امریکی ڈالر کی قیمت
اسٹیٹ بینک کے مطابق امریکی ڈالر کی انٹربینک شرح 278.46 روپے رہی۔ مالیاتی ماہرین کے مطابق ڈالر کی قیمت گزشتہ کئی ماہ سے 278 سے 280 روپے کے درمیان گردش کر رہی ہے، جس سے زرمبادلہ مارکیٹ میں استحکام کا تاثر مل رہا ہے۔
سعودی ریال اور اماراتی درہم
سعودی ریال 74.19 روپے جبکہ متحدہ عرب امارات کا درہم 75.82 روپے پر برقرار رہا۔ خلیجی ممالک میں مقیم پاکستانیوں کی جانب سے بھیجی جانے والی ترسیلات زر کے باعث ان کرنسیوں کی اہمیت پاکستانی معیشت کے لیے بہت زیادہ ہے۔
یورو اور برطانوی پاؤنڈ
یورو کی قیمت 324.40 روپے جبکہ برطانوی پاؤنڈ 375.18 روپے ریکارڈ کیا گیا۔ یورپ اور برطانیہ میں زیر تعلیم پاکستانی طلبہ اور وہاں مقیم پاکستانی خاندانوں کے لیے ان کرنسیوں کی قیمتیں خصوصی اہمیت رکھتی ہیں۔
دیگر اہم کرنسیاں
کینیڈین ڈالر 201.19 روپے، آسٹریلوی ڈالر 200.03 روپے، قطری ریال 76.39 روپے، بحرینی دینار 738.61 روپے اور کویتی دینار 907.63 روپے کی سطح پر رہا، جو بدستور پاکستانی روپے کے مقابلے میں سب سے مہنگی کرنسیوں میں شامل ہے۔
آج کے نمایاں کرنسی ریٹس
امریکی ڈالر: 278.46 روپے
سعودی ریال: 74.19 روپے
اماراتی درہم: 75.82 روپے
قطری ریال: 76.39 روپے
یورو: 324.40 روپے
برطانوی پاؤنڈ: 375.18 روپے
کینیڈین ڈالر: 201.19 روپے
آسٹریلوی ڈالر: 200.03 روپے
کویتی دینار: 907.63 روپے
بحرینی دینار: 738.61 روپے
عمانی ریال: 723.26 روپے
ماہرین کے مطابق آئندہ دنوں میں روپے کی قدر کا انحصار ترسیلات زر، زرمبادلہ ذخائر، درآمدی ادائیگیوں اور عالمی مالیاتی رجحانات پر ہوگا۔
وزارت آئی ٹی نے 1.67 ارب روپے سے زاید کے فنڈز طلب کرلیے