بانی پی ٹی آئی سے ڈیل یا ڈھیل کی کوئی خبرنہیں، آصف
اشاعت کی تاریخ: 20th, February 2026 GMT
اسلاما آباد(نیوزڈیسک)پارلیمنٹ ہاوس میں سماء سے خصوصی گفتگو کرتے ہوئے وزیردفاع خواجہ آصف نے بھی بانی پی ٹی آئی سے ڈیل یا ڈھیل کی خبروں کی تردید کی اور کہا کہ بانی کو بیرون ملک یا بنی گالا منتقل کرنےکی کہیں کوئی گفتگو نہیں ہوئی، ممکن ہے سہولتوں کے حوالے سے بانی پی ٹی آئی کو اپروچ کیا گیا ہو۔
وزیردفاع نے کہا کہ مارکیٹ میں پراڈکٹ رکھنے کے لیے ڈیل کی افواہیں پھیلائی جاتی ہیں، اب اس پراڈکٹ کے پلے کچھ بھی نہیں رہ گیا ، ڈیل کی باتیں کر کے یہ اپنی دکان کھلی رکھنا چاہتے ہیں، ڈیل کی باتیں کر کے پی ٹی آئی نے لوگوں کو آسرا تو دینا ہے، ان لوگوں کو وطن عزیز ہے یا ایک شخص؟ وطن کو دوام ہے کسی بھی فرد واحد کو دوام نہیں۔
انہوں نے کہا کہ ہم یہاں سے چلیں جائیں گے مگر وطن تاقیامت قائم رہے گا، وزیراعلی خیبرپختونخوا کی نوکری خطرے میں ہے، وزیراعلی خیبرپختونخوا نے نوکری بچانے کے لیے رہائی فورس کا اعلان کیا، وزیراعلی کے نوکری پکی کرنے پر آپ کو اعتراض نہیں ہونا چاہئے، وزیراعلی کی اعلان کردہ رہائی فورس غیرآئینی اور غیرقانونی ہے۔
خواجہ آصف کا کہناتھا کہ کسی بھی قسم کی فورس کا قیام ریاست کا استحقاق ہے، وفاق کے علاوہ کوئی فورس بنانا کسی کا استحقاق نہیں، غزہ امن بورڈ کے اجلاس میں پاکستان کو منفرد مقام ملا، صدر ٹرمپ نے پاکستان کی سیاسی و عسکری قیادت کی تعریف کی، امریکی صدر پاک بھارت جنگ کا 60 سے 70 مرتبہ ذکر کرچکے۔
صدر ٹرمپ نے بین الاقوامی اجتماع میں پاک فوج کی طاقت کا اعتراف کیا،صدر ٹرمپ نے فیلڈ مارشل کی صلاحیتوں کا بھی اعتراف کیا ہے،وزیراعظم کی دانش کا اعتراف کیا جانا بھی بہت بڑی عزت ہے،وزیراعظم کا دورہ امریکا پاکستان کے حوالے سے بہت اچھا رہا،غزہ امن بورڈ اجلاس میں وعدے فلسطینیوں کو بسانے کے لیے ہوئے.
ان کا کہناتھاکہ اللہ نے چاہا تو غزہ پھر آباد ہوگا اور وہاں فلسطینی آباد ہوں گے ، فلسطینی ریاست وجود میں آئے گی ، اللہ رمضان میں ہماری کوششوں میں برکت ڈالے،فلسطینیوں کو سرخرو کرے،جنگ بندی کے باوجود 750 فلسطینی شہید ہوچکے ہیں ۔
ذریعہ
ذریعہ: Daily Mumtaz
پڑھیں:
ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے، علامہ رمضان توقیر
ایس یو سی کے مرکزی رہنماء نے رہبر معظم آیت اللہ سید مجتبیٰ خامنہ ای سے تجدیدِ عہد کا اظہار بھی کیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ اسلام ٹائمز۔ ڈیرہ اسماعیل خان جامعۃ النجف کوٹلی امام حسین میں گرمیوں کی چھٹیوں سے استفادہ کرتے ملت جعفریہ کے بچوں کے لیے پرنسپل جامعتہ النجف علامہ محمد رمضان توقیر کی نگرانی بیس روزہ دین شناسی شارٹ کورس کا اہتمام کیا گیا۔ جس میں ڈیرہ شہر اور مضافات سے کثیر تعداد میں بچوں نے شرکت کی۔اس دین شناسی شارٹ کورس میں بچوں کو قرآن وحدیث،وضو،صوم ،صلوات اور بنیادی فقہی احکام سے روشناس کرایا گیا۔ جس میں جامعتہ النجف کے دیگر مدرسین محنت و لگن کے ساتھ بچوں کی رہنمائی کرتے رہیں۔ دین شناسی شارٹ کورس کے آخر میں مدرسین نے اپنی محنت اور طلاب کرام کی کارکردگی کو جانچنے کے لیے بچوں سے امتحان لیا۔اساتذہ کی محنت اور بچوں کی محنت قابلِ تعریف تھی۔تقسیم تقریب انعامات کا اہتمام کیا گیا۔
پرنسپل جامعہ علامہ محمد رمضان توقیر نے تقریب سے خطاب کرتے ہوئے اساتذہ کی محنت اور طلاب کرام کی امتحانات میں تسلی بخش نتائج کو سراہتے ہوئے کہا کہ انشاء اللہ اس طرح دین مبین کی خدمت کا سلسلہ جاری رکھیں گے اور ملت کے جوانوں کی دینی تعلیم و تربیت کے لیے ہمہ وقت کوشاں رہیں گے۔ اس موقع پر رہبرِ انقلاب کی دینی و انقلابی خدمات اور ایران کی استقامت اور ثابت قدمی کو خراجِ عقیدت پیش کیا۔ اسی قرآن و سنت کی آگاہی اور خدا تعالیٰ کی وحدانیت کے پختہ عقیدہ کی وجہ سے ایران کی حکومت اور عوام شیطان بزرگ کے خلاف استقامت اور جرات کا مظاہرہ کرتے ہوئے دن بدن حاوی ہوتی جا رہا ہے، جو قابلِ تعریف ہے۔ لیکن کچھ ناقدین آج بھی ایران کی استقامت اور کامیابیوں سے پریشان ہیں اور شیطان بزرگ کی خوشنودی کے لیے ایران پر تنقید کر رہے ہیں کہ ایران عرب ممالک پر حملہ کر رہا ہے۔
علامہ محمد رمضان توقیر نے کہا کہ ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے۔ اس موقع پر نئے رہبر آیت اللہ سید مجتبیٰ خامنہ ای سے تجدیدِ عہد کا اظہار بھی کیا گیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ تقریب تقسیم انعامات میں مدرسین اور معززین علاقہ نے شرکت کی اور امتحان میں نمایاں پوزیشن حاصل کرنے والے طلاب کرام کو انعامات سے نوازا گیا اور انکی حوصلہ افزائی کی گئی۔ امتِ مسلمہ کے اتحاد، ایران کی فتح و نصرت، پاکستان کی سلامتی اور شہدائے اسلام، بالخصوص رہبر شہید کے لئے دعا کی گئی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا