سندھ اسمبلی، ایم کیو ایم رکن کے ساتھی اراکین پر قتل کی دھمکیوں کے الزامات، پولیس کی انٹری
اشاعت کی تاریخ: 20th, February 2026 GMT
ایم کیو ایم کے رکن سندھ اسمبلی رانا شوکت نے ساتھی اراکین پر قتل کی دھمکیوں کے الزامات عائد کیے ہیں، جس پر پولیس کو ایوان میں طلب کرلیا گیا، جبکہ ایم کیو ایم کے رکن عثمان کی رکنیت بھی معطل کردی گئی ہے۔
یہ بھی پڑھیں: اساتذہ کا سندھ اسمبلی کے باہر احتجاج، پولیس کا لاٹھی چارج
یہ کارروائی سندھ اسمبلی کے اجلاس میں سامنے آنے والے شدید تنازع کے بعد ہوئی۔ اجلاس میں ایم کیو ایم کے رکن رانا شوکت نے الزام عائد کیا کہ ان کے ساتھی اراکین، بشمول شارق جمال اور پرانی پی ایس پی کے ایم این اے اقبال محسود، نے انہیں دھمکیاں دی ہیں اور ان کے دفتر کے تالے بھی توڑے گئے۔
رانا شوکت نے پولیس کو طلب کرنے اور ایف آئی آر درج کروانے کی درخواست کی اور کہا کہ بصورت دیگر وہ اسمبلی سے استعفیٰ دے دیں گے۔
اسپیکر سندھ اسمبلی نے فوری طور پر ایس ایس پی ساؤتھ اور ایس ایچ او کو طلب کیا اور کہا کہ جو قانونی طریقہ ہے وہ اختیار کیا جائے گا۔
اسپیکر نے اپوزیشن لیڈر علی خورشیدی کو بھی مخاطب کرتے ہوئے کہا کہ علی خورشیدی صاحب آپ اجلاس ختم ہونے سے پہلے معاملہ حل کریں، بصورت دیگر میں ان کی ممبر شپ معطل کروں گا، قوانین پڑھیں پھر بات کریں، ایس ایس پی اور ایس ایچ او کو بلائیں اور ان کا بیان ریکارڈ کریں۔
صوبائی وزیر داخلہ ضیاء الحسن لنجار اور سینئر وزیر شرجیل میمن نے بھی ممبران کی حفاظت اور اس طرح کے واقعات کی سنگینی پر زور دیا۔ اپوزیشن لیڈر علی خورشیدی نے معاملے کو وقتی طور پر معطل کرنے کی تجویز دی تاکہ روٹین کارروائی جاری رکھی جا سکے۔
یہ بھی پڑھیں: لیاری جنرل اسپتال میں ہنگامہ آرائی، سابق ایم پی اے سمیت مظاہرین کیخلاف مقدمہ درج
بعدازاں اجلاس کو کل دوپہر ڈھائی بجے تک ملتوی کر دیا گیا۔ سندھ اسمبلی میں اس واقعے نے سیاسی ہلچل پیدا کر دی ہے اور اسپیکر نے واضح کیا کہ ممبران کے خلاف دھمکیوں یا شور شرابے کی صورت میں سخت قانونی کارروائی کی جائے گی۔
اسپیکر رولنگ کے بعد ایس ایس پی ساؤتھ اور ایس ایچ او سندھ اسمبلی پہنچ گئے۔
اسپیکر سندھ اسمبلی نے کہا کہ جو قانونی طریقہ ہے وہ اختیار کیا جائے گا، ایم پی اے عثمان کو معطل کر دیا، معافی مانگنے تک ممبر شپ معطل رہے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سندھ اسمبلی.
ذریعہ
ذریعہ: WE News
کلیدی لفظ: سندھ اسمبلی سندھ اسمبلی ایم کیو ایم ایس پی کہا کہ
پڑھیں:
مون سون کا طاقتورسپیل ، جھل تھل ایک ہوگیا،2 وکلاء کے چیمبر گرگئے
لاہور سمیت ملک کے مختلف علاقوں میں ہونےوالی مون سون کی بارش نے جل تھل ایک کردیا۔لاہور میں مون سون کا سپیل زور شور سے جاری ہے اورعلی الصبح سے ہونے والی موسلا دھار بارش سے نشیبی علاقے زیرآب آگئے ہیں۔واسا لاہور کی جانب سے اب تک ہونے والی بارش کا ریکارڈ جاری کردیاگیاہے جس کے مطابق جیل روڈمیں 28.5، ایئرپورٹ میں 263، ہیڈ آفس گلبرگ میں 52، لکشمی چوک میں 25، اپر مال کے علاقے میں 114.4، مغلپورہ میں 129، تاجپورہ میں 155، نشتر ٹاؤن میں 56.4، چوک ناخدا میں 62، پانی والا تالاب میں 27.2، فرخ آباد میں 23.4، گلشن راوی میں 18، اقبال ٹاؤن میں 54.2، سمن آبادمیں 32، جوہر ٹاؤن میں 81، ڈیفنس روڈ میں 45، شادی پورہ میں 132.4 ، سگیاں میں 22.2اور مناواں میں 106 ملی میٹر بارش ریکارڈ کی گئی،سب سے زیادہ 263 ملی میٹر بارش ائیر پورٹ پر ریکارڈ کی گئی ہے ۔لاہور میں ہونےوالی موسلادھار بارش سےسیشن کورٹ میں سینئر قانون دان پیر مسعود چشتی سمیت2 وکلاء کے چیمبر گرگئے،پیر مسعود چشتی کا چیمبر کافی عرصے سے خالی پڑاتھا،چیمبر کی چھت بارش کے پانی کا بوجھ برداشت نہ کر سکی اورگرگئی،شدید بارش کی وجہ سے ماتحت عدالتوں میں سائلین نہ پہنچ سکے۔ دوسری طرف آئی جی پنجاب نے پولیس کو حادثات اور ناگہانی صورتحال میں امدادی سرگرمیوں میں شرکت کی ہدایت کرتے ہوئے کہاہے کہ پولیس افسران اور اہلکار بارش سے متاثرہ علاقوں میں انتہائی مستعد ہو کر ڈیوٹی انجام دیں،سپروائزری پولیس افسران بارش زدہ علاقوں میں امدادی سرگرمیاں خود مانیٹر کریں، بارش کے مزید امکانات کے پیش نظر پولیس افسران اور اہلکار الرٹ رہیں،کسی بھی ہنگامی صورتحال میں فوری ریسپانڈ کریں۔ملک کے دوسرے حصوں کی طرح ضلع خیبر کے باڑہ اور جمرود کے علاؤہ وادی تیراہ کے پہاڑوں پر بھی ہونے والی بارش سے موسم خوشگوارہوگیا لیکن ندی نالوں میں طغیانی اور دریائے باڑہ میں درمیانے درجے کا سیلاب ہے ،جولائی کے مہینے میں دسمبر جیسے سردی محسوس کی جارہی ہے،پہاڑی علاقوں میں بارش سے ندی نالوں میں طغیانی آگئی ہے،ضلعی انتظامیہ اور ریسکیو کی جانب سے حفاظتی انتظامات مکمل کرلئے گئے ہیں جبکہ ندی نالوں کے قریب جانے پر پابندی کی خلاف ورزی پر دوافرادکو گرفتار بھی کرلیاگیاہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا