مختلف سرکاری اداروں کے افسران کے تقرر و تبادلوں کے احکامات جاری
اشاعت کی تاریخ: 20th, February 2026 GMT
سٹی 42: وفاقی حکومت نے مختلف سرکاری اداروں کے افسران کے تقرر و تبادلوں کے احکامات جاری کر دیے ہیں۔
محکمۂ صحت سندھ کی وومن میڈیکل آفیسر ڈاکٹر غزل افضل کا تبادلہ کر کے انہیں واپڈا ہسپتال راولپنڈی میں بطور میڈیکل آفیسر تعینات کر دیا گیا ہے جبکہ صدر جی پی او کراچی کے چیف پوسٹ ماسٹر علی افضل کی خدمات حکومتِ سندھ کے سپرد کر دی گئی ہیں۔
مزید برآں ملٹری اکاؤنٹس ٹریننگ انسٹی ٹیوٹ، سی ایم اے کمپلیکس لاہور کے اسسٹنٹ آڈٹ آفیسر محمد صابر کا تبادلہ کر کے انہیں این سی سی آئی اے اسلام آباد میں اسسٹنٹ ڈائریکٹر اکاؤنٹس تعینات کیا گیا ہے ۔
پنجاب: لگژری سرکاری گاڑیاں اور لامحدود پیٹرول، افسر شاہی کیلئے نئی ٹرانسپورٹ پالیسی جاری
علاوہ ازیں ڈائریکٹوریٹ آف الیکٹرانک میڈیا اینڈ پبلیکیشنز اسلام آباد کے اسسٹنٹ ڈائریکٹر محمد ابراہیم کو تبدیل کر کے پبلک پرائمری ہیلتھ انیشیٹو سندھ میں ڈسٹرکٹ مینیجر مقرر کر دیا گیا ہے۔
مزید برآں وفاقی نظامتِ تعلیمات (کینٹ اینڈ گیریژن) کی اسسٹنٹ پروفیسر جہاں آراء کی ڈیپوٹیشن پر تعیناتی کی مدت میں دو سال کی توسیع کر دی گئی ہے،علاوہ ازیں جوائنٹ سیکریٹری کابینہ ڈویژن طاہر محمود قریشی کی 24 جون 2026 کو ریٹائر ہوں گے جبکہ تقرر کی منتظر آمنہ شجاع سیکشن افسر کابینہ ڈویژن تعینات کی گئی ہیں۔
ستھرا پنجاب،دنیا کا سب سے بڑا صفائی کا نظام
اسٹیبلشمنٹ ڈویژن نے احکامات کے باضابطہ نوٹیفکیشن جاری کر دیے ہیں۔
.
ذریعہ
ذریعہ: City 42
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا