ترجمان پاور ڈویژن کا صنعتی سرپلیس پیکج بارے دو ماہ کے اعداد وشمار اور مجموعی جائزہ جاری
اشاعت کی تاریخ: 20th, February 2026 GMT
اسلام آباد(نیوز ڈیسک) ترجمان پاور ڈویژن نے تین سال طویل مدتی صنعتی رعایتی پیکج کے تحت دو ماہ (دسمبر 2025 اور جنوری 2026) کے دوران صنعتی صارفین کیلئے پیکیج کے اعدادوشمار اور جائزہ جاری کردی
اعداد وشمار کے مطابق صنعتی رعایتی پیکج کے تحت ان دو ماہ (دسمبر 2025 اور جنوری 2026) کے دوران کل 127686صنعتی صارفین کو کل 12.
سرپلس پیکج سے چھوٹی بڑی تمام صنعتوں کو سرپلس بجلی کے استعمال پر 10.3روپے فی یونٹ فائدہ ہوا ہے ۔
ترجمان پاور ڈویژن کے مطابق ان دو ماہ کے دوران سرپلس پیکیج کے تحت صنعتوں کو مجموعی طور پر 1,176 ملین یونٹس فروخت کی گئیں، جو ان دو ماہ میں فروخت ہونے والی کل صنعتی یونٹس کا 23.80 فیصد بنتی ہیں۔
تفصیلات کے مطابق سرپلس پیکیج کے تحت دسمبر 2025 میں صنعتوں کو بجلی کی 557 ملین یونٹس فروخت کی گئیں، جو کہ اس ماہ فروخت ہونے والی مجموعی صنعتی یونٹس کا 23 فیصد بنتی ہیں۔
ترجمان پاور ڈویژن کے مطابق اس سے صنعتی صارفین کو 5.743 ارب روپے کا فائدہ پہنچا۔ دسمبر میں اس پیکیج سے مستفید ہونے والے صارفین کی تعداد 125,829 ہے، جو کہ کل صنعتی صارفین کا 45 فیصد ہے۔
جنوری 2026 میں سرپلس پیکیج کے تحت صنعتوں کو 619 ملین یونٹس فروخت کی گئیں، جو اس ماہ کے کل صنعتی یونٹس کا 24.5 فیصد ہے۔ اس کا فائدہ 6.382 ارب روپے بنتا ہے۔ جنوری 2026میں صنعتی صارفین مستفید ہونے والے صارفین کی تعداد 127,686 ہے، جو کل صنعتی صارفین کا 46 فیصد ہے۔
ترجمان پاور ڈویژن نے وفاقی وزیر پاور سردار اویس احمد خان لغاری کا صنعتوں کیلئے مثبت اقدامات کرنے کا اعادہ کیا ۔ ترجمان نے کہا کہ وفاقی وزیر پاور ڈویژن خود ان تمام اقدامات کی نگرانی اور مسلسل اپڈیٹ لیتے ہیں ۔
ذریعہ
ذریعہ: Daily Mumtaz
کلیدی لفظ: ترجمان پاور ڈویژن صنعتی صارفین صنعتوں کو پیکیج کے کے مطابق کل صنعتی کے تحت دو ماہ
پڑھیں:
موبائل کال اور انٹرنیٹ پیکجز مہنگے، صارفین پر نیا مالی بوجھ
اسلام آباد: موبائل انٹرنیٹ پیکجز مہنگے ہونے سے ملک بھر کے لاکھوں موبائل صارفین کو اضافی اخراجات کا سامنا کرنا پڑے گا۔ پاکستان ٹیلی کمیونیکیشن اتھارٹی (پی ٹی اے) کی جانب سے جاری کردہ تازہ تفصیلات کے مطابق مختلف موبائل کمپنیوں کے متعدد کال، ہائبرڈ اور ڈیٹا پیکجز کی قیمتوں میں نمایاں اضافہ کیا گیا ہے۔
پی ٹی اے کے مطابق مختلف موبائل آپریٹرز کے 15 مقبول ہائبرڈ اور ڈیٹا اونلی پیکجز کی قیمتوں میں 33 فیصد تک اضافہ ریکارڈ کیا گیا ہے، جس کے بعد صارفین کو پہلے کے مقابلے میں زیادہ رقم ادا کرنا ہوگی۔
جاری کردہ اعداد و شمار کے مطابق ماہانہ کال اور ڈیٹا پیکجز کی قیمتوں میں 500 روپے تک اضافہ کیا گیا ہے، جبکہ 15 روزہ پیکجز اب 300 روپے تک مہنگے ہو گئے ہیں۔
اسی طرح ہفتہ وار ہائبرڈ پیکجز کی قیمت میں 130 روپے تک اضافہ کیا گیا ہے، جبکہ تین روزہ پیکجز 21 روپے، دو روزہ پیکجز 20 روپے اور ایک روزہ ہائبرڈ پیکجز 5 روپے تک مہنگے کر دیے گئے ہیں۔
پی ٹی اے کا کہنا ہے کہ صارفین کی سہولت کے لیے تمام نئی ٹیرف تفصیلات ادارے کی ویب سائٹ پر جاری کر دی گئی ہیں، جہاں مختلف موبائل کمپنیوں کے کال اور انٹرنیٹ پیکجز، ان کی مدت، قیمت اور دستیاب سہولیات کا بآسانی موازنہ کیا جا سکتا ہے۔
اتھارٹی کے مطابق اس اقدام کا مقصد ٹیلی کام شعبے میں شفافیت کو فروغ دینا اور صارفین کو مختلف موبائل کمپنیوں کے پیکجز سے متعلق درست اور مکمل معلومات فراہم کرنا ہے۔
ماہرین کا کہنا ہے کہ موبائل اور انٹرنیٹ خدمات کی قیمتوں میں اضافے سے طلبہ، فری لانسرز، آن لائن کاروبار کرنے والے افراد اور روزمرہ انٹرنیٹ استعمال کرنے والے صارفین کے ماہانہ اخراجات میں مزید اضافہ ہوگا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا