رمضان کی آمد، کوئٹہ میں پنجگور کی کھجوروں کی مانگ میں نمایاں اضافہ
اشاعت کی تاریخ: 21st, February 2026 GMT
ماہِ رمضان المبارک کی آمد کے ساتھ ہی کوئٹہ کی مارکیٹوں میں کھجور کی مانگ میں یکدم اضافہ دیکھنے میں آ رہا ہے، جہاں شہری سنت کے مطابق روزہ افطار کرنے کے لیے بڑی تعداد میں کھجور خریدنے میں مصروف ہیں۔ رمضان المبارک میں کھجور کو افطار کا اہم حصہ سمجھا جاتا ہے، اسی لیے ہر سال اس مقدس مہینے سے قبل کھجور کی خریداری میں غیر معمولی اضافہ ہو جاتا ہے۔
کوئٹہ کی مرکزی مارکیٹوں میں ان دنوں خریداروں کا رش دیکھنے میں آ رہا ہے، جہاں ایران اور بلوچستان کے علاقے پنجگور سے آنے والی کھجور خاص طور پر شہریوں کی توجہ کا مرکز بنی ہوئی ہے۔ تاجروں کے مطابق ہر سال کی طرح اس سال بھی پنجگور اور ایران کی کھجور کی مانگ سب سے زیادہ ہے کیونکہ یہ نہ صرف ذائقے میں بہتر ہوتی ہے بلکہ عام صارف کی قوت خرید کے مطابق بھی دستیاب ہوتی ہے۔
یہ بھی پڑھیے: سعودی عرب: رمضان میں کھجوروں کی طلب میں اضافہ
کھجور فروخت کرنے والے تاجروں نے بتایا کہ پنجگور کی کھجور سائز میں نسبتاً چھوٹی ہوتی ہے مگر ذائقے میں انتہائی لذیذ اور معیاری ہوتی ہے، جس کی وجہ سے لوگ اسے زیادہ پسند کرتے ہیں۔ ان کا کہنا تھا کہ بلوچستان کے عوام بالخصوص قلمی اور مضافاتی اقسام کی کھجور کو ترجیح دیتے ہیں، جو نہ صرف صوبے بلکہ ملک بھر میں مقبول ہے، جبکہ پنجگور کی کھجور بیرون ملک بھی برآمد کی جاتی ہے۔
تاجروں کے مطابق مارکیٹ میں کھجور کی مختلف اقسام دستیاب ہیں، تاہم اس سال گزشتہ سال کی نسبت قیمتوں میں واضح اضافہ دیکھنے میں آیا ہے۔ گزشتہ سال جو کھجور 550 سے 600 روپے فی کلو میں دستیاب تھی، اب اس کی قیمت بڑھ کر 700 سے 750 روپے فی کلو تک پہنچ گئی ہے۔ قیمتوں میں اضافے کے باوجود شہری بڑی تعداد میں کھجور خرید رہے ہیں تاکہ رمضان المبارک میں افطار کا آغاز سنت کے مطابق کیا جا سکے۔
شہریوں کا کہنا ہے کہ کھجور نہ صرف مذہبی اہمیت رکھتی ہے بلکہ صحت کے لیے بھی مفید ہے، اس لیے وہ رمضان سے پہلے ہی کھجور خریدنے کو ترجیح دیتے ہیں۔ تاجروں کا کہنا ہے کہ رمضان المبارک کے آغاز کے ساتھ کھجور کی طلب میں مزید اضافہ متوقع ہے، جس کے پیش نظر سپلائی کو برقرار رکھنے کی کوشش کی جا رہی ہے تاکہ شہریوں کو معیاری کھجور باآسانی دستیاب ہو سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
رمضان کھجور کوئٹہ.
ذریعہ
ذریعہ: WE News
کلیدی لفظ: کھجور کوئٹہ رمضان المبارک میں کھجور کھجور کی کے مطابق کی کھجور ہوتی ہے
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا