گوجرانوالہ: 4پولیس مقابلے‘ انتہائی مطلوب ملزم ہلاک‘ 4زخمی ہوکر گرفتار
اشاعت کی تاریخ: 21st, February 2026 GMT
گوجرانوالہ (نمائندہ خصوصی) مختلف علاقوں میں مبینہ 4پولیس مقابلے‘ 40 سے زائد وارداتوں میں مطلوب ملزم ہلاک اور 4زخمی حالت میں گرفتار کرلئے گئے۔ تھانہ اروپ چوری کے مقدمے کا ملزم ہارون ریمانڈ پر تھا، 3 ساتھیوں نے چھڑوانے کیلئے پولیس پر فائرنگ کردی۔ اسی دوران ملزم فرار کی کوشش میں اپنے ساتھیوں کی فائرنگ کی زد میںآکر ہلاک ہوگیا جبکہ اس کے ساتھی فرار ہوگئے۔ تھانہ کینٹ کے علاقہ میں 2 منشیات فروشوں کو ناکہ سے فرار ہوتے زخمی حالت میں گرفتار کرلیا گیا۔ ملزم سلطان کے قبضہ سے 1500 گرام‘ سلمان سے 1420 گرام چرس برآمد ہوئی۔ کامونکی کے علاقہ میں پولیس مقابلہ کے دوران ریکارڈ یافتہ ملزم پولیس پر فائرنگ کے بعد فرار ہوا تو پول سے ٹکرا کر زخمی ہوگیا جسے گرفتار کرلیا گیا‘ ناجائز اسلحہ برآمد ہوا جبکہ اس کا ساتھی فرار ہوگیا۔ تھانہ جناح روڈ کے علاقہ میں راہزنی اور منشیات کے مقدمات میں ریکارڈ یافتہ ملزم افضل پولیس ناکہ سے فرار ہوتے ہوئے ڈیوائیڈر سے ٹکرا گیا جسے زخمی حالت میں گرفتارکرلیا گیا‘ ملزم سے 1460 گرام چرس برآمد ہوئی۔ سی پی او غیاث گل خان نے ڈویژنل ایس پیز سے رپورٹ طلب کرتے ہوئے ملزموں کی گرفتاری کیلئے ٹیمیں تشکیل دیدی ہیں۔
.
ذریعہ
ذریعہ: Nawaiwaqt
پڑھیں:
بلوچستان میں انٹیلی جنس بیسڈ آپریشنز، 17 دہشتگرد ہلاک
سٹی 42: بلوچستان میں انٹیلی جنس بیسڈ آپریشنز، 17 دہشتگرد ہلاک ہوئے ۔
آئی ایس پی آر کے مطابق سیکیورٹی فورسز کے مستونگ، نوشکی، ژوب، خضدار اور کیچ میں آپریشنز کیے گئے ۔ شدید فائرنگ کے تبادلے میں 17 دہشتگرد مارے گئے،
ہلاک دہشتگردوں کا تعلق فتنہ الہندوستان سے تھا، دہشتگردوں کے ٹھکانوں کو مؤثر کارروائی میں نشانہ بنایا گیا۔ہلاک دہشتگرد متعدد دہشتگرد کارروائیوں میں ملوث تھے،دہشتگردوں سے اسلحہ، گولہ بارود اور بڑی تعداد میں دھماکا خیز مواد برآمد ہوا۔ تیار شدہ آئی ای ڈیز بھی دہشتگردوں سے برآمد کر لی گئیں۔علاقوں میں کلیئرنس آپریشنز جاری کییے ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
آئی ایس پی آر کے مطابق عزمِ استحکام کے تحت انسداد دہشتگردی مہم پوری قوت سے جاری رہے گی،ملک سے بیرونی سرپرستی میں ہونے والی دہشتگردی کا خاتمہ کیا جائے گا۔
وزارت آئی ٹی نے 1.67 ارب روپے سے زاید کے فنڈز طلب کرلیے