دی ہنڈرڈ میں پاکستانی کھلاڑیوں کو نظر انداز کرنے کا خدشہ، مائیکل وان کا ای سی بی سے فوری اقدام کا مطالبہ
اشاعت کی تاریخ: 21st, February 2026 GMT
انگلینڈ کے سابق کپتان مائیکل وان نے انگلینڈ اینڈ ویلز کرکٹ بورڈ سے مطالبہ کیا ہے کہ اطلاعات ہیں کہ دی ہنڈرڈ میں بھارتی ملکیت والی فرنچائزز پاکستانی کھلاڑیوں کو جان بوجھ کر منتخب نہیں کریں گی جس پر انہوں نے فوری کارروائی کا مطالبہ کردیا ہے۔
برطانوی نشریاتی ادارے کی رپورٹ کے مطابق اگلے ماہ لندن میں 11 اور 12 مارچ کو ہونے والی دی ہنڈرڈ کی پلیئر نیلامی کے دوران 4 بھارت سے وابستہ ٹیمیں مانچسٹر سپر جائنٹس، ایم آئی لندن، سدرن بریو اور سن رائزرز لیڈز مبینہ طور پر پاکستانی کھلاڑیوں سے گریز کریں گی۔
یہ بھی پڑھیے: دی ہنڈرڈ میں پاکستانی کرکٹرز کی شرکت خطرے میں، آئی پی ایل روابط آڑے آگئے
رپورٹ میں کہا گیا ہے کہ 50 سے زائد پاکستانی کرکٹرز نے نیلامی کے لیے اپنی دستیابی ظاہر کی ہے، جبکہ مجموعی طور پر تقریباً ایک ہزار کھلاڑی 18 ممالک سے رجسٹرڈ ہیں۔
واضح رہے کہ بھارت اور پاکستان کے درمیان طویل سیاسی کشیدگی کے باعث دونوں ممالک کی ٹیمیں عموماً صرف عالمی مقابلوں میں آمنے سامنے آتی ہیں۔ اسی تناظر میں انڈین پریمیئر لیگ میں بھی پاکستانی کھلاڑیوں کی شمولیت عملاً بند ہے۔ اب جب کہ آئی پی ایل مالکان مختلف ممالک کی لیگز میں ٹیموں کے مالک بن چکے ہیں، پاکستانی کرکٹرز کے مواقع مزید محدود ہونے کا خدشہ ظاہر کیا جا رہا ہے۔
یہ بھی پڑھیے: آئیڈیل بلے باز کون، کس کو دیکھ کر کرکٹ شروع کی، صاحبزادہ فرحان نے راز بتادیا
مائیکل وان نے سوشل میڈیا پلیٹ فارم ایکس پر لکھا کہ ‘ای سی بی کو اس معاملے پر فوری قدم اٹھانا چاہیے۔ لیگ ان کی ملکیت ہے اور ایسا ہونے کی اجازت نہیں دی جانی چاہیے۔ ملک کا سب سے جامع کھیل وہ نہیں ہو سکتا جو اس طرح کے امتیاز کی اجازت دے۔’
ای سی بی کے ترجمان نے کہا کہ دی ہنڈرڈ دنیا بھر سے مرد و خواتین کھلاڑیوں کا خیرمقدم کرتی ہے اور توقع ہے کہ 8وں ٹیمیں اس تنوع کی عکاسی کریں گی۔ گزشتہ سیزن میں صرف محمد عامر اور عماد وسیم اس لیگ میں شریک ہوئے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ای سی بی دی ہنڈرڈ کرکٹ.
ذریعہ
ذریعہ: WE News
کلیدی لفظ: ای سی بی کرکٹ پاکستانی کھلاڑیوں
پڑھیں:
طوفانی سیلاب سے عوام شدید مشکلات کا شکار ہیں، حکومت فوری اقدامات اٹھائے، کاظم میثم
ممبر گلگت بلتستان اسمبلی نے ایک بیان میں کہا کہ صوبائی اور وفاقی حکومت سے مطالبہ کرتے ہیں مشکل کی اس گھڑی میں عوام کے شانہ بشانہ کھڑے ہوں اور متاثرین سیلاب کو ریلیف دینے اور بحالی کے لیے جامع منصوبہ بندی کے ساتھ اقدامات اٹھائیں۔ اسلام ٹائمز۔ سابق اپوزیشن لیڈر و ممبر گلگت بلتستان اسمبلی کاظم میثم نے اپنے ایک بیان میں کہا ہے کہ پورے گلگت بلتستان میں طوفانی سیلاب اور دریائی کٹاو سے عوام شدید مشکلات کے شکار ہیں، وفاقی اور صوبائی حکومت کو فوری اقدامات اٹھاتے ہوئے ریلیف اور بحالی کے لیے کام تیز کرنے کی ضرورت ہے۔ سکردو میں دریائی کٹاو کے سبب سترانگلونگما کواردو اور حوطو رنگاہ کے عوام شدید مشکلات کے شکار ہیں۔ زرعی اراضی اور درخت دریا برد ہو رہے ہیں لیکن تاحال کوئی ہنگامی بنیادوں پر بحالی کے لیے کوئی کام نہیں ہوا ہے۔ ضلعی انتظامیہ اور جی بی ڈی ایم اے کو کواردو حوطو رنگاہ اور رزسنا رنگاہ کے دریائی کٹاو روکنے کے لیے فوری اقدامات اٹھانا چاہیے۔ گزشتہ مہینے آنے والے شگریخورد میں سیلاب متاثرین کی بحالی کے بھی تاحال اقدامات نہیں اٹھائے گئے ہیں۔ جس کے سبب عوام میں شدید تشویش پائی جاتی ہے۔ کاظم میثم نے مزید کہا کہ طوفانی سیلاب کے سبب تقریبا تمام اضلاع میں تباہ کاریاں ہوئی ہیں اور شاہراہوں کی بندش کے سبب بھی مشکلات کے شکار ہیں۔ صوبائی اور وفاقی حکومت سے مطالبہ کرتے ہیں مشکل کی اس گھڑی میں عوام کے شانہ بشانہ کھڑے ہوں اور متاثرین سیلاب کو ریلیف دینے اور بحالی کے لیے جامع منصوبہ بندی کے ساتھ اقدامات اٹھائیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا