چیئرمین سینیٹ سید یوسف رضا گیلانی کا مادری زبانوں کے عالمی دن کے موقع پر پیغام
اشاعت کی تاریخ: 21st, February 2026 GMT
چیئرمین سینیٹ سید یوسف رضا گیلانی کا مادری زبانوں کے عالمی دن کے موقع پر پیغام WhatsAppFacebookTwitter 0 21 February, 2026 سب نیوز
چیئرمین سینیٹ، سید یوسف رضا گیلانی نے مادری زبانوں کے عالمی دن کے موقع پر اپنے پیغام میں کہا ہے کہ مادری زبان انسان کی شناخت، وقار اور تہذیبی ورثے کی بنیاد ہوتی ہے۔ یہ نہ صرف ہماری پہچان کو اجاگر کرتی ہے بلکہ ہمارے رسم و رواج، اقدار اور ثقافتی روایات کی آئینہ دار بھی ہوتی ہے۔
انہوں نے کہا کہ تحقیق سے ثابت ہے کہ گھر کی زبان میں تعلیم کا آغاز کرنے والے بچوں کی ذہنی نشوونما زیادہ مؤثر اور متوازن انداز میں ہوتی ہے۔ مادری زبان بچوں کی پہلی آواز اور ان کے وراثتی علم و روایت کی امین ہوتی ہے، جو ان کی شخصیت سازی میں بنیادی کردار ادا کرتی ہے۔
چیئرمین سینیٹ نے کہا کہ پاکستان زبانوں کا ایک خوبصورت اور رنگارنگ گلدستہ ہے۔ ملک میں پنجابی، سندھی، پشتو، بلوچی، سرائیکی، براہوی، ہندکو، ہزاروی اور دیگر بے شمار زبانیں بولی جاتی ہیں، جو ہماری مشترکہ ثقافت، تاریخ، روایتی روابط اور تاریخی داستانوں کی ترجمانی کرتی ہیں۔ انہوں نے کہا کہ اردو وفاقی اکائیوں کو جوڑنے والی رابطے کی زبان کے طور پر اہم کردار ادا کر رہی ہے، تاہم پاکستان میں بولی جانے والی تمام زبانیں یکساں احترام اور فخر کی مستحق ہیں۔
سید یوسف رضا گیلانی نے کہا کہ پاکستان کی مادری زبانوں میں بے شمار نامور شعرا اور ادبا نے جنم لیا، جنہوں نے اپنی تخلیقات کے ذریعے قومی اور بین الاقوامی سطح پر ملک کا نام روشن کیا۔ یہ زبانیں ہمارے آبا و اجداد کی قیمتی میراث ہیں، جن کا تحفظ، ترویج اور فروغ ہم سب کی مشترکہ ذمہ داری ہے۔
انہوں نے اس عزم کا اظہار کیا کہ مادری زبانوں کے تحفظ اور فروغ کے لیے مربوط اقدامات ناگزیر ہیں تاکہ آنے والی نسلوں کو اپنی ثقافتی جڑوں سے مضبوطی کے ساتھ جوڑا جا سکے اور قومی یکجہتی کو مزید مستحکم بنایا جا سکے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرلبنان میں اسرائیلی فضائی حملے، سینئر حزب اللہ رہنما سمیت 12 افراد جاں بحق لبنان میں اسرائیلی فضائی حملے، سینئر حزب اللہ رہنما سمیت 12 افراد جاں بحق نواز شریف کی طرح عمران خان کی سزاؤں کا فیصلہ بھی عدالتوں میں ہوگا: رانا ثناءاللہ ایران پر حملہ؟ دنیا کا سب سے بڑا امریکی طیارہ بردار بحری بیڑہ بہت قریب پہنچ گیا خدا نے یہ زمین اسرائیلیوں کو دی، پورے خطے پر قبضہ حق ہے: امریکی سفیر امریکی سپریم کورٹ کے ایکشن پر ٹرمپ کا ری ایکشن، تمام ممالک پر 10 فیصد گلوبل ٹیرف عائد صدر ٹرمپ نے اختیارات سے تجاوز کیا، عالمی ٹیرف کالعدم، امریکی سپریم کورٹ کا فیصلہCopyright © 2026, All Rights Reserved
رابطہ کریں ہماری ٹیم.
ذریعہ
ذریعہ: Daily Sub News
کلیدی لفظ: سید یوسف رضا گیلانی مادری زبانوں کے چیئرمین سینیٹ
پڑھیں:
ایران کے جوہری پروگرام پر انتہائی ٹیکنیکل مذاکرات میں مہینے لگ سکتے ہیں، امریکی وزیرخارجہ
امریکی وزیرخارجہ مارکو روبیو نے کہا ہے کہ ایران کے جوہری پروگرام پر مذاکرات انتہائی ٹیکنیکل اور کئی مہینے لگ سکتے ہیں جبکہ آبنائے ہرمز کی بحالی کی صورت میں امریکا کی جانب سے پابندیوں میں نرمی کی کوئی پیش کش نہیں کی گئی ہے۔
امریکی سینیٹ کی خارجہ کمیٹی کو مارکو روبیو نے بتایا کہ دوسرا مرحلہ یہ ہے کہ ایران اس بات پر تفصیلی اور واضح مذاکرات کے لیے آمادہ ہو کہ گہرے پہاڑی مقام میں محفوظ انتہائی افزودہ یورینیم کے ذخیرے کا مستقبل میں کیا تصرف کیا جائے گا۔
ایران کے حوالے سے ان کا کہنا تھا کہ انہیں اپنے ملک میں افزودگی کی سرگرمیوں کو طویل مدت تک محدود یا ختم کرنے کے حوالے سے مذاکرات پر اتفاق کرنا ہوگا۔
مارکو روبیو نے کہا کہ یہ انتہائی ٹیکنیکل معاملات ہیں اس لیے میں نہیں سمجھتا کہ اس کو 5 دنوں کے اندر حل کرسکتے ہیں، اس کے لیے ماہرین کی ٹیم درکار ہوگی جو 30، 60 یا 90 روز کی مدت میں کام کرے اور تفصیلات اخذ کرے لیکن انہیں ایسا کرنے کے لیے سنجیدہ ہونا پڑے گا۔
انہوں نے اشارہ دیا کہ تہران نے اپنے جوہری پروگرام کے پہلوؤں پر مذاکرات کے لیے اتفاق کیا ہے لیکن اس حوالے سے تفصیلات فراہم نہیں کی کہ کون سے امور ہیں اور واضح کیا کہ مذاکرات اس بات کی ضمانت نہیں ہیں کہ حتمی طور پر ایسے معاہدے کا باعث ہوں گے جو سینیٹ یا امریکی عوام کے لیے قابل قبول ہوں۔
ان کا کہنا تھا کہ ایران کو پہلے بغیر کسی ٹول کے آبنائے ہرمز کی بحالی کا اعلان کرنا ہوگا، وہ مائنز ہٹائیں گے اور جہازوں پر فائرنگ نہیں کریں گے۔
مارکو روبیو نے کہا کہ امریکا نے ایران کو آبنائے ہرمز کی بحالی پر پابندیوں میں نرمی کی پیش کش نہیں کی ہے اور پابندیوں کا خاتمہ شرائط کی بنیاد پر ہوگا۔
ایرانی سپریم لیڈر زندہ ہیں اور سرگرمیوں میں حصہ لیتے ہیں، روبیو
امریکی وزیر خارجہ نے سینیٹ کمیٹی کو بتایا کہ میرے خیال میں ایران کے نئے سپریم لیڈڑ آیت اللہ مجتبیٰ خامنہ ای زندہ ہیں اور سرگرمیوں میں زیادہ حصہ لے رہے ہیں اور اس کے اشارے مل رہے ہیں۔
خیال رہے کہ ایران کے سپریم لیڈر مجتبیٰ خامنہ ای نیا منصب سنبھالنے کے بعد عوامی سطح پر نظر نہیں آئے ہیں تاہم وہ ایرانی حکام کو بدستور ہدایات دے رہے ہیں اور رپورٹ بھی کیا گیا تھا کہ ایرانی اعلیٰ حکام ان سے ملاقات اور مشاورت کرچکے ہیں۔
امریکی میڈیا نے دعویٰ کیا تھا کہ مجتبیٰ خامنہ حملے میں زخمی ہیں جبکہ ایک رپورٹ میں بتایا گیا تھا کہ امریکی انٹیلی جینس کا تجزیہ ہے کہ مجتبیٰ خامنہ ای جنگی حکمت عملی میں ایران کے سینئر عہدیداروں کے ساتھ انتہائی اہم کردار ادا کر رہے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ