نمبر پلیٹس کے مسائل، بلاوجہ کارروائیوں کا سلسلہ جاری
اشاعت کی تاریخ: 21st, February 2026 GMT
علی ساہی:پولیس اور محکمہ ایکسائز کے درمیان کوآرڈینیشن کے فقدان کے باعث شہریوں کو مشکلات کا سامنا کرنا پڑ رہا ہے، جہاں بلاوجہ جرمانے اور گاڑیاں تھانوں میں بند کیے جانے کے واقعات سامنے آ رہے ہیں۔
ذرائع کے مطابق گزشتہ3 برس سے سرکاری نمبر پلیٹس کا مرکزی اجرا بند ہے، تاہم گورنمنٹ پیٹرن کی نمبر پلیٹس آویزاں نہ کرنے پر کارروائیاں جاری ہیں۔ اس صورتحال کے پیش نظر محکمہ ایکسائز کی جانب سے مراسلہ جاری کیا گیا ہے جس میں واضح کیا گیا ہے کہ شہری گاڑیوں اور موٹر سائیکلوں پر حکومتی پیٹرن کے مطابق تیار کردہ پرائیویٹ نمبر پلیٹس آویزاں کر سکتے ہیں۔
پنجاب: لگژری سرکاری گاڑیاں اور لامحدود پیٹرول، افسر شاہی کیلئے نئی ٹرانسپورٹ پالیسی جاری
جاری کردہ مراسلے کے مطابق سرکاری طور پر نمبر پلیٹس کی فیس وصولی بند ہونے کی وجہ سے شہریوں کے خلاف کارروائیاں نہ کی جائیں، جبکہ صرف غیر منظور شدہ فارمیٹ والی نمبر پلیٹس کے خلاف ایکشن لیا جائے۔ فارمیٹ کے مطابق نمبر پلیٹ لگانے والوں کے خلاف کارروائی نہ کرنے کی بھی ہدایت کی گئی ہے۔
ایکسائز ذرائع کے مطابق نمبر پلیٹس کی تیاری میں تاخیر کے باعث کنٹریکٹ منسوخ کرنا پڑا تھا، جس کے نتیجے میں لاکھوں نمبر پلیٹس فیس کی ادائیگی کے باوجود جاری نہیں ہو سکیں۔ حالات کے پیش نظر شہریوں کو عارضی طور پر پرائیویٹ نمبر پلیٹس تیار کروانے کی اجازت دی گئی ہے تاکہ وہ قانونی تقاضے پورے کر سکیں۔
ستھرا پنجاب،دنیا کا سب سے بڑا صفائی کا نظام
حکام کا کہنا ہے کہ پولیس اور ایکسائز کے درمیان مؤثر رابطے سے شہریوں کو درپیش مسائل کا جلد از جلد حل نکالا جائے گا۔
.
ذریعہ
ذریعہ: City 42
کلیدی لفظ: نمبر پلیٹس کے مطابق
پڑھیں:
شہباز شریف کا کامیاب انسدادِ دہشت گردی کارروائیوں پر سکیورٹی فورسز کو خراجِ تحسین
بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کرتے ہوے وزیراعظم کا کہنا تھا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے۔ اسلام ٹائمز۔ وزیراعظم محمد شہباز شریف نے بلوچستان میں کامیاب انسدادِ دہشت گردی کارروائیوں پر سکیورٹی فورسز کو خراجِ تحسین پیش کیا، انہوں نے بلوچستان کے مختلف اضلاع میں کامیاب انٹیلی جنس بیسڈ آپریشنز پر سکیورٹی فورسز کی پیشہ ورانہ صلاحیتوں اور بہادری کو سراہا۔ شہباز شریف نے بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کیا۔ وزیراعظم نے کہا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے، دہشت گردی کے خلاف جنگ میں سکیورٹی فورسز کی کامیابیاں پوری قوم کے عزم اور اتحاد کی عکاس ہیں۔
شہباز شریف نے کہا کہ بھارتی سرپرستی میں سرگرم دہشت گرد عناصر کے ناپاک عزائم کو ہر قیمت پر ناکام بنایا جائے گا، پاکستان سے دہشت گردی کے مکمل خاتمے تک انسدادِ دہشت گردی کی کارروائیاں جاری رہیں گی۔ وزیراعظم نے کہا کہ دہشت گردی کے ناسور کے مکمل خاتمے کے لیے حکومت سکیورٹی فورسز اور قانون نافذ کرنے والے اداروں کے شانہ بشانہ کھڑی ہے، پاکستان کے امن، استحکام اور ترقی کے خلاف ہر سازش کو ناکام بنایا جائے گا۔
وزارت آئی ٹی نے 1.67 ارب روپے سے زاید کے فنڈز طلب کرلیے