جڑواں شہروں میں زلزلے کے جھٹکے، شدت 4.5 ریکارڈ کی گئی
اشاعت کی تاریخ: 21st, February 2026 GMT
ہفتے کی صبح اسلام آباد اور راولپنڈی سمیت شمالی پاکستان کے کئی علاقوں میں زلزلے کے جھٹکے محسوس کیے گئے۔
زلزلے سے جڑواں شہروں میں رہنے والے لوگوں میں خوف و ہراس پھیل گیا۔
زلزلے کی شدت 4.5 تھی اور جھٹکے صوابی، ہری پور اور خان پور سمیت آس پاس کے علاقوں میں بھی محسوس کیے گئے۔
یہ بھی پڑھیے: ہندوکش میں 5.6 شدت کا زلزلہ، پشاور سمیت مختلف علاقوں میں جھٹکے محسوس
زلزلہ 10 کلومیٹر کی گہرائی میں آیا، جس کا مرکز خیبر پختونخوا کے شہر مردان کے شمال میں بتایا جاتا ہے۔
زلزلے کے دوران لوگ احتیاطاً گھروں اور دفتروں سے باہر نکل آئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا