سندھ بلڈنگ، وسطی کی تنگ گلیوں میں بلند عمارتیں، شہریوں کی جان خطرے میں
اشاعت کی تاریخ: 21st, February 2026 GMT
ڈپٹی ڈائریکٹر عمران رضوی اور بلڈنگ انسپکٹر لطافت مرزا کی تعمیراتی مافیا سے ملی بھگت ، سرگرمیاں تیز
لیا قت آباد نمبر 4کے پلاٹ نمبر 07اور 589پر خلاف ضابطہ تعمیرات پر علاقہ مکین سخت پریشان
ضلع وسطی کے علاقے لیاقت آباد کی تنگ و تاریک گلیوں میں تعمیراتی مافیا کی سرگرمیاں روز بروز بڑھتی جا رہی ہیں، جس سے علاقہ مکین شدید پریشان ہیں۔ شہر قائد کے اس گنجان آباد علاقے میں خلاف ضابطہ تعمیرات کی حوصلہ افزائی کا الزام بلڈنگ کنٹرول اتھارٹی کے افسران پر لگایا جا رہا ہے ۔جرأت سروے ٹیم کو حاصل ہونے والی معلومات کے مطابق، لیاقت آباد نمبر 4 کے پلاٹ نمبر 07 اور 589 پر تعمیراتی مافیا نے ضابطہ تعمیرات کی صریح خلاف ورزی کرتے ہوئے بلند و بالا عمارتیں کھڑی کر دی ہیں۔ مقامی مکینوں کا کہنا ہے کہ ان غیر قانونی تعمیرات کی وجہ سے علاقے کی تنگ گلیوں میں روشنی اور ہوا کی آمد رک گئی ہے ، اور کسی بھی ہنگامی صورت حال میں رسائی ممکن نہیں رہے گی۔ذرائع کا یہ بھی کہنا ہے کہ ان خلاف ورزیوں میں مبینہ طور پر ڈپٹی ڈائریکٹر عمران رضوی اور بلڈنگ انسپکٹر لطافت مرزا کا تعمیراتی مافیا سے ملی بھگت ہے ۔ مکینوں نے الزام عائد کیا ہے کہ ان افسروں کی سرپرستی کی وجہ سے مافیا منصوبہ بندی کے تحت تعمیرات کر رہا ہے اور اس کے خلاف کوئی کارروائی نہیں کی جا رہی۔علاقہ مکینوں نے مطالبہ کیا ہے کہ متعلقہ حکام فوری نوٹس لیتے ہوئے ان غیر قانونی تعمیرات کو منہدم کریں اور مافیا کے ساتھ ملی بھگت کرنے والے افسران کے خلاف سخت تادیبی کارروائی عمل میں لائی جائے ۔ ان کا کہنا ہے کہ اگر فوری طور پر ان خلاف ورزیوں پر روک تھام نہ لگائی گئی تو لیاقت آباد جیسے رہائشی علاقے میں تباہ کن صورتحال پیدا ہو سکتی ہے ۔
.
ذریعہ
ذریعہ: Juraat
کلیدی لفظ: تعمیراتی مافیا
پڑھیں:
کراچی: 6 سالہ بچی سے مبینہ زیادتی کرنے والا ملزم پولیس مقابلے میں مارا گیا
فائل فوٹوکراچی میں جیکسن کے علاقے میں بچی سے مبینہ زیادتی کرنے والا ملزم پولیس مقابلے میں مارا گیا۔
ڈپٹی انسپکٹر جنرل (ڈی آئی جی) ساؤتھ اسد رضا کے مطابق 6 سالہ بچی کی لاش آج دوپہر کو جیکسن کے علاقے سے ملی تھی، ملزم کی گرفتاری کے لیے جیسے ہی پولیس پہنچی، اُس نے پولیس پر فائرنگ کردی۔
ڈی آئی جی کا کہنا ہے کہ پولیس کے ساتھ فائرنگ کے تبادلے میں ملزم ہلاک ہوگیا، جس کے پاس سے اسلحہ برآمد ہوا۔
پولیس کا کہنا ہے کہ بچی کل دوپہر کو لاپتا ہوئی تھی، آج اس کی لاش ملی، ابتدائی پوسٹ مارٹم میں بھی بچی کے ساتھ زیادتی کی تصدیق ہوگئی تھی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا