بقایاجات کی عدم ادائیگی: بنگلا دیش نے بھارتی فضائی رسائی محدود کر دی
اشاعت کی تاریخ: 21st, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
بھارت کی نجی ایئر لائن اسپائی جیٹ کو بقایاجات کی عدم ادائیگی کے باعث بنگلا دیش کی فضائی حدود تک رسائی میں رکاوٹ کا سامنا کرنا پڑا ہے، جس کے بعد کولکتہ سے شمال مشرقی بھارتی شہروں جانے والی پروازیں متبادل اور طویل راستے اختیار کرنے پر مجبور ہو گئی ہیں۔
بنگلا دیشی اور بھارتی میڈیا رپورٹس کے مطابق یہ اقدام مالی واجبات کی ادائیگی نہ ہونے کے سبب اٹھایا گیا۔
رپورٹس کے مطابق بنگلا دیشی جریدے ڈیلی سن اور بھارتی اخبار دی اکنامک ٹائمز نے دعویٰ کیا ہے کہ کولکتہ سے گوہاٹی اور امفال سمیت دیگر شمال مشرقی شہروں کے لیے پروازوں کو اب طویل فضائی راستہ اختیار کرنا پڑ رہا ہے۔
اس تبدیلی کے نتیجے میں نہ صرف پرواز کا دورانیہ بڑھ گیا ہے بلکہ ایندھن کے اخراجات میں بھی اضافہ متوقع ہے، جس سے ایئر لائن کے آپریشنل اخراجات مزید بڑھ سکتے ہیں۔
واضح رہے کہ اسپائس جیٹ پہلے ہی گزشتہ چند مہینوں سے مالی مشکلات کا سامنا کر رہی ہے۔ کمپنی کے شیئرز میں اتار چڑھاؤ دیکھا گیا جبکہ دسمبر 2025 کو ختم ہونے والی سہ ماہی رپورٹ میں تقریباً 269.
ماہرین کے مطابق بڑھتے ہوئے قرض، آپریشنل اخراجات اور مسابقتی دباؤ نے کمپنی کی مالی پوزیشن کو کمزور کیا ہے۔
تجزیہ کاروں کا کہنا ہے کہ بنگلا دیش اور بھارت کے درمیان حالیہ سفارتی تناؤ نے بھی فضائی معاملات کو متاثر کیا ہے۔ بعض ماہرین اسے بنگلا دیش کی خودمختار سفارتی پالیسی کا اظہار قرار دے رہے ہیں، جس کے تحت وہ اپنے مالی اور انتظامی مفادات پر سخت مؤقف اختیار کر رہا ہے۔
فضائی حدود تک محدود رسائی بھارت کی ایوی ایشن انڈسٹری کے لیے ایک اور چیلنج سمجھی جا رہی ہے، جو پہلے ہی مختلف مالی اور انتظامی مسائل سے دوچار ہے۔ ماہرین کا خیال ہے کہ اگر بقایاجات کی ادائیگی اور سفارتی سطح پر معاملات حل نہ کیے گئے تو یہ بحران مزید گہرا ہو سکتا ہے اور مسافروں کو بھی طویل المدتی اثرات کا سامنا کرنا پڑ سکتا ہے۔
ذریعہ
ذریعہ: Jasarat News
کلیدی لفظ: بنگلا دیش
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا