عمران خان کی رہائی کے لیے دباؤ کم کیوں ہوا؟ علی امین گنڈا پور کا اندرونی کمزوریوں کا اعتراف
اشاعت کی تاریخ: 21st, February 2026 GMT
پی ٹی آئی رہنما علی امین گنڈا پور نے کہا ہے کہ عمران خان جیسے مقبول لیڈر کا جیل میں ہونا اس بات کا ثبوت ہے کہ ملک کا نظام درست نہیں، لیکن اس کے ساتھ ساتھ پارٹی کے اندر بھی سنگین کمزوریاں موجود ہیں۔
صحافی سے گفتگو کرتے ہوئے علی امین گنڈا پور نے کہا کہ اگر ملک میں قانون، انصاف اور آئین درست طور پر نافذ ہوتے تو عمران خان جیل میں نہ ہوتے۔
تاہم انہوں نے اس بات کا اعتراف کیا کہ عمران خان کی رہائی کے لیے مطلوبہ دباؤ پیدا نہ کرنا پی ٹی آئی کی اپنی ناکامی بھی ہے۔
یہ بھی پڑھیں: محسن نقوی عمران خان کی رہائی چاہتے تھے، بانی کا سنگجانی پر رکنے کا حکم نہ مان کر ہم تباہ ہوگئے، علی امین گنڈاپور
علی امین گنڈا پور کا کہنا تھا کہ وہ سب سے پہلے خود کو اس ناکامی کا ذمہ دار سمجھتے ہیں۔
’اگر ہمارے اندورنی اور بیرونی معاملات اتنے بہتر ہوتے تو آج عمران خان جیل میں نہ ہوتے، ہم نے عمران خان کی رہائی کے لیے اتنی پریشر والی مہم شروع کی ہوئی تھی اور آج ہم رہائی، رسائی اور پھر دوائی پر آگئے ہیں۔‘
ان کے مطابق سوال یہ نہیں کہ عمران خان کے لیے عوامی حمایت موجود ہے یا نہیں، بلکہ اصل مسئلہ یہ ہے کہ اتنی مقبولیت اور حمایت کے باوجود عملی نتائج کیوں سامنے نہیں آ رہے۔
مزید پڑھیں: عمران خان کو ذاتی معالج نہ ملنے پر میرے تحفظات برقرار ہیں، کسی کی دل آزاری ہوئی تو معذرت، علی امین گنڈاپور
انہوں نے کہا کہ یا تو نیت میں خرابی ہے یا پھر ہم غیر ضروری اور بے مقصد سرگرمیوں میں الجھے ہوئے ہیں۔
’بعض لوگ ذاتی مفادات، نادانی یا غفلت میں استعمال ہو رہے ہیں، جس کا نتیجہ یہ نکلا ہے کہ آج عمران خان کو نہ تو رہائی ملی اور نہ ہی بنیادی سہولیات تک مکمل رسائی حاصل ہے۔‘
پی ٹی آئی رہنما نے واضح کیا کہ عمران خان کے لیے صرف بیانات اور مذاکرات کافی نہیں، بلکہ دباؤ صرف عمل، طاقت اور منظم جدوجہد سے پیدا ہوتا ہے۔ ان کا کہنا تھا کہ اگر باتوں سے مسئلہ حل ہونا ہوتا تو حالات آج مختلف ہوتے۔
مزید پڑھیں: ’لگتا ہے پھر سے لانچ کردیا‘، علی امین گنڈاپور کے حالیہ بیانات پر پی ٹی آئی ہمدرد ناراض
علی امین گنڈا پور نے یہ بھی کہا کہ جب سے نئی انتظامی تبدیلیاں آئیں، عمران خان تک ملاقات اور رسائی بھی بند ہو چکی ہے، جس کا ذمہ دار کسی ایک فرد کو نہیں ٹھہرایا جا سکتا، کیونکہ پارٹی ایک ٹیم ہے اور سب اس کے ذمہ دار ہیں۔
انہوں نے اپنی وضاحت میں کہا کہ وہ کبھی خاموش نہیں رہے، نہ ہی کسی عہدے کے محتاج ہیں۔ وہ ایک ورکر کی حیثیت سے اپنے حلقے میں متحرک رہے اور پارٹی کی ہر کال پر سب سے آگے رہے۔
مزید پڑھیں: عمران نے نواز شریف کو باہر بھیجا، آپ بانی پی ٹی آئی کو بھیج دیں، علی امین گنڈاپور کا وزیراعظم سے مطالبہ
ان کا دعویٰ تھا کہ ملک کی بڑی ریلیوں اور عوامی اجتماعات میں ان کا حلقہ پیش پیش رہا۔
آخر میں علی امین گنڈا پور نے کہا کہ اگر عمران خان کے لیے دباؤ بڑھانے کی بات کرنا گناہ ہے تو وہ یہ گناہ کرتے رہیں گے، کیونکہ اصل تبدیلی عمل سے آتی ہے، صرف تقاریر اور بیانات سے نہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
دوائی رسائی رہائی علی امین گنڈاپور عمران خان.
ذریعہ
ذریعہ: WE News
کلیدی لفظ: دوائی رہائی علی امین گنڈاپور علی امین گنڈا پور نے عمران خان کی رہائی علی امین گنڈاپور کہ عمران خان پی ٹی آئی کے لیے نے کہا کہا کہ
پڑھیں:
حملہ ہوا تو خلیج میں امریکہ سے منسلک پلوں اور بجلی گھروں کو نشانہ بنائیں گے، ایران
لاہور(ڈیلی پاکستان آن لائن)ایران نے صدر ٹرمپ کی تازہ دھمکی کے جواب میں خبردار کیا ہے کہ اگر امریکا باز نہ آیا تو مشرق وسطیٰ میں اس کے انفرا اسٹریکچرز بھی محفوظ نہیں رہیں گے۔ایران کی نیم سرکاری خبر رساں ایجنسی تسنیم کے مطابق ایک نامعلوم فوجی ذریعے نے کہا کہ آبنائے ہرمز پر اپنی خودمختاری کے استعمال میں ایران کا عزم فولادی ہے اور وہ کبھی بھی اس اہم آبی گزرگاہ کو اپنے خلاف خطرہ بننے کی اجازت نہیں دے گا۔فوجی عہدیدار نے مزید کہا کہ اگر امریکا نے ایران کے پلوں یا بجلی گھروں پر حملہ کیا تو ایران بھی عرب ممالک میں موجود امریکا سے وابستہ اہم شہری بنیادی ڈھانچوں بشمول پلوں، بجلی گھروں اور تنصیبات پر حملے کرے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
بیان میں مزید کہا گیا ہے کہ امریکیوں کو گزشتہ دس دنوں کے واقعات کے بعد اب پوری طرح یقین ہو جانا چاہیے کہ ایران جہاں چاہتا ہے وہیں حملہ کرنے کی صلاحیت رکھتا ہے۔ایرانی فوجی عہدیدار نے مزید کہا کہ لہٰذا ٹرمپ اگر اس طرح کا کوئی خطرناک جوا کھیلتے ہیں تو اس کا انجام ایک بار پھر ان کی سبکی اور شرمندگی کی صورت میں نکلے گا۔انھوں نے کہا کہ ایران آبنائے ہرمز پر اپنی خودمختاری کا حق استعمال کرتا رہے گا اور اس اہم آبی گزرگاہ پر اپنا کنٹرول برقرار رکھنے کے اپنے پختہ عزم سے کسی صورت دستبردار نہیں ہوگا۔
یاد رہے کہ امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر اعلان کیا تھا کہ اگر ایران کی پاسدارانِ انقلاب آبنائے ہرمز میں کسی تجارتی جہاز پر میزائل، راکٹ، ڈرون یا کسی اور ہتھیار سے حملہ کرتی ہے تو امریکا ہر ایسے واقعے کے جواب میں ایران کے ایک پل یا بجلی گھر کو تباہ کر دے گا چاہے وہ تہران کے قریب ہی کیوں نہ واقع ہو۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
واضح رہے کہ آبنائے ہرمز دنیا کی اہم ترین سمندری گزرگاہوں میں شمار ہوتی ہے جہاں سے عالمی سطح پر تیل اور گیس کی بڑی مقدار گزرتی ہے اور اسے ایران نے بند کر رکھا ہے جس کے باعث عالمی منڈیوں میں تیل کی قیمتیں بڑھ گئی ہے۔
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا