برطانیہ: 28 ملین افراد دائمی دردوں کا شکار، خواتین زیادہ متاثر
اشاعت کی تاریخ: 21st, February 2026 GMT
سائنسدانوں کے تازہ انکشافات کے مطابق برطانیہ میں تقریباً 28 ملین افراد دائمی درد میں مبتلا ہیں، اور توقع ہے کہ آئندہ چند برسوں میں مزید 2 ملین لوگ اس حالت کا شکار ہو جائیں گے۔
تحقیق کے مطابق خواتین کو مردوں کے مقابلے میں دائمی درد کا سامنا تقریباً 50 فیصد زیادہ ہوتا ہے۔ عام طور پر تین ماہ یا اس سے زیادہ عرصے تک برقرار رہنے والے درد کو دائمی درد قرار دیا جاتا ہے، اور یہ خاص طور پر خواتین اور عمر رسیدہ افراد میں زیادہ عام ہے۔
مشی گن اسٹیٹ یونیورسٹی کے ماہرین نے بتایا کہ خواتین میں مدافعتی خلیے کم فعال ہونے کی وجہ سے درد زیادہ دیر تک رہ سکتا ہے۔ اس کے نتیجے میں خواتین نہ صرف زیادہ متاثر ہوتی ہیں بلکہ درد کا دورانیہ بھی طویل ہوتا ہے۔
عام دائمی درد کی شکایات میں کمر درد، جوڑوں کا درد، سر درد، درد شقیقہ اور اینڈو میٹرائیوسس شامل ہیں۔ محققین کا کہنا ہے کہ انگلینڈ کی بڑھتی عمر رسیدہ آبادی کی وجہ سے 2040ء تک مزید 2 ملین افراد اس مسئلے کا شکار ہو سکتے ہیں۔
ماہرین کے مطابق یہ ایک سنگین صحت کا مسئلہ ہے، جس کے لیے عوامی شعور اور طبی امداد میں اضافہ ضروری ہے تاکہ متاثرہ افراد کے معیارِ زندگی کو بہتر بنایا جا سکے۔
ذریعہ
ذریعہ: Daily Mumtaz
پڑھیں:
لاہور میں موسلا دھار بارش، سڑکیں زیر آب، معمولات زندگی متاثر
لاہور میں مون سون کی شدید بارشوں نے معمولات زندگی متاثر کر دیے، کئی علاقوں میں سڑکیں، چوراہے اور انڈر پاسز پانی میں ڈوب گئے جبکہ ٹریفک کی روانی شدید متاثر ہوئی۔ محکمہ موسمیات کے مطابق گزشتہ 48 گھنٹوں کے دوران شہر میں 343 ملی میٹر بارش ریکارڈ کی گئی، جس کے باعث متعدد نشیبی علاقوں میں پانی جمع ہوگیا۔
لاہور کے مختلف علاقوں میں بارش کا پانی جمع ہونے سے شہریوں کو آمدورفت میں مشکلات کا سامنا کرنا پڑا۔ بعض سڑکوں اور گلیوں میں 3 سے 4 فٹ تک پانی کھڑا رہا، جبکہ کئی مقامات پر گاڑیوں کی لمبی قطاریں لگ گئیں۔
یہ بھی پڑھیں: لاہور میں بارش کے بعد کئی علاقے زیر آب، ’اب آفس جانےکے لیے کشتی کی ضرورت ہوگی‘
ڈیفنس کے فیز ون سے فیز فائیو تک مختلف مقامات پر پانی جمع ہونے سے ٹریفک متاثر ہوئی، جبکہ غازی انڈر پاس اور مسجد چوک انڈر پاس کو پانی بھرنے کے باعث بند کرنا پڑا اور ٹریفک کو متبادل راستوں پر منتقل کیا گیا۔
حربنس پورہ، مال روڈ، کوپر روڈ، لکشمی چوک اور چوبرجی چوک سمیت متعدد علاقوں میں بھی پانی جمع ہونے کی اطلاعات ملیں، جہاں واسا کی ٹیمیں نکاسی آب میں مصروف رہیں۔
شدید بارش کے باعث شہر کی کئی سڑکوں پر گڑھے بھی پڑ گئے۔ کینال روڈ، جوہر ٹاؤن مین بلیوارڈ اور بھیکے والا موڑ سمیت مختلف مقامات پر سڑکیں متاثر ہوئیں، جس کے بعد ٹریفک پولیس نے متاثرہ علاقوں کو بند کرکے متبادل راستے فراہم کیے۔
یہ بھی پڑھیں: مون سون سیزن: لاہور سے ایک گھنٹے میں بارش کا پانی نکالنا ہدف ہے، ڈی ایم ڈی واسا
صوبائی ڈیزاسٹر مینجمنٹ اتھارٹی کے مطابق پنجاب میں حالیہ مون سون بارشوں کے دوران مختلف حادثات میں اب تک 21 افراد جاں بحق اور 154 زخمی ہو چکے ہیں۔ جاں بحق ہونے والوں میں 15 افراد مکانات گرنے، 2 آسمانی بجلی گرنے، 3 کرنٹ لگنے جبکہ ایک شخص ڈوبنے سے جاں بحق ہوا۔
واسا لاہور کے مطابق شہر میں ہنگامی بنیادوں پر نکاسی آب کا عمل جاری ہے، تمام ڈسپوزل اسٹیشن مکمل استعداد کے ساتھ کام کر رہے ہیں جبکہ متاثرہ مقامات پر اضافی مشینری اور عملہ تعینات کیا گیا ہے۔
ضلعی انتظامیہ اور واسا نے شہریوں کو غیر ضروری سفر سے گریز کرنے، نشیبی علاقوں اور بجلی کے کھمبوں سے دور رہنے کی ہدایت کی ہے۔ شہریوں نے تاہم ہر سال بارشوں کے دوران پانی جمع ہونے کے مسئلے پر تشویش کا اظہار کرتے ہوئے نکاسی آب کے نظام کو بہتر بنانے کا مطالبہ کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بارش پانی زیر آب لاہور
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا