سابق بھارتی کرکٹر شیکھر دھون نے دوسری شادی کرلی
اشاعت کی تاریخ: 21st, February 2026 GMT
سابق بھارتی اوپنر شیکھر دھون نے اپنی گرل فرینڈ صوفی شائن کے ساتھ سادگی سے شادی کرلی، جس کے بعد سوشل میڈیا پر مداحوں اور ساتھی کھلاڑیوں کی جانب سے مبارکبادوں کا سلسلہ شروع ہوگیا۔
بھارتی میڈیا رپورٹس کے مطابق شادی کی تقریب ہفتے کے روز دہلی این سی آر میں محدود پیمانے پر منعقد ہوئی، جس میں صرف قریبی عزیز و اقارب اور چند دوستوں نے شرکت کی۔ تقریب کو نجی رکھا گیا اور اسے سادہ مگر پُروقار انداز میں منعقد کیا گیا۔
شادی کی خبر اس وقت منظر عام پر آئی جب بھارتی کرکٹر یوزویندر چہل نے انسٹاگرام پر تقریب کی چند تصاویر شیئر کیں۔ تصاویر وائرل ہوتے ہی مداحوں نے شیکھر دھون کے لیے نیک تمناؤں اور دعاؤں کا اظہار کرنا شروع کردیا۔
یاد رہے کہ رواں برس جنوری میں شیکھر دھون نے صوفی شائن سے منگنی کا اعلان کیا تھا۔ دستیاب معلومات کے مطابق صوفی شائن کا تعلق آئرلینڈ سے ہے اور وہ پیشے کے اعتبار سے پروڈکٹ کنسلٹنٹ ہیں۔ وہ اس وقت امریکی مالیاتی ادارے ناردرن ٹرسٹ کارپوریشن میں بطور سیکنڈ وائس پریذیڈنٹ خدمات انجام دے رہی ہیں۔
واضح رہے کہ شیکھر دھون کی پہلی شادی عائشہ مکھرجی سے ہوئی تھی، تاہم اکتوبر 2023 میں دونوں کے درمیان باضابطہ علیحدگی ہوگئی تھی، جس کے ساتھ ان کی 11 سالہ ازدواجی زندگی اختتام پذیر ہوئی۔
ذریعہ
ذریعہ: Daily Mumtaz
کلیدی لفظ: شیکھر دھون
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا