پیشہ ورانہ گداگری کے خلاف سخت کریک ڈاؤن، 310 گرفتار
اشاعت کی تاریخ: 22nd, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
260222-02-12
کراچی( اسٹاف رپورٹر )ڈسٹرکٹ ایسٹ پولیس نے شہر میںٹریفک کی روانی میں خلل ڈالنے اور پیشہ ورانہ گداگری میں ملوث افراد کے خلاف بھرپور کریک ڈاؤن کا آغاز کر دیا ہے۔ یہ کارروائیاں رمضان المبارک کے دوران شہریوں کے جان و مال کی حفاظت اور ٹریفک کی بہتر روانی کو یقینی بنانے کے لیے کی جا رہی ہیں۔پولیس کی خصوصی ٹیموں نے ایسٹ کے مختلف علاقوں، اہم شاہراہوں، مارکیٹس اور چوراہوں پر کارروائیاں کیں، جن کے دوران اب تک 310 پیشہ ور گداگر گرفتار کیے جا چکے ہیں۔ یہ گداگر ٹریفک سگنلز، تجارتی مراکز اور عوامی مقامات پر شہریوں کوہراساں کرنے اور ٹریفک کی روانی کو متاثر کرنے میں ملوث تھے۔گرفتار افراد کے خلاف ضابطے کے تحت مقدمات درج کر لیے گئے ہیں اور ان سے مزید تفتیش اور قانونی کارروائی جاری ہے۔ پولیس حکام کا کہنا ہے کہ ان کارروائیوں کا مقصد شہر میں ٹریفک کے بہاؤ کو بہتر بنانا اور پیشہ ور گداگری کی روک تھام کرنا ہے، جو شہر کی روزمرہ زندگی میں مشکلات پیدا کرتی ہے۔ایسٹ پولیس کے ترجمان نے بتایا کہ رمضان کے مہینے میں شہریوں کو درپیش مشکلات کو کم کرنے کے لیے یہ کارروائیاں بلا تعطل جاری رکھی جائیں گی تاکہ شہر کی سڑکوں پرامن و سکون قائم رکھا جا سکے۔
ذریعہ
ذریعہ: Jasarat News
پڑھیں:
اٹلی میں 4 پاکستانیوں کو وین میں بند کرکے جلاکر قتل کردیا گیا، پاکستانی ہی قاتل نکلے، 2 ملزم گرفتار
روم ( اُردو پوائنٹ اخبارتازہ ترین۔ 02 جون2026ء ) اٹلی کے جنوبی علاقے میں 4 پاکستانی کھیت مزدوروں کو ایک منی وین کے اندر مبینہ طور پر زندہ جلا کر قتل کر دیا گیا، اطالوی پولیس نے اس وحشیانہ قتل کے الزام میں 2 پاکستانی شہریوں کو گرفتار کرلیا۔ اطالوی اخبار کوریئر ڈیلا سیرا (Corriere della Sera) کے حوالے سے رپورٹ کیا گیا ہے کہ اٹلی کے جنوبی علاقے کلابریا میں ایک پیٹرول پمپ کے قریب ایک جلی ہوئی منی وین سے چار پاکستانی کارکناں کی لاشیں برآمد ہوئی ہیں، اطالوی پولیس نے کارروائی کرتے ہوئے ان مقتولین کے قتل کے شبہے میں 2 پاکستانی باشندوں کو حراست میں لے لیا، اطالوی پولیس نے گرفتار دونوں پاکستانی ملزمان کو ریمانڈ پر لے کر ان سے تفتیش شروع کر دی تاکہ اس گینگ اور دیگر سہولت کاروں کا پتہ لگایا جا سکے۔(جاری ہے)
بتایا گیا ہے کہ یہ ہولناک واقعہ کلابریا کے ایک وسیع زرعی علاقے میں واقع گاؤں امینڈولارا کے قریب ایک پیٹرول اسٹیشن پر پیش آیا، پیٹرول پمپ پر لگے سی سی ٹی وی کیمروں کی تصاویر نے اس سفاکیت کو بے نقاب کیا، قانون نافذ کرنے والے اداروں نے فوٹیج میں دیکھا کہ دو افراد نے باہر سے منی وین کے دروازوں کو بلاک کر دیا تاکہ اندر موجود لوگ باہر نہ نکل سکیں۔ معلوم ہوا ہے کہ دروازے بند کرنے کے بعد ان افراد نے گاڑی کے اندر کوئی آتش گیر مائع پٹرول یا کیمیکل پھینکا، مائع پھینکتے ہی گاڑی میں خوفناک آگ بھڑک اٹھی اور دونوں ملزمان موقع سے فرار ہو گئے، فائر فائٹرز نے موقع پر پہنچ کر جب آگ پر قابو پایا تو گاڑی کے اندر سے چاروں پاکستانیوں کی جھلسی ہوئی لاشیں برآمد ہوئیں، مقامی پولیس چیف انتونیو بوریلی نے تصدیق کی کہ یہ یقینی طور پر قتل کا معاملہ ہے، ہمیں بس اب اس کی مزید تفصیلات اور تانے بانے معلوم کرنے ہیں۔ بتایا جارہا ہے کہ یہ علاقہ گزشتہ چند ماہ سے تارکینِ وطن کے درمیان شدید کشیدگی کا مرکز بنا ہوا تھا، اس زرعی علاقے میں غیر ملکیوں اور خاص طور پر پاکستانیوں کے درمیان کھیتوں میں کام کی تقسیم، رہائشی کاغذات اور رہائش گاہوں کے مسائل پر شدید اختلافات چل رہے ہیں، حالیہ مہینوں میں اسی علاقے کے اندر پاکستانیوں کو لے جانے والی کاروں اور منی وینز کو آگ لگانے کے 14 واقعات پہلے بھی رپورٹ ہو چکے ہیں، جن کا انجام اب اس ہولناک ڈبل مرڈر کی صورت میں سامنے آیا۔
وزارت آئی ٹی نے 1.67 ارب روپے سے زاید کے فنڈز طلب کرلیے