پاکستان میں نصب انٹرنیٹ فائر وال منصوبہ ناکامی سے دوچار
اشاعت کی تاریخ: 22nd, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
اسلام آباد (صباح نیوز)سوشل میڈیا کی نگرانی کے لیے نصب فائر وال منصوبہ ناکام ہونے کے بعد حکومت پاکستان نے فائیو جی اسپیکٹرم کی متوقع نیلامی سے قبل اسے مستقل طور پر بند کرنے کا فیصلہ کر لیا ہے جبکہ اس منصوبے سے قومی خزانے کو اربوں روپے کا نقصان برداشت کرنا پڑا۔ نجی ٹی وی کی رپورٹ کے مطابق 2024ء میں سوشل میڈیا کی نگرانی اور کنٹرول کے مقصد سے نصب کیا گیا فائر وال منصوبہ مکمل تکنیکی تیاری کے بغیر شروع کیا گیا جس کے باعث یہ ملک کے ٹیلی کام انفرااسٹرکچر سے ہم آہنگ نہ ہو سکا۔ سرکاری ذرائع کا کہنا ہے کہ منصوبہ مطلوبہ نتائج دینے میں ناکام رہا اور اس کے باعث انٹرنیٹ کی رفتار بھی شدید متاثر ہوئی ہے۔ رپورٹ کے مطابق فائر وال کی وجہ سے انٹرنیٹ سست روی کا شکار رہا، جس سے لاکھوں فری لانسرز اور ہزاروں کمپنیوں کی ڈیجیٹل سروسز متاثر ہوئیں۔ حکام کا کہنا ہے کہ صورتحال کو مدنظر رکھتے ہوئے اور فائیو جی اسپیکٹرم کی نیلامی سے قبل نظام کو مستحکم بنانے کے لیے فائر وال کو مستقل طور پر بند کرنے کا فیصلہ کیا گیا۔ دوسری جانب فائر وال کی بندش سے متعلق وزارت آئی ٹی نے باضابطہ موقف دینے سے گریز کیا ہے۔
ذریعہ
ذریعہ: Jasarat News
کلیدی لفظ: فائر وال
پڑھیں:
دوسرا ون ڈے: آسٹریلیا نے پاکستان کو جیت کیلئے 232 رنز کا ہدف دے دیا
تین ایک روزہ میچوں کی سیریز کے دوسرے میچ میں آسٹریلیا نے پاکستان کو جیت کے لیے 232 رنز کا ہدف دے دیا۔لاہور کے قذافی اسٹیڈیم میں کھیلے جارہے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی۔مہمان ٹیم نے پہلےکھیلتے ہوئے مقررہ 50 اوورز میں 9 وکٹ پر 231 رنز اسکور کیے۔آسٹریلیا کی جانب سے کیمرون گرین 53، جوش انگلس 51 اور میٹ رنشا 43 رنز بنا کر نمایاں رہے۔پاکستان کی جانب سے کپتان شاہین آفریدی نے 3 جب کہ حارث رؤف ، عرفات منہاس اور ابرار احمد نے 2،2 وکٹیں حاصل کیں۔پاکستان نے آسٹریلیا کے خلاف پہلا ون ڈے جیتنے والی ٹیم کو ہی برقرار رکھا ہے۔خیال رہے کہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ