حیدرآباد میں بھی پولیس دربار کا انعقاد کیا جائے‘شہری
اشاعت کی تاریخ: 22nd, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
حیدرآباد (نمائندہ جسارت) سندھ کے دوسرے بڑے شہر حیدرآباد میں تفتیشی پولیس شدید انتظامی و مالی مسائل کا سامنا کررہی ہے، جس کے باعث تفتیشی ونگ کی کارکردگی بری طرح متاثر ہو رہی ہے۔ ذرائع کے مطابق تفتیشی افسران علیحدہ دفاتر، کمپیوٹر سمیت دیگر بنیادی سہولیات سے بھی محروم ہیں، جو وزارت داخلہ اور پولیس قیادت کی عدم دلچسپی کی واضح دلیل ہے، اس کے علاوہ کسی بھی مقدمے کی تفتیش کے لیے تفتیشی افسران کو فنڈز بھی بروقت فراہم نہیں کیا جاتا، جس کی وجہ سے شواہد اکٹھے کرنے، ایک شہر سے دوسر ے شہر تک کے سفر میں بھی دشواری کا سامنا کرنا پڑتا ہے، اکثر و بیشتر تفتیشی افسران جیب سے ہی اخراجات اٹھانے پر مجبور دکھائی دیتے ہیں، حیران کن طور پر تفتیشی افسران کو علیحدہ سے پولیس موبائل، موٹر سائیکلیں فراہم کی گئی ہیں اور نہ ہی سرکاری سطح پر فیول کی سہولت میسر ہے، جو زیر التواء مقدمات کی پیشرفت پر منفی اثرات مرتب کررہے ہیں۔ ذرائع کے مطابق ضلع حیدرآباد میں سینئر انوسٹی گیشن افسران کے اختیارات بھی تھانوں کے ایس ایچ اوز کے پاس ہیں، جو شفاف تحقیقات کی راہ میں بڑی رکاوٹ سمجھے جارہے ہیں جب کہ تفتیشی ونگ کے علیحدہ سپرنٹنڈنٹ آف پولیس اور ڈپٹی سپرنٹنڈنٹ آف پولیس کی عدم تعیناتی سے بھی انتظامی خلاپیدا ہوچکا۔ شہری و سماجی حلقوں کا موقف ہیکہ جب تک تفتیشی افسران کو مکمل انتظامی خود مختاری نہیں دی جاتی، غیر جانبدارانہ تحقیقات ممکن نہیں، وزیر اعلیٰ سندھ مراد علی شاہ،وزیر داخلہ ضیاء الحسن لنجار اور آئی جی جاوید عالم اوڈھو سے اپیل ہے کہ کراچی کی طرز پر حیدرآباد میں بھی پولیس دربار کا انعقاد کیا جائے تاکہ پولیس افسران اور اہلکاروں کو درپیش مسائل براہ راست سنے جاسکیں اور ان کا موثر حل بھی نکالا جاسکے۔ انہوں نے مطالبہ کیا کہ تفتیشی پولیس کو فوری بنیادی سہولیات، فنڈز کی بروقت فراہمی، ٹرانسپورٹ اور مکمل اختیارات فراہم کیے جائیں تاکہ جرائم کی شفاف اور موثر تحقیقات کو یقینی بنایا جا سکے۔
ذریعہ
ذریعہ: Jasarat News
کلیدی لفظ: تفتیشی افسران
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا