نئے صوبے کا مطالبہ آئینی و جمہوری حق ہے ‘ محمد فاروق
اشاعت کی تاریخ: 22nd, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی(اسٹاف رپورٹر) سندھ اسمبلی میں جماعت اسلامی کے پارلیمانی لیڈر محمد فاروق نے ہفتہ کو سندھ اسمبلی کے اجلاس کے دوران وزیر اعلیٰ سندھ کی جانب سے پیش کی گئی قرارداد کی حمایت کی تاہم انہوں نے کہا کہ نئے صوبے بنانے کے لیے آئین میں طریقہ کار موجود ہے جس کے تحت کوئی نیا صوبہ بن سکتا ہے، انہوں نے کہا کہ سندھ ہو یا پاکستان کا کوئی بھی صوبہ اس کے منتخب لوگ آئین پاکستان کے تحت اگر نئے صوبے کا مطالبہ کرتے ہیں تو یہ ان کا آئینی و جمہوری حق ہے۔ آئین کے اندر جو کچھ موجود ہے اس پر من و عن عملدرآمد ہونا چاہیے۔ محمد فاروق نے کہا کہ کراچی کو پانی ، گیس اور انفرااسٹر کچر نہیں مل رہا، کراچی کے لوگوں کو نوکریاں نہیں مل رہیں، اس میں برابر کا حصہ ملنا چاہیے۔ انہوں نے کہا کہ 18ویں آئینی ترمیم کے بعد صوبے کو اختیارات ملے لیکن آپ نے کراچی جو اس صوبے کا دارالخلافہ ہے اور وہ بیٹا ہے جو کما کر دیتا ہے اس کا جائزحق نہیں دیا ۔محمد فاروق نے مزید کہا کہ اس صوبے کے ساتھ زیادتیاں ہوئی ہیں، سندھ صوبہ تاریخی حیثیت کا حامل ہے، سندھ باب الاسلام ہے یہ صوفیوں کی دھرتی اور شاہ عبداللطیف بھٹائی کی سرزمین ہے اس کے ساتھ بہت زیادتی کی گئی ہے۔ محمد فاروق نے مزید کہا کہ جن کے پاس اختیارات ہیں انہوں نے بھی کراچی کو کچھ نہیں دیا۔ کراچی سمیت سندھ کے دیگر شہروں میں بھی ترقی ہونی چاہیے کراچی کو اس کا جائز حق ملنا چاہیے۔
ذریعہ
ذریعہ: Jasarat News
کلیدی لفظ: محمد فاروق نے نے کہا کہ انہوں نے
پڑھیں:
وزیراعلی سندھ مراد علی شاہ کا مون سون کے پیش نظر انتظامیہ کو الرٹ رہنے کا حکم
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ اسلام ٹائمز۔ سندھ کے وزیر اعلی سید مراد علی شاہ کی ہدایت پر صوبائی ڈیزاسٹر مینجمنٹ اتھارٹی (پی ڈی ایم اے) نے سندھ بھر کی ضلعی انتظامیہ کو ہائی الرٹ کر دیا ہے اور تمام متعلقہ محکموں کو احتیاطی اور ہنگامی ردعمل کے اقدامات کرنے کی ہدایت کی ہے، کیونکہ بحیرہ عرب سے آنے والے مون سون کے طاقتور ہوائی سلسلے صوبے کو متاثر کر رہے ہیں۔ پی ڈی ایم اے کی جانب سے جاری کردہ موسمیاتی ایڈوائزری کے مطابق، پاکستان محکمہ موسمیات (پی ایم ڈی) کی پیش گوئی کی بنیاد پر ملک میں داخل ہونے والے مون سون کے طاقتور ہوائی سلسلے، بالائی اور وسطی علاقوں کو متاثر کرنے والے مغربی موسمی نظام کے ساتھ مل کر، 23 جولائی سے 25 جولائی تک سندھ کے کئی اضلاع میں وسیع پیمانے پر بارش، گرج چمک اور بعض مقامات پر موسلا دھار بارش کا سبب بن سکتے ہیں۔
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ وزیر اعلی نے ڈویژنل کمشنرز اور بلدیاتی اداروں کو مزید ہدایت کی کہ وہ نشیبی علاقوں، شہری مراکز اور حساس مقامات کی کڑی نگرانی کریں، امدادی سامان اور آلات کی دستیابی یقینی بنائیں اور موسمیاتی پیش گوئی کی مدت کے دوران تمام محکموں کے درمیان بلاتعطل رابطہ برقرار رکھیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار